Kristín Jóhannsdóttir

Kristín Jóhannsdóttir

Kristín Jóhannsdóttir er fædd 1960 og uppalin í Vestmannaeyjum.  Eftir nám varð Kristín  fréttaritari RÚV í Berlín. Hún gengdi því starfi  í 10 ár á sögulegu tímabili eftir fall múrsins 1989. Hún var kynningar- og markaðsstjóri Icelandair í Þýskalandi frá 2000 – 2004, en þá kölluðu heimahagarnir. Frá 2004 hefur hún búið í Vestmannaeyjum séð þar um ferða- og markaðsmál m.m.  Frá opnun ELDHEIMA, nýja eldgosasafnsins í Eyjum hefur hún verið forstöðumaður safsins. Kristín hefur unnið við fararstjórn víða um heim frá því á námsárunum.  Hún hefur verið fararstjóri hjá Bændaferðum frá 2006. 

Vísur frá farþegum:

Sanssouci
Friðriks mikla fögur höll
full er auðs með gnóttir.
Kann um hana kynstrin öll
Kristín Jóhannsdóttir

Spreewald
Fór í Spreewald flokkur vor
Og ferðaðist á bátum.
Allir sýndu þrek og þor,
en þó með engum látum.

Dresden
Fram til Dresden fórum hratt
Með fararstjóra röskum,
Í rútunni þá gerðist glatt,
Er glamra tók í flöskum.

Umsagnir farþega

Kristín er fróð um þá staði og svæði sem hópurinn ferðaðist um og býr yfir eiginleikum sem fararstjórar þurfa að hafa: skapprýði, þolinmæði, sveigjanleiki, hefur góða málakunnáttu og vilja til að greiða úr málum.

Kristín var góður fararstjóri. Skipulögð og notaleg, hefur góðan húmor og segir skemmtilegar sögur úr lífinu.

Hún er frábær, fróð og þægileg í allri umgengni. Hún vildi allt fyrir okkur gera og var alltaf til taks.

Hiklaust er hægt að mæla með Kristínu. Hún er afar þægileg og hélt vel utan um hópinn. Gerði ferðina bæði skemmtilega og fróðlega.

Gerði ferðina mjög áhugaverða og skemmtilega. Kristín segir skemmtilega frá, er skipulögð og skilar starfi sínu mjöl vel.