2614. Jól í Karíbahafi með Escape

21. desember 2026 - 3. janúar 2027 (13 dagar)

Flogið til Orlando með Icelandair 21. desember, gist í tvær nætur fyrir siglinguna á Florida Mall hótelinu og síðan þrjár nætur þar eftir siglinguna. Siglt frá Port Canaveral í Flórída og komið við í Puerto Plata í Dóminíkanska lýðveldinu, St Thomas, Tortola og á Great Stirrup Cay, sem er lítil eyja sem skipafélagið á og loks aftur til Port Canaveral. Gistum þrjár nætur á Florida Mall Hotel og fljúgum heim 2. janúar, lendum snemma morguns 3. janúar 2027.

Glæsiskipið Norwegian Es
Norwegian Escape er 164. 998 brúttótonn, 326 metrar á lengd og tekur 4.218 farþega. Áhöfnin er 2.022 og ganghraði er 20 hnútar. Escape er glæsilegur farkostur þar sem smekkleg hönnun og lúxus er einkenni þessa. Það er hreint ævintýri að sigla með skipinu.

Verð á mann í tvíbýli í innklefa 685.000 kr. 

Verð á mann í tvíbýli í svalaklefa 730.000 kr. 

740.000 kr. fyrir einbýli í innklefa

920.000 kr. fyrir einbýli í svalaklefa

Innifalið

  • Flug fram og til baka.
  • Allur akstur milli flugvallar, hótels og skips.
  • Gisting með morgunverði á hótelinu.
  • Sjö nátta sigling.
  • Íslensk fararstjórn.
  • Fullt fæði í skipinu.
  • Öll skemmtidagskrá um borð.
  • Þjórfé.
  • More At Sea drykkjarpakki: Innfelur mikið úrval af áfengum drykkjum með örfáum undantekningum. Allir gosdrykkir og óáfengir drykkir innifaldir nema vatn á flöskum, nýkreistur aldinsafi og kaffi á Starbuck. ATH: skattur getur lagst á drykkir og mat í sumum höfnum og fer sá kostnaður á reikning viðkomandi viðskiptavinar.Innifelur ekki Mini Bar í klefum, Connoisserur‘s Collection, léttvíns og vínkynningar eða sértilboð á bjórfötum. Allt vín og kokteilar eru bornir fram í glösum, bjór er borinn fram í glösum eða flöskum.
  • Matarpakkinn: Út að borða á sérreknu veitingastöðunum: Svalaklefi: 7 daga sigling 3 sinnum út að borða, 8-11 daga sigling 4 sinnum út að borða og 12 dagar og meira 5 sinnum út að borða. Gildir fyrir allt að 3 í svalaklefa. Innklefi og Stúdío: 7 daga sigling: 1 sinni út að borða, 8-11 daga sigling: 2 sinnum út að borða og 12 dagar og lengra, 3 sinnum út að borða.
  • WiFi: 150 mínútur á þráðlausa netinu um borð. Gildir fyrir allt að 3 saman í klefa.
  • Skoðunarferðapakki: 50 dollara inneign á klefa per höfn til að nota í skoðunarferðir. Safnast ekki upp ef ekki er notað.

Ekki innifalið

  • Skoðunarferðir í landi á vegum skipafélagsins ef fólk fer í þær.
  • Ferða- og forfallatryggingar.

Kort af ferðinni

FerðalýsingPrenta ferðalýsingu

21. desember | Keflavík – Orlandó

Flogið síðdegis með Icelandair til Orlando þar sem lent er klukkan 20:05 að staðartíma. Ekið sem leið liggur á Florida Mall Hotel þar sem við gistum í tvær nætur.

22. desember | Orlando

Frjáls dagur í Orlando en þar er nóg hægt að gera. Í verslunarmiðstöðinni Florida Mall eru um 270 verslanir auk fjölda veitingastaða. Góður sundlaugargarður er við hótelið auk þess sem stutt er í Premium Outlet þar sem hægt er að gera mjög góð kaup. Ekki má heldur gleyma hinum fjölmörgu skemmtigörðum sem eru í næsta nágrenni við hótelið og einnig eru margir flottir golfvellir á svæðinu.

23. desember | Siglingin hefst

Farið frá hótelinu um kl. 11:00 á Þorláksmessu og ekið til Port Canaveral þar sem við förum um borð í Escape. Lagt úr höfn klukkan 16:00.

Opna allt

24. desember | Á siglingu

Á siglingu allan daginn og um að gera að njóta aðfangadags á sóldekkinu og horfa yfir til Kúbu og fleiri eyja sem við siglum framhjá.

25. desember | Puerto Plata

Komum til Dóminíkanska lýðveldisins kl 09:00 og förum á ný kl 16:00. Hreinn og tær sjór og gaman að rölta um miðbæinn og skoða menninguna hjá innfæddum, en hér í Puerto Plata búa um 340.000 manns og kíkjum á hvernig jóladagur er hjá þeim.

26. desember | St Thomas

Komum til bandarísku Jómfrúreyjunnar St Thomas kl 11:00 og förum á ný kl 19:00. Falleg eyja, gaman til dæmis að fara í kláfunum upp í fjall og skoða útsýnið þaðan, eða rölta í bænum og fá sér kaffi með heimamönnum.

27. desember | Tortola

Þá er það bresku Jónfrúreyjan Tortola sem hefur meðal annars verið þekkt skattaskjól í gegnum árin. Komum kl 06:45 og förum á ný kl 14:00. Hér búa aðeins um 24.000 manns. Kíkjum kannski á einhverja banka eða bara á kaffihús.

28. desember | Á siglingu

Njóta lífisins um borð, hvort heldur það er í nuddi, sólbaði, heitu pottunum, á einhverju námskeiði eða inn á bókasafni með góða bók.

29. desember | Great Stirrup Cay

Komið til Great Stirrup Cay, eyju sem NCL á, kl 10:00 og farið á ný kl 18:00. Hér er gott að snorkla og slappa síðan af á ströndinni eða svífa í zipline yfir flóann.

30. desember | Siglingu lýkur

Lagst að bryggju í Port Canavera kl 07:00. Ekið til Florida Mall hótelið þar sem við gistum í þrjár nætur . Þangað er komið fyrir hádegi þannig að dagurinn nýtist vel.

31. desember – 1. janúar | Orlando

Frjáls dagur í Orlando en þar er nóg hægt að gera. Í verslunarmiðstöðinni Florida Mall eru um 270 verslanir auk fjölda veitingastaða. Góður sundlaugargarður er við hótelið auk þess sem stutt er í Premium Outlet þar sem hægt er að gera mjög góð kaup. Ekki má heldur gleyma hinum fjölmörgu skemmtigörðum sem eru í næsta nágrenni við hótelið og einnig eru margir flottir golfvellir á svæðinu.

2. janúar | Heimferð

Farið frá hótelinu um miðjan dag og flogið heim klukkan 17:45. Lent í Keflavík klukkan 06:05 að morgni 3. janúar.

Myndir úr ferðinni

Fararstjórn

Sigrún Jónsdóttir

Sigrún hefur mikla reynslu sem fararstjóri og leiðsögumaður, bæði hér heima og eins erlendis. Hún lauk námi vð Leiðsögumannaskólann 1987 og lærði mannfræði við Háskóla Íslands og hefur starfað við leiðsögn meira og minna frá árinu 1986. 

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Póstlisti

Skrá á póstlista