Gran Canaria, Fuerteventura & Tenerife

Kanaríeyjar eru mörgum Íslendingum kunnugar en þrátt fyrir það eru margir sem ekki hafa upplifað allt það stórkostlega sem eyjarnar hafa upp á að bjóða. Þar má helst nefna fjölbreytta og gullfallega náttúru, girnilega matargerðarlist og áhugaverða sögu og menningu. Í þessari ljúfu ferð munum við njóta þess að blanda saman fjölbreyttum skoðunarferðum og afslöppun í sólinni á þremur stærstu Kanaríeyjunum, Gran Canaria, Fuerteventura og Tenerife. Frá landfræðilegu sjónarhorni tilheyra þessar spænsku eldfjallaeyjur Afríku enda liggja þær aðeins 300 km frá Marokkó. Við hefjum ferð okkar á Gran Canaria þar við skoðum m.a. hið undraverða friðland á Maspalomas ströndinni, sjarmerandi sjávarþorpið Mogan og fræðumst um kanaríska rommframleiðslu. Á Fuerteventura förum við í skoðunarferð um eyjuna þar sem við sjáum strendur og eldfjöll, heimsækjum áhugaverðar borgir og njótum fallegs landslags. Við förum í heimsókn á aloe vera býli og smökkum einnig geitaost sem íbúar eyjunnar eru afar stoltir af. Við dveljum lengst á stærstu Kanaríeyjunni, Tenerife. Eldfjallið Teide blasir víða við enda hæsta fjall Spánar en við munum taka kláf upp á Teide og njóta þaðan stórkostlegs útsýnis. Við förum í skoðunarferðir um bæði norður- og vesturhluta Tenerife og sjáum þar stórbrotna náttúru og mörg hrífandi þorp á borð við Candelaria, El Sauzal og Teno Alto sem situr á toppi Teno-fjallsins. Einnig verður farið í dagsferð til eyjunnar La Gomera sem er þekkt sem töfraeyjan. Milt og þægilegt loftslagið allt árið um kring gerir Kanaríeyjar ákjósanlegan áfangastað og þarna munum við svo sannarlega njóta þess að dvelja, slaka á og njóta ómældrar náttúrufegurðar.

Verð á mann í tvíbýli 519.900 kr.

Aukagjald fyrir einbýli 90.00 kr.


Innifalið

  • 16 daga ferð.
  • Flug með Icelandair og flugvallarskattar.
  • Gisting í 2ja manna herbergi með baði á 4* og 5* hótelum.
  • Morgunverður allan tímann á hótelum.
  • 7 kvöldverðir á hótelum á Gran Canaria og Fuerteventura.
  • 25 € inneign daglega meðan dvalið er á Mynd hotel á Tenerife sem hægt er að nota upp í bæði mat og drykk.
  • Öll ferðalög á milli eyjanna.
  • Hádegisverður í helli á Gran Canaria.
  • Hádegisverður ásamt víni, kaffi, líkjör og vínsmökkun á Gran Canaria.
  • Aðgangur og smökkun í rommbrugghúsi á Gran Canaria.
  • Heimsókn á Aloe vera búgarð á Fuerteventura.
  • Dagsferð til eyjunnar La Gomera.
  • Ferð með kláfi upp á Teide á Tenerife.
  • Hvalaskoðun á Tenerife.
  • Vínsmökkun á Tenerife.
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Aðgangseyrir inn í söfn, hallir og kirkjur.
  • Hádegisverðir sem ekki eru taldir upp í innifalið.
  • 8 kvöldverðir á Tenerife (ath. á móti kemur ofangreind 25 € inneign).
  • Þjórfé.

Kort af ferðinni

FerðalýsingPrenta ferðalýsingu

24. febrúar | Flug til Tenerife

Brottför frá Keflavík kl. 8:40 og mæting í Leifsstöð u.þ.b. 2,5 klst. fyrir brottför. Lending á Tenerife kl. 13:50 að staðartíma. Þá verður ekið að höfninni í Santa Cruz, höfuðborg Tenerife, þaðan sem við tökum ferju yfir til Gran Canaria. Við dveljum í fjórar nætur á Hotel Cristina by Tigotan sem er 5* hótel í Las Palmas á Gran Canaria. Á hótelinu er glæsileg aðstaða, m.a. upphituð útisundlaug og góð sólarverönd.

25. febrúar | Maspalomas, Mogan & hádegisverður í helli

Í dag munum við kanna suðurhluta Gran Canaria og hefjum ferðina í hinu undraverða friðlandi á Maspalomas ströndinni þar sem gamall viti vakir yfir sandöldum svæðisins. Næsti áfangastaður er fiskiþorpið Mogan en við höldum í stutta skoðunarferð um þennan heillandi bæ sem oft er talinn sá fegursti á eyjunni. Við skoðum einnig saltpönnurnar í Salinas de Tenefé sem voru byggðar undir lok 19. aldar til að útvega salt til fiskiskipaflota svæðisins. Upphaflega voru þrjár vindmyllur sem dældu sjónum upp á hærra land og voru saltpönnurnar því einnig þekktar sem Saltpönnur vindmyllanna þriggja. Eftir þetta höldum við í frumbyggjadalinn Guayadeque þar sem við snæðum hádegisverð í helli en dalurinn er þekktur fyrir hellana sína.

26. febrúar | Rólegheit & slökun

Þennan dag gefst heill dagur til þess að slaka á og njóta þess að vera á þessum yndislega stað. Las Palmas er líflegur og skemmtilegur bær, þar er margt að skoða og tilvalið að kíkja í verslanir eða á kaffi- eða veitingahús. Einnig er hægt að slaka á við sundlaug hótelsins eða ganga niður að strandlengjunni.

Opna allt

27. febrúar | Skoðunarferð um Gran Canaria

Við heimsækjum í dag hið töfrandi eldfjall Bandama sem er 1 km í þvermál og meira en 250 m djúpt. Þetta er góður staður til að skilja myndun eyjunnar. Því næst förum við til bæjarins Arucas þar sem okkur býðst að heimsækja romm brugghús, fræðast um söguna og framleiðsluferlið og að sjálfsögðu smakka aðeins á afurðinni. Að þessu loknu ökum við til Firgas, vatnabæjarins fræga. Þaðan er haldið áfram á vestari hluta eyjunnar í Los Berrazales dalnum með sínum einstöku kaffiplantekrum, appelsínutrjálundum og suðrænu ávöxtum. Þarna fáum við okkur hádegissnarl sem byggist upp af kanarískum afurðum. Áður en við höldum til baka á hótelið verður stoppað við höfnina í Las Nieves þar sem við dáumst að dásamlegu útsýninu yfir norðurhluta eyjunnar.

28. febrúar | Fuerteventura

Í dag er ferðinni haldið á næsta áfangastað okkar, Fuerteventura, en þangað förum við með ferju. Fuerteventura er önnur stærst af Kanaríeyjunum og jarðfræðilega sú elsta í eyjaklasanum. Hér ætlum við að dvelja í þrjár nætur á Hotel Ereza Mar sem er fallegt 4* hótel við sjávarsíðuna, í aðeins 3 mínútna göngufjarlægð frá ströndinni. Á hótelinu eru tvær útisundlaugar, sauna og sólbaðsaðstaða.

1. mars | Skoðunarferð um Fuerteventura

Nú munum við kynnast Fuerteventura vel með skoðunarferð um eyjuna. Við munum sjá strendur, fjöll og eldfjöll, heimsækja áhugaverðar borgir og njóta fallegs landslags eyjunnar. Við byrjum ferð okkar með heimsókn á aloe vera býli og verksmiðju. Þar munum við læra um eiginleika plöntunnar og hvernig á að rækta sérstakt aloe vera sem hefur hvað mestan heilsufarslegan ávinning fyrir notendur. Aloe vera ræktun er mikilvæg atvinnugrein á Fuerteventura enda er eyjan kjörinn staður til að rækta þessa tegund plantna sem þurfa mikla sól og lítið vatn. En ef aloe plantan er mikilvæg fyrir Fuerteventura þá er framleiðsla hins fræga geitaosts enn mikilvægari! Reyndar eru fleiri geitur á eyjunni heldur en fólk, um 110.000 geitur og um 100.000 manneskjur. Við munum því líka smakka í dag þessa frægu osta sem og aðrar kanarískar vörur. En ef það er eitthvað sem þessi eyja er þekkt fyrir þá eru það stórbrotnar strendur hennar. Á ferð okkar munum við að minnsta kosti sjá tvær strendur, Corralejo ströndina með sínum mikilfenglegu sandöldum og El Cotillo ströndina sem er tilvalið að skoða nánar á frídegi ykkar. Á leiðinni munum við einnig sjá mörg af eldfjöllum eyjunnar en á Fuerteventura eru meira en 150 eldfjöll.

2. mars | Frjáls dagur í Fuerteventura

Yndislegur dagur í Fuerteventura. Upplagt að skoða svæðið betur á eigin vegum og njóta þess að hafa nægan tíma til að rölta um, sýna sig og sjá aðra. Einnig er hægt að fara á ströndina eða nota aðstöðuna við hótelið sem er frábær, sóla sig og njóta lífsins.

3. mars | Tenerife

Nú kveðjum við Fuerteventura eftir ljúfa daga og höldum yfir til Tenerife. Tenerife er stærst Kanaríeyjanna, 2.055 km2 að flatarmáli og jafnframt fjölmennasta eyja Spánar með tæplega 900.000 íbúa. Við gistum í 8 nætur á Mynd hotel á Adeje ströndinni á suðurhluta Tenerife. Á hótelinu er útisundlaug og sólarverönd með glæsilegu útsýni yfir bæði fjallið Teide og Atlantshafið. Notaleg heilsulind er á hótelinu þar sem boðið er upp á ýmsar heilsumeðferðir gegn gjaldi. Þarna verður ljúft að dvelja næstu dagana.

4. mars | Skoðunarferð um norðurhluta Tenerife

Eftir morgunverð höldum við af stað í skoðunarferð um norðurhluta Tenerife. Fyrsta stopp dagsins er í einu af fallegustu þorpum eyjunnar, Candelaria. Það má enginn missa af þessu sjarmerandi sjávarþorpi. Því næst höldum við í norðurátt til einnar af áhugaverðustu borgum Tenerife, San Cristóbal de la Laguna. Þessi fyrrum höfuðborg eyjunnar er á heimsminjaskrá UNESCO enda rík af sögulegum byggingum og minnisvörðum, þröngum sjarmerandi götum og fallegum stórhýsum. Bæirnir El Sauzal og La Orotava eru líka afar hrífandi og dásamlegir að sækja heim. El Sauzal sker sig úr fyrir stórbrotið útsýni yfir hafið og Teide fjallið og La Orotava er þekkt fyrir sögulega arfleifð og í þeim bæ er skemmtilegt útsýni yfir dal af bananatrjám.

5. mars | Frjáls dagur á Tenerife

Frídagur til að slaka á og njóta aðstöðunnar við hótelið. Hver ræður sínum degi að vild. Tilvalið að fara í göngu niður að strönd og kanna umhverfið betur.

6. mars | Skoðunarferð um vesturhluta Tenerife

Í dag ætlum við að upplifa fleiri perlur Tenerife en eyjan hefur svo sannarlega að geyma mörg dásamleg þorp þar sem hægt væri að gleyma sér í notalegheitum tímunum saman. Við förum til Icod de los Vinos sem staðsett er í fallegum dal á norðvesturhluta eyjunnar. Svæðið var mikilvægt fyrir banana-, ávaxta- og vínrækt á 17. öld og dregur nafn sitt af því. Náttúran er stórbrotin og útsýnið blanda af eldfjöllum og sjávarsýn. Þarna ætti því öllum að vera kleift að taka sannkallaðar póstkortamyndir. Áfram verður haldið til bæjarins Garachico sem við vitum að er uppáhaldsstaður margra Spánverja. Þessi hluti eyjunnar er hvað þekktastur fyrir einstaka sögulega arfleið og áhugaverða staði á borð við Santa Ana kirkjuna, Nuestra Señora de los Ángeles kirkjuna, klaustrum og San Miguel kastalann. Að lokum heimsækjum við enn eitt heillandi þorpið, Teno Alto, sem situr á toppi Teno-fjallsins þar sem snotru, litlu húsin mynda fullkomna andstæðu við fallega náttúruna. Teno Alto er þekkt fyrir nautgriparækt og framleiðslu á stórkostlegum ostum sem þú hreinlega verður að smakka.

7. mars | Frjáls dagur á Tenerife

Dagur í slökun og rólegheitum. Upplagt að nota aðstöðuna við hótelið eða skoða sig betur um, rölta undir pálmatrjám eða eftir strandlengjunni.

8. mars | Frjáls dagur á Tenerife

Í dag njótum við þess að eiga frjálsan dag og slökum á í sólinni.

9. mars | Dagsferð til eyjunnar La Gomera

Nú stendur okkur til boða að fara í dagsferð yfir á eyjuna La Gomera sem er ein af átta aðal Kanaríeyjunum. La Gomera er þekkt sem „Isla Mágica“ eða töfraeyjan enda vistfræðilegur gimsteinn og vinsæl meðal göngufólks. Við höldum í rútuferð og sjáum það helsta á þessari fjölbreyttu eyju en aðeins eru nokkrir kílómetrar á milli gróðursælla dala og stórra gljúfra eða skrælnaðra/þurra strandsvæða og heillandi skóga, stútfullum af gróðri.

10. mars | Eldfjallið Teide

Í dag fær eldfjallið Pico del Teide alla okkar athygli. Við tökum kláf upp á þetta hæsta fjall Spánar og njótum stórkostlegs útsýnis. Þeir sem vilja geta farið í stuttan göngutúr með leiðsögumanni um þetta frábæra svæði. Teide þjóðgarðurinn, sem hefur verið á heimsminjaskrá UNESCO síðan árið 2007, er sá stærsti á Kanaríeyjum og er eldfjallið þriðja hæsta eyjaeldfjall í heimi, 3715 m. Eftir ferðina á Teide keyrum við til Los Gigantes, eins fallegasta sjávarsvæðis eyjunnar og förum í hvalaskoðunarferð.

11. mars | Heimferð

Nú er komið að heimferð eftir þessa glæsilegu ferð. Ekið verður út á flugvöllinn á Tenerife og er brottför þaðan kl. 14:50 og áætluð lending í Keflavík kl. 20:10 að staðartíma.
Fararstjóri getur fært dagskrárliði á milli daga eftir þörfum þegar komið er á staðinn.

Myndir úr ferðinni

Guayadeque dalurinn - Gran Canaria

Guayadeque dalurinn - Gran Canaria

Candelaria - Tenerife

Candelaria - Tenerife

La Orotava - Tenerife

La Orotava - Tenerife

Aloe vera akur

Aloe vera akur

Candelaria - Tenerife

Candelaria - Tenerife

Mogan - Gran Canaria

Mogan - Gran Canaria

Mogan - Gran Canaria

Mogan - Gran Canaria

Arucas - Gran Canaria

Arucas - Gran Canaria

Mogan - Gran Canaria

Mogan - Gran Canaria

Teide - Tenerife

Teide - Tenerife

Teide - Tenerife

Teide - Tenerife

Firgas - Gran Canaria

Firgas - Gran Canaria

Fuerteventura

Fuerteventura

Fuerteventura

Fuerteventura

Kanarískar kartöflur

Kanarískar kartöflur

Candelaria - Tenerife

Candelaria - Tenerife

Tenerife

Tenerife

Maspalomas - Gran Canaria

Maspalomas - Gran Canaria

Guayadeque dalurinn - Gran Canaria
Candelaria - Tenerife
La Orotava - Tenerife
Aloe vera akur
Candelaria - Tenerife
Mogan - Gran Canaria
Mogan - Gran Canaria
Arucas - Gran Canaria
Mogan - Gran Canaria
Teide - Tenerife
Teide - Tenerife
Firgas - Gran Canaria
Fuerteventura
Fuerteventura
Kanarískar kartöflur
Candelaria - Tenerife
Tenerife
Maspalomas - Gran Canaria

Fararstjórn

Hólmfríður Bjarnadóttir

Hólmfríður Bjarnadóttir (Hófý) heiti ég og er fædd árið 1960 á Patreksfirði. Ég er móðir þriggja drengja og er búsett í Bæjaraskógi í Þýskalandi um þessar mundir með yngsta drenginn, Gabríel Daða. Eiginmaður minn er Norbert Birnböck sem er einn af bílstjórum Bændaferða.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00

 

Tengdar ferðir