25. júlí - 4. ágúst 2024 (11 dagar)
Einstakt landslag Salzburgerlands í Austurríki er sérlega heillandi á þessum árstíma þar sem allt er í blóma og Alpafјöllin skarta sínu allra fegursta. Flogið er til München og stefnan tekin beint á fjallaþorpið Filzmoos í Salzburgerlandi. Þaðan verður farið í spennandi dagsferðir þar sem ólýsanleg náttúrufegurð tekur á móti okkur m.a. í Hallstatt við Hallstättersee sem er með fallegustu stöðum Salzkammergut. Dachstein fjallið bíður okkar og farið er með kláfi upp á Dachsteinjökulinn þar sem við skoðum íshelli, lítum ótrúlegar höggmyndir og njótum stórkostlegs útsýnis. Boðið verður upp á hestakerruferð upp að huggulegu seli þar sem náttúrufegurðin er óviðjafnanleg og einnig ætlum að eiga yndislegan dag í Salzburg, fæðingarborg Mozarts. Eftir dýrðardaga í Austurríki liggur leið okkar til Rósahafnarinnar eða Portorož, dásamlegs bæjar í Slóveníu, en á leiðinni verður áð við Bled vatn sem er rómað fyrir fegurð. Frá Portorož höldum til Rovinj, listamannabæjar við Istríaströndina, og einnig förum við í króatíska bæinn Poreč sem tekur á móti okkur með sínum suðræna blæ. Siglingin til bæjanna Izola og Piran er töfrandi en þeir eru sannkallaðar perlur Istríastrandarinnar. Endum þessa glæsilegu ferð með trompi og sækjum Feneyjar heim og njótum þar glæsileika borgarinnar síðasta daginn.