Go to navigation .
Þórhallur Vilhjálmsson er fæddur í Reykjavík 1963. Hann nam markaðsfræði við háskólann í San Francisco og útskrifaðist þaðan árið 1990. Hann hefur starfað að markaðsmálum hjá ýmsum fyrirtækjum bæði hérlendis og í Bandaríkjunum. Upp úr 1990 starfaði hann sem einkaþjónn bandaríska rithöfundarins Danielle Steel og gaf seinna út endurminningabók sína, Svínahirðirinn, um þá lífsreynslu. Í dag er hann eigandi kaffihússins Babalú á Skólavörðustíg.
Þórhallur hefur starfað sem leiðsögumaður um 30 ára skeið, fyrst á hálendi austurlands en síðan víðsvegar um landið en einnig í Evrópu, Norður-Ameríku og á Grænlandi.
Þórhallur hefur verið fararstjóri hjá Bændaferðum síðan 2009.
Þórhallur er bráðskemmtilegur, fræðandi og vel að sér um land, sögu og náttúru sem hvetur til frekari þekkingar á landi og þjóð. Þægilegur í alla staði, tillitsamur en þó fylginn sér.
Þægilegur, mjög þjónustulipur, hugsar vel um farþega, fróður um svæðið sem hann ferðast um ef hann hefur ekki svarið finnur hann það fljótt, fyndinn og skemmtilegur, frábær fararstjóri.
Hann heldur hópnum vel saman, er opinn, hress og skemmtilegur.
Ljúfur, yndislegur, hjálpsamur og skemmtilegur maður. Alltaf til staðar til að aðstoða okkur.
Þórhallur er einstaklega þægilegur maður sem vill allt fyrir alla gera. Hjálplegur, skemmtilegur og 100% í alla staði. Vona að ég eigi eftir að fara með honum aftur.