Á gönguskíðum í Seefeld 3

Einar Ólafsson er tvöfaldur Ólympíufari í skíðagöngu, margfaldur Íslandsmeistari og heldur utan um alla kennslu hjá skíðagöngufélaginu Ulli. Einar hefur einnig tekið þátt í fjölda almenningsganga bæði í Evrópu og Norður-Ameríku og býr yfir mikilli reynslu í fræðunum.

Kjartan hefur síðastliðin 6 ár þjálfað hópa sem hafa klárað Landvættaþrautirnar fjórar, þ.e. gönguskíði, fjallahjól, fjallahlaup og villisund. Auk þess hefur hann verið með Fjallahlaupahóp sem hefur tekið þátt í hinum ýmsu fjallahlaupum, þar á meðal Laugavegshlaupinu 2020 og 2021. Hann hefur sjálfur lokið 6 landvættahringjum, 5 Laugavegshlaupum, 5 maraþonum, 1/2 járnkarli og helstu fjallahlaupum. Til viðbótar hefur Kjartan starfað í björgunarsveit, leitt hópa á helstu fjöll hér innanlands og verið fararstjóri fyrir erlenda hópa á fjallahjólum, götuhjólum og vetrarævintýraferðum. Kjartan elskar kaffi, vanilluís og rósakál.

Snorri hefur keppt á heimsbikarmóti á gönguskíðum síðustu 13 ár og var í 15. sæti á síðasta HM í Planica í Slóveníu í 50 km hefðbundinni skíðagöngu. Hann hefur mikla reynslu af því að þjálfa bæði börn og fullorðna síðustu 20 árin og er í dag að þjálfa 10 ára og eldri hjá Skíðafélagi Ísfirðinga.

Gist verður allar næturnar á 4* hóteli í miðbæ Seefeld, Hótel Bergland. Fullt fæði er innifalið, morgunverðarhlaðborð, hádegissnarl með súpu dagsins, síðdegishressing með gómsætu sætabrauði  og á kvöldin er vel útilátin fjögurra rétta máltíð með salathlaðborði. Allir drykkir frá 11:00 á morgnanna til 22:00 á kvöldin eru innifaldir. Notaleg heilsulind er á hótelinu með sundlaug, sauna, eimbaði með salt- og ilmstillingu, innrauðum hitaklefa og köldum kerum. Boðið er upp á ýmsar heilsumeðferðir gegn gjaldi. Heilsubarinn býður svo upp á te, ávaxtasafa og hollustusnarl. Herbergin eru öll með baði/sturtu, hárþurrku, síma, sjónvarpi og öryggishólfi. Gestir fá baðslopp til afnota á meðan á dvölinni stendur. Ókeypis þráðlaust net er á hótelinu. 

Vefsíða hótelsins.