Aðalheiður Jónsdóttir

Aðalheiður Jónsdóttir

Aðalheiður Jónsdóttir, eða Alla eins og hún er alltaf kölluð, hefur verið fararstjóri á Costa del Sol, Mallorca, Kanaríeyjum, í Portúgal og Brussel, auk þess sem hún hefur verið leiðsögumaður innanlands fyrir smærri hópa.

Eftir stúdentspróf frá Menntaskólanum í Reykjavík lá leið hennar til Spánar þar sem hún nam spænska sögu og menningu við Háskólann í Granada. Síðan fór hún í Háskóla Íslands þar sem hún stundaði BA og MA nám í enskum málvísindum og bókmenntum, auk þess sem hún lauk viðbótarnámi í hagnýtri fjölmiðlun frá sama skóla 1997. Alla hefur starfað mikið við menntamál og hefur mikinn áhuga á hvers kyns vísindum og fræðum enda hefur hún starfað á þeim vettvangi síðastliðin ár. Áður vann hún m.a. sem blaðamaður hjá Fróða og rak eigin verslun.

Alla hefur ferðast víða, um alla Evrópu og S-Ameríku og búið á Spáni, í Bólívíu og í Brussel. Helstu áhugamál hennar fyrir utan fjölskylduna og ferðalögin eru útivist, sund, hundar og hestamennska.

Umsagnir farþega

Hress og skemmtileg. Ég mun örugglega fara með henni aftur í ferð

Hún hélt vel utan um hópinn, fróð og segir skemmtilega frá. Hélt vel áætlun í ferðum

Hún er skipulögð, gefur af sér og þekkir svæðið vel

Aðalheiður er jákvæð og þægileg. Hún hefur allt það sem fararstjóri þarf að hafa