Marianne fæddist 1964 í Schaffhausen í Sviss, við landamæri Þýskalands. Hún er menntaður ferðamálafræðingur en kom til Íslands í fyrsta skipti árið 1985 og dvaldist þá á sveitabæjum í nokkra mánuði. Síðan 1992 hefur Marianne búið á Íslandi með íslenskum eiginmanni sínum. Hún er útskrifuð frá leiðsöguskólanum í Kópavogi og starfar sem fararstjóri og leiðsögumaður.

Marianne hefur unnið sem fararstjóri fyrir Bændaferðir í yfir 20 ár og hefur ferðast með hópa margoft til Ítalíu, Sviss, Frakklands, Austurríkis, Þýskalands, Sri Lanka og svo er Japan og Suður Kórea á planinu 2026. Hún hefur dvalið mánuðum saman í Bretlandi, Norður- og Suður-Ameríku (frá Alaska til Brasíliu), Nýja Sjálandi, Ástralíu og nýlega farið hringinn í kringum hnöttinn. Marianne segist sjálf vera orðin meiri Íslendingur en Svisslendingur en hún talar þýsku, ensku, frönsku, ítölsku, spænsku og að sjálfsögðu reiprennandi íslensku.