Fljótasigling á Rhone

Þetta er einstaklega ljúf sigling eftir ánni Rhône um rótgróin héruð í Frakklandi, þar sem fara saman glæsilegar byggingar frá liðinni tíð og undurfagurt landslag. Við ökum frá París um Búrgundar hérað í bæinn Beaune sem er gamall virkisbær umvafinn vínökrum. Þaðan liggur leiðin til Lyon þar sem við förum um borð í skipið MS Rhône Princesse sem er sannkallað fljótandi lúxushótel. Næstu daga líðum við um undurfagurt umhverfi og upplifum samspil náttúrufegurðar og glæsibygginga þegar siglt er hjá æva fornum borgum og bæjum. Víða er farið í land og ekið um fögur héruð eins og um Cotes du Rhône hérað þar sem við skoðum bæinn Tain-l‘Hermitage en hann er í einu merkilegasta vínyrkjuhéraði Frakklands. Töfrandi og ljúf er siglingin til Avignon þar sem við kynnumst þessari fornu borg og skoðum m.a. Palais des Papes og förum að brúnni Pont Saint-Bénézet. Síðan verður siglt til bæjarperlunnar Arles í Provence héraði. Við upplifum yndislegan morgun á ferð okkar um Camargue svæðið, sem er friðlýst vatnasvæði, þorp og bæi með langa sögu en pílagrímsbærinn Saintes Maries de la Mer er einn slíkur. Ekki lætur fegurðin á sér standa á siglingu okkar til Viviers en þaðan verður farið í rútu um hið magnaða Ardeche gil. Mikill kraftur árinnar Ardéch hefur sorfið sig inn í bergið og myndað hella, boga og skör og á leið okkar njótum við stórkostlegs útsýni yfir þetta villta landslag. Þessari glæsilegu siglingu lýkur í Lyon en þaðan er ekin fögur leið til bæjarins Murten í Sviss. Ferðalok eru svo í Zürich þaðan sem flogið er til Íslands.

Verð á mann 314.800 kr.

Aukagjald fyrir einbýli 76.600 kr.


Innifalið

  • 8 daga ferð.
  • Flug með Icelandair og flugvallarskattar.
  • Gisting í 2ja manna herbergi með baði á hóteli í upphafi og lok ferðar.
  • Morgun- og kvöldverður allan tímann á hótelum.
  • Allar skoðunarferðir með rútu samkvæmt ferðalýsingu.
  • 6 daga fljótasigling frá Lyon og aftur til Lyon með MS Rhône Princesse káetum með baðherbergi.
  • Gisting í 4 nætur á MS Chamargue í káetum með sturtu / salerni.
  • Morgun-, hádegis- og kvöldverður á MS Rhône Princesse.
  • Allir drykkir með máltíðum á skipinu, vín, bjór, vatn og kaffi.
  • Móttökudrykkur á skipinu og allir drykkir á bar.
  • Hátíðarkvöldverður síðasta kvöldið á skipinu.
  • Íslensk fararstjórn.

Ekki innifalið

  • Aðgangseyrir inn í söfn, hallir, kláfa og kirkjur.
  • Hádegisverðir aðrir en eru taldir upp í innifalið.
  • Þjórfé.

Kort af ferðinni

FerðalýsingPrenta ferðalýsingu

11. október | Flug til París & Beaune

Brottför frá Keflavík kl. 7:40. Mæting í Leifsstöð um 2,5 klst. fyrir brottför. Lending í París kl. 13:05 að staðartíma. Þaðan verður ekin fögur leið til Beaune í Búrgundar héraðinu, sem er rómað fyrir fegurð, þar sem gist verður í eina nótt í miðbænum.

12. október | Beaune, Lyon & sigling á ánni Rhône

Við byrjum daginn á skemmtilegri göngu um Beaune, þessa yndislegu virkisborg Búrgunda vínhéraðsins sem er umvafin Côte d'Or vínökrum. Hrífandi götur með fallegum, blómum skreyttum bindingsverkshúsum sem gleðja augað. Hér eru margar glæstar byggingar sem prýða borgina þar á meðal Hótel Dieu frá 15. öld sem hýsir safn með mörgum meistaraverkum. Borgin er einnig þekkt fyrir árlegt vínuppboð. Eftir hádegishressingu kveðjum við þennan fallega stað þar sem komið er að hápunkti ferðarinnar, sjálfri siglingunni. Stefnan er sett á Lyon, sem er önnur fjölmennasta borg landsins. Elsti hluti borgarinnar er St. Jean, sem stendur á tanganum við ármót Rhône og Saône. Torgin Place des Terreaux og Place Bellecour teljast með stærstu torgum Evrópu. Hér bíður okkar fljótaskipið MS Rhône Princesse sem er sannkallað fljótandi eðalhótel. Þegar allir eru búnir að koma sér fyrir leggur skipið frá landi og er stefnan tekin á Collonges au Mont-d´Or þar sem skipið liggur að fram yfir miðnætti. Við verðum boðin velkomin í stuttri athöfn áður en kvöldverður hefst. Eftir miðnætti tekur MS Rhône Princesse stefnuna á Tain-l’Hermitage. Á fljótaskipinu verður gist í 5 nætur í þægilegum, vel búnum káetum með tveimur rúmum, sturtu, salerni, loftkælingu, hárþurrku, sjónvarpi, öryggishólfi og útsýnisglugga. Uppi á sóldekki er allt til alls, bæði legubekkir sem og borð og stólar. Um borð er setustofa með bar, les- og sjónvarpsstofu og veitingasal. Á kvöldin er þjónað til borðs. Fullt fæði er innifalið, drykkir með mat á meðan á siglingu stendur og einnig á barnum.

13. október | Tain-l’Hermitage, Rhône dalurinn & Avignon

Á meðan á morgunverði stendur njótum við þessa dásamlega útsýnis á siglingu um Rhône dalinn til Tain l’Hermitage, sem er með einhverja frægustu vínakra Frakklands.
Eftir góðan morgunverð, verður ekið um Côtes du Rhône héraðið sem er rómað fyrir mikla náttúrufegurð og einstaklega gjöfula vínakra. Nú bíður eftir okkur ljúffengur hádegisverður á skipinu og stefnan tekin á Avignon. Eftir það er upplagt að njóta náttúrufegurðar svæðisins uppi á sóldekki eða í setustofu skipsins. MS Rhône Princesse leggur að landi í Avignon eftir miðnætti.

Opna allt

14. október | Skoðunarferð í Avignon & sigling til Arles

Að loknum morgunverði skoðum við hina glæsilegu borg Avignon. Borgarmúrarnir um gamla bæinn hafa varðveist með eindæmum en þar er að finna fjölda sögufrægra staða. Við munum staldra við nokkra þeirra á göngu okkar um borgina, s.s. Palais des Papes, höllina sem var íverustaður páfans á 14. öld, dómkirkjuna og frægu brúnni Pont Saint-Bénézet. Einnig verður frjáls tími til að kanna litríkt og skemmtilegt líf borgarbúa á eigin vegum. Á meðan við njótum hádegisverðar líðum við áfram í suðurátt á ánni Rhône með töfrandi og fjölbreytilegu útsýni. Skipið leggur að höfn í gömlu borgini Arles seinnipart dags. Þegar þangað er komið verður hægt að skoða sig um en bærinn geymir heilmiklar minjar frá tímum Rómaveldis sem komnar eru á heimsminjaskrá UNESCO.

15. október | Camargue vatnasvæðið & sigling til Viviers

Þessi töfrandi dagur byrjar með morgunverði en eftir það verður farið með rútunni í ljúfa ferð um Camargue svæðið, sem er friðlýst vatnasvæði myndað af framburði Rhône. Þar má mögulega sjá hópa af flamingóum, svörtum nautum og hvíta, arabíska hesta. Á þessari leið verður komið við í strandbænum Saintes Maries de la Mer, sem er yndislegur pílagrímsbær við Miðjarðarhafið. Eftir góðan tíma þar verður ekið til Arles þar sem MS Rhône Princesse bíður okkar. Meðan á hádegisverði stendur leggur skipið frá landi og verður stefnan tekin í norðurátt til Viviers. Náttúrufegurð og rómantíkin lætur ekki á sér standa í dag meðan við líðum hér áfram um Rhône dalinn. Eftir miðnætti leggur skipið að landi í Vieviers.

16. október | Viviers & Ardéche gilið

Þessi yndislegi morgunn er frjáls í bænum Viviers í Ardéche héraði, gaman er að rölta um þennan fallega bæ og kynna sér líf bæjarbúa en hérna búa tæplega 4000 manns. Eftir hádegisverð verður farið í rútuferð um hið stórfenglega Ardèche gil, sem er 300 m hátt og 30 km að lengd. Mikill kraftur árinnar Ardéch hefur sorfið sig inn í bergið, myndað hella, boga og skör eins og t.d. Pont-d-Arc, sem er 34 m á hæð. Á leið okkar njótum við stórkostlegs útsýnis yfir þetta villta landslag. Fljótandi hótelið okkar siglir á meðan til La Voulte þar sem það bíður okkar. Um kvöldið er hátíðarkvöldverður og eftir hann eru skemmtilegheit í setustofunni. Meðan á þessu stendur verður siglt til Lyon.

17. október | Lyon & Murten við Murten vatn

Nú er komið að því að kveðja áhöfnina á MS Rhône Princesse eftir sannkallaða dýrðardaga. Að loknum morgunverði förum við frá borði og í rútu en stefnan verður tekin á bæinn Murten í Sviss þar sem gist verður síðustu nóttina. Við verðum komin þangað tímanlega svo upplagt er að skoða þennan fagra miðaldabæ við Murten vatn.

18. október | Heimflug frá Zürich

Nú er komið að leiðarlokum eftir dásemdarferð, að morgunverði loknum verður ekið á flugvöllinn í Zürich. Brottför þaðan kl. 14:05 og áætluð lending í Keflavík kl. 15:55 að staðartíma.

Fararstjóri getur fært dagskrárliði á milli daga eftir þörfum þegar komið er á staðinn.

Myndir úr ferðinni

Vincent van Gogh brúin, nálægt Arles

Vincent van Gogh brúin, nálægt Arles

París

París

París

París

Beaune

Beaune

Beaune

Beaune

Beaune

Beaune

Lyon

Lyon

Beaune

Beaune

Avignon

Avignon

Lyon

Lyon

Vincent van Gogh brúin, nálægt Arles
París
París
Beaune
Beaune
Beaune
Lyon
Beaune
Avignon
Lyon

Fararstjórn

Þórdís Erla Ágústsdóttir

Þórdís Erla Ágústsdóttir hefur starfað sem fararstjóri í fjölmörg ár. Hún starfaði fyrst á Íslandi með franska, spánska, breska og ameríska ferðamenn. Á árunum 1993 til 1995 starfaði hún sem fararstjóri í Túnis með íslenska ferðamenn; 1996 á Spáni, nánar tiltekið í Benidorm fyrir ferðaskriftofuna Samvinnuferðir-Landsýn og 1997 og 1998 í Portúgal fyrir sömu ferðaskrifstofu. 

Skip

MS Rhone Princesse

MS Rhône Princesse hefur siglt um árnar Rhône og Saône í meira en 20 ár en það var sérstaklega hannað til að sigla um þrengri hluta árinnar. Skipið bættist í flota franska útgerðarfyrirtækisins Croisi Europe árið 2001 og fékk um leið glæsilega yfirhalningu. Á aðalþilfarinu er að finna huggulega setustofu með bar og veitingastað, þar sem morgunverðurinn er borinn fram. Á sólarþilfarinu er einnig fínasta líkamsræktaraðstaða. Allar káeturnar eru með sér baðherbergi, hárblásara, sjónvarpi og öryggishólfi. Loftræstikerfi er að finna í öllum káetum. 

Hér má sjá myndir og lesa nánar um skipið.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00