Anna Sigríður Vernharðsdóttir

Anna Sigríður Vernharðsdóttir

Anna Sigríður Vernharðsdóttir er hjúkrunarfræðingur og ljósmóðir og starfar sem yfirljósmóðir á fæðingarvakt Landspítalans. Hún var á árum áður félagi í Hjálparsveit skáta Kópavogi og var um tíma yfirleiðbeinandi Björgunarskólans í fyrstu hjálp. 

Anna Sigga, eins og hún er alltaf kölluð, hefur áhuga á alls konar útivist og nýtir hvert tækifæri til ævintýra og útivistar. Fjallgöngur, hjólreiðar og skíðaganga eru í uppáhaldi.

Hún hefur gaman af því að taka þátt í áskorunum sem tengjast útivist. Sumarið 2013 lauk hún áskorun Landvætta á Íslandi. Hún hefur tekið þátt í skíðagöngum hérlendis og erlendis, t.d. Vasagöngunni í Svíþjóð, König Ludwig Lauf í Þýskalandi, Cortina Dobbiaco á Ítalíu og að sjálfsögðu Fossavatnsgöngunni á Ísafirði. Hún tók þátt í að hjóla hringinn í kringum landið með vinnufélögum sínum á Landspítalanum í WOW Cyclothon sumarið 2015 og sumarið 2018 hjólaði hún frá Danmörku til Parísar með Team Rynkeby Ísland.

Anna Sigga hefur verið fararstjóri í gönguskíða- og útivistarferðum á vegum Bændaferða.

Umsagnir farþega

Hún vinnur vel, er skipulögð, er einstaklega góð í umgengni og þægileg kona.

Góður fararstjóri.

Áhugasöm og vinsamleg, sýndi fólki umhyggju og hélt mjög vel utan um hópinn.

Hún fór með hópnum í allar ferðir, passaði upp á þann sem var síðastur, glaðleg, aflaði sér upplýsinga ef þurfti.

Jákvæð, glaðlynd, fljót að leysa þau mál sem upp koma.