Sumarsæla á Sikiley - L hollið

25. september – 3. október 2026 (8 dagar)

Sumarævintýri á undurfögru og sólríku eyjunni Sikiley. Fornar minjar bera vitni um 3000 ára sögu hennar og menningu þeirra þjóða sem hér hafa ríkt í gegnum tíðina. Ferðin hefst með flugi í gegnum Vínarborg til Palermo, höfuðborgar Sikileyjar, sem stendur við fallegasta flóa eyjunnar en þaðan verður ekið til Campofelice di Roccella. Ásamt því að skoða borgina Palermo verður farið til Monreale, töfrandi bæjar sem státar af stórkostlegri dómkirkju, klaustri og fyrrum konungshöll. Bærinn Cefalú tekur á móti okkur með sínum hrífandi arabíska blæ. Höldum til Agrigento, sem er ein hinna gömlu grísku borga, með viðkomu í Vall di Templi, eða dal hofanna, þar sem sjá má mjög áhugaverðar fornminjar og eitt stærsta fornminjasvæði í heimi. Seinni náttstaður Sikileyjar verður við hina fögru Giardini Naxos strönd. Við förum í ævintýralega ferð að Etnu, þekktasta eldfjalli Evrópu, og við rætur Etnu verður hádegissnarl að hætti eyjarskeggja. Við eigum töfrandi dag í forngrísku borginni Sýrakúsa en tímalaus fegurð hennar heillar enn í dag. Þessari glæsilegu ferð lýkur með stuttri skoðunarferð í Catania sem er önnur stærsta borg eyjunnar og stendur við rætur eldfjallsins Etnu áður en flogið verður þaðan heim.

Verð á mann 399.900 kr.

Aukagjald fyrir einbýli 49.800 kr.


Innifalið

  • 8 daga ferð.
  • Flug og flugvallarskattar með Austrian Airlines & Lufthansa.
  • Gisting í 2ja manna herbergi með baði á 4* hótelum.
  • Morgun- og kvöldverður allan tímann á hótelum.
  • Léttur hádegisverður hjá vínbónda við Etnu.
  • Aðgangur í Monreal kirkjuna.
  • Aðgangur í Tal der Tempel.
  • Aðgangur í hringleikahúsið í Syracuse.
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Aðgangseyrir inn í söfn, hallir og kirkjur annað en talið er upp undir innifalið.
  • Hádegisverðir.
  • Þjórfé.
  • Ferða- og forfallatryggingar.

Valfrjálst

  • Ferð upp á Etnu með kláf og jeppa u.þ.b. € 65.

Nánari upplýsingar

Vert er að hafa í huga að þrátt fyrir að Bændaferðir séu alla jafna þægilegar rútuferðir er alltaf einhver ganga, t.d. í bæjarferðum. Margar evrópskar borgir eru bæði hæðóttar og ójafnar undir fæti og aðgengi að áfangastöðum þannig að leggja þarf rútunni mislangt frá. Ef þú hefur einhverjar vangaveltur varðandi þetta vinsamlegast ekki hika við að hafa samband við skrifstofu Bændaferða.

Kort af ferðinni

FerðalýsingPrenta ferðalýsingu

25. september | Mæting upp á flugvöll um kl. 21:30

Mæting í Leifsstöð u.þ.b. 2,5 klst. fyrir brottför en flogið verður frá Keflavík með Austrian Airlines til Vínarborgar með næturflugi.

26. september | Flug til Vínarborgar, Palermo á Sikiley & Campofelice di Roccella

Flogið kl. 00:10. Lending í Vínarborg kl. 06:15 að staðartíma. Flogið verður áfram með Austrian Airlines til Palermo á Sikiley kl. 06:55 og lendum þar kl. 08:50 að staðartíma. Palermo er höfuðborg Sikileyjar og borg heilagrar Rosalíu en hún stendur við einn fallegasta flóa eyjunnar. Þaðan verður ekið með norðurströnd eyjunnar á hótelið okkar í nágrenni við bæinn Campofelice di Roccella þar sem gist verður í þrjár nætur á góðu hóteli með útisundlaug og einkaströnd. Þegar komið er á hótelið tökum við því rólega og hægt er að leggja sig eða njóta tilverunnar fram að kvöldverði.

27. september | Konungsperlan Monreale & skoðunarferð um Palermo

Þessi glæsilegi dagur byrjar á að ekið verður til Monreale sem er yndisfagur bær og státar af einni stórkostlegustu dómkirkju eyjunnar. Hér er einnig klaustur heilags Benedikts frá 12. öld sem konungurinn Vilhjálmur II lét byggja. Dómkirkjan er í sérlega fallegum byggingarstíl þar sem blandast saman arabísk, býsönsk og gotnesk menningaráhrif. Kirkjan er skreytt fjölmörgum, töfrandi mósaíkmyndum sem eru svo dæmigerðar fyrir Sikiley. Eftir góðan tíma þar verður ekið um Palermo en sagt er að engin önnur borg hafi jafn oft orðið fyrir innrásum og Palermo og skýrir það fjölbreytta menningu borgarinnar. Þessi borg kemur manni skemmtilega á óvart. Við förum í skoðunarferð og lítum á nokkra þá dýrgripi sem hér er að sjá, m.a. dómkirkju frá 6. öld og höllina Palazzo Normanni. Báðar voru byggðar í arabískum-normanískum stíl og eru á heimsminjaskrá UNESCO. Eftir góðan tíma hér verður ekið til baka á hótelið okkar.

Opna allt

28. september | Cefalú & frjáls tími

Nú bíður okkar einn af fallegustu bæjum eyjunnar. Cefalú tekur á móti okkur með sínum arabíska blæ. Arabar voru við völd í Cefalú í rúm 200 ár á eftir Byzantínum sem höfðu þar yfirráð í tæp 500 ár. Farið verður í skemmtilega skoðunarferð m.a um gamla miðaldahluta borgarinnar. Að koma inn í dómkirkjuna er magnað en hún er ein áhugaverðasta miðaldabygging Sikileyjar. Einnig komum við að Porta di Pescara, sögulegu borgarhliði við gömlu höfnina, og virkisbyggingunni Bastione di Capo Marchiafava en þaðan er stórkostlegs útsýni yfir Tyrrenahaf og Eólíueyjar, eða Vindeyjarnar eins og þær eru kallaðar. Eftir það verður frjáls tími til að fá sér hressingu og njóta þess að kanna líf bæjarbúa áður en ekið verður á hótel.

29. september | Vall di Templi & Agrigento

Við yfirgefum Campofelice di Roccella og ökum til Agrigento, sem er ein hinna gömlu grísku borga. Í næsta nágrenni er hinn stórmerkilegi dalur hofanna eða Vall di Templi. Hér má sjá mjög áhugaverðar fornminjar, um 20 dórísk hof frá 6.-5. öld f. Kr. Þetta fornminjasvæði nær yfir 1.000 hektara og er stærsta fornminjasvæði í heimi en einnig er hér áhugavert fornleifasafn. Dalurinn umhverfis hofin er þakinn ólífulundum, sítrónutrjám og vínekrum og við tökum okkur góðan tíma til að skoða og njóta þessa merka svæðis. Því næst heldur ferð okkar áfram til Giardini Naxos strandarinnar þar sem gist verður í fjórar nætur á hóteli með útisundlaugar og fallegan garð við einkaströnd. 

30. september | Frjáls dagur í Giardini Naxos

Nú njótum við sælunnar í þessari náttúrufegurð sem umvefur okkur. Dagur í rólegheitum og slökun. Upplagt að nota aðstöðuna við hótelið. Einnig er hægt að fara í gönguferð inn í bæinn eða njóta þess að ganga í flæðarmálinu við gullnu ströndina og baða sig í fegurð eyjunnar.

1. október| Eldfjallið Etna & hádegishressing hjá vínbónda

Nú verður farið í ævintýraferð á eldfjallið Etnu sem er eitt þekktasta eldfjall Evrópu. Ekið verður að rótum fjallsins en þaðan gefst áhugasömum tækifæri á að taka kláf upp í 2.918 m hæð. Þegar upp er komið heldur ferðin áfram með jeppum um svæðið. Þetta er mikil upplifun og ferð sem ekki má missa af. Eftir það verður farið í hádegishressingu til vínbónda í nágrenni fjallsins.

2. október | Skoðunarferð til Sýrakúsa

Tímalaus fegurð fornu borgarinnar Sýrakúsa heillar okkur í dag. Hvergi er eins mikið af forngrískum minjum eins og hér, enda var þetta ein stærsta borg Grikkja til forna, stærri en Aþena. Í mörg hundruð ár var þetta mikilvægasta borg eyjunnar. Hér má sjá stórkostlegar fornminjar, t.d. grískt leikhús sem var höggvið í klett með sætum fyrir 15.000 áhorfendur. Auðvitað skoðum við eyjaperluna Ortygia, sem geymir gamla bæjarhluta Sýrakúsa, og einnig verður frjáls tími til að kanna borgina á eigin vegum og fá sér hressingu að hætti íbúanna.

3. október | Heimferðardagur frá Catania við rætur eldfjallsins Etnu

Nú er komið að heimferð eftir yndislega daga. Leið okkar liggur til Catania sem er önnur stærsta borg eyjunnar og stendur við rætur eldfjallsins Etnu. Í þessari yndislegu borg upplifum við skemmtilega blöndu af gamla og nýja tímanum. Eftir stutta skoðunarferð verður gefinn tími til að fá sér hressingu og kanna umhverfið á eigin vegum. Tilvalið er að smakka réttinn Spaghetti alla Norma en hann er nefndur í höfuðið á tónskáldinu Bellini sem fæddist hér í Catania. Því næst verður ekið út á flugvöll. Flugið er með Lufthansa og brottför frá Catanía kl. 18:35 og lending í München kl. 20:45. Brottför þaðan til Keflavík með Lufthansa kl. 22:10. Lending á Íslandi kl. 00:10 að staðartíma.

Fararstjóri getur fært dagskrárliði á milli daga eftir þörfum þegar komið er á staðinn.

Hótel

Myndir úr ferðinni

Fararstjórn

Guðný Margrét Emilsdóttir

Guðný Margrét Emilsdóttir heiti ég, búsett í dag á Íslandi en bjó um 20 ár á Ítalíu. Á Ítalíu fór ég ítölskunám í háskólabænum Perugia (Umbria) og það var ekki aftur snúið! Lengst af bjó ég í Mílanó en vann sem leiðsögumaður með Íslendinga meira og minna um alla Ítalía. Ég lít á Ítalíu sem mitt annað heimili, elska landið, fólkið, söguna, menninguna, tungumálið, matinn og vínið. Reyndar var uppáhalds tungumálið mitt í menntó latína sem hjálpaði mér heilmikið að ná fljótt tökum á ítölskunni.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Póstlisti

Skrá á póstlista