2701. Ævintýrasigling frá Ástralíu til Nýja Sjálands - janúar & febrúar

Ökum niður að höfn og förum um borð í Jade sem leggur í hann kl 16:00. Fundur með fararstjóra, labbitúr um skipið til að sýna farþegum það og sameignlegur kvöldverður.

Komum kl 07:00 og förum á ný kl 14:30. Eden er lítill og heillandi strandbær á Sapphire Coast í New South Wales, Ástralíu. Bærinn er þekktur fyrir stórbrotna náttúru, ósnortnar strendur og frábæra möguleika á hvalaskoðun. Þar ríkir róleg og afslöppuð stemning, með fallegum gönguleiðum, sjávarútsýni og sterkri tengingu við sögu og náttúru svæðisins.

Komum kl 10:00 og förum aftur kl 17:00. Burnie er strandbær á norðurströnd Tasmaníu. Fallegt landslag og vaxandi listalíf. Bærinn sameinar iðnaðarsögu, notalegt miðbæjarlíf og náttúruupplifanir við sjóinn, með afslappaðri stemningu og sterkri tengingu við heimamenn.

Komum kl 07:00 og förum kl 17:00. Melbourne er lífleg og fjölbreytt borg í Ástralíu, þekkt fyrir menningu, listir, kaffihúsalíf og íþróttir. Borgin sameinar nútímalegt borgarumhverfi, sögulega arkitektúr og skapandi stemningu, með fjölmenningarlegu samfélagi og ríkulegu menningarlífi.

Á siglingu báða dagana og um að gera að njóta þess sem skipið hefur uppá að bjóða.

Milford Sound er stórkostlegur fjörður í suður hluta landsins, þekktur fyrir há fjöll, glitrandi fossar og óspillta náttúru. Mjög fallegt að sigla þarna og um að gera að njóta fegurðarinnar.

Komum kl 09:00 og förum kl 18:00. Dunedin er sögufræg og menningarleg borg á suðausturströndinni. Hún er þekkt fyrir skorska arfleifð, fallega viktorískar byggingar og návígi við óspillta náttúru, þar á meðal strendur og fuglalíf. Dunedin sameinar háskólalíf, listir og sögu í afslöppuðu umhverfi.

Komum kl 07:00 og förum kl 17:00. Lyttelton er litríkur sjávarbær rétt við Christchurch á suðurströndinni. Hann er þekktur fyrir höfnina og strandlengjunna og býður upp á fallega náttúru.

Í dag er afslöppun og um að gera að njóta þess sem skipið hefur uppá að bjóða.

Komum kl 07:00 og förum kl 19:00. Tauranga er lifandi strandbær við Bay of Plenty á norðurströnd Nýja-Sjálands. Bærinn er þekktur fyrir fallegar strendur, afslappað strandlíf og ágætar verslanir.

Komið til Aukland kl 07:00 að morgni, farið upp á hótel þar sem gist er í þrjár nætur. Auckland er stærsta borg Nýja-Sjálands, staðsett á norðurströnd landsins. Hún er þekkt sem “City of Sails” vegna fjölda seglbáta í höfninni og býður upp á fjölbreytt menningarlíf, nútímalegt borgarumhverfi, fallega náttúru og eyjar í nágrenninu. Borgin sameinar stórborgarþægindi með afslöppuðu sjávar- og útivistarlífi.

Hér er tillaga um hvað hægt er að gera í Auckland.

Dagur 1 – Borgin & höfnin
Morgunn
Byrjaðu á Sky Tower – útsýni yfir alla borgina (kaffi þar uppi ef veður er gott).
Ganga niður Queen Street og kíkja aðeins í verslanir.

Hádegi
Hádegisverður í Britomart (mjög gott úrval, ferskt og líflegt svæði).

Síðdegi
Labba um Viaduct Harbour og Wynyard Quarter.
Heimsækja New Zealand Maritime Museum (skemmtilegt og ekki of stórt).
Ef veður leyfir: stutt sigling eða ferjutúr um höfnina.

Kvöld
Kvöldmatur í Viaduct Harbour eða Ponsonby.
Drykkur á þakbar (t.d. SkyBar) eða rólegt kvöld við höfnina.

Dagur 2 – Náttúra & eyjar
Morgunn
Ferja frá miðbænum til Waiheke Island (um 40 mín).
Ganga, strandrúntur eða heimsókn á víngerð (margar bjóða léttan hádegisverð).

Hádegi
Hádegisverður á Waiheke – vín, sjávarréttir og afslappað stemning.

Síðdegi
Til baka til Auckland.
Stutt ganga upp á Mount Eden fyrir fallegt útsýni yfir borgina.

Kvöld
Kvöldmatur í Parnell eða Ponsonby.
Ef orka er eftir: kvöldganga í Auckland Domain eða rólegur kaffibolli.

Flogið með Singapore Airlines frá Auckland (brottför kl. 15:15) til Singapore (lending 20:45), og síðan frá Singapore (brottför kl. 00:25 þann 9. febrúar) með sama flugfélagi til Kastrup, Kaupmannahafnar (lending kl. 07:10). Þaðan heim til Keflavíkur með Icelandair,  brottför frá Kastrup kl. 12:55, lent í Keflavík kl. 15:25 þann 9. febrúar.