Kastalar & klettastrendur Suður-Englands
10. - 17. ágúst 2024 (8 dagar)
Voldugir kastalar, stórskornar strandlengjur sem rísa yfir hafinu bláa og strandbærinn Torquay við sjávarsíðu Suður-Englands, eru meðal þess sem hægt er að njóta í þessari spennandi ferð. Glæsilegar hallir endurspegla líf breska fyrirfólksins á árum áður og er konungshöllin Windsor í London, þar sem saga Englands hefur verið skrifuð í gegnum aldirnar, sérstaklega áhrifarík. Bærinn Bath, sem kennir sig við heitar laugar, þær einu í öllu breska konungsveldinu, er einnig lýsandi dæmi um lífsstíl 18. aldar. Í Torquay má finna eina merkilegust steinaldarhella Evrópu og það er eins og að fara aftur í tímann að heimsækja bæinn Cockington með sínum dæmigerða enska smábæjarsjarma. Dartmoor héraðið með hæðóttu landslagi og vindsorfnum klettum er einstaklega myndrænt og það er sérlega áhrifamikið að koma til hins dularfulla Stonehenge sem er einn merkilegasti staður Bretlands. Það er líka ævintýralegt að ganga um Stourhead lystigarðinn sem fyrst var opnaður fyrir almenning árið 1740 og var þá lýst sem lifandi listaverki. Við njótum þess svo að skoða okkur um í líflegu borginni Brighton þar sem sjá má hinn þekkta Pier við ströndina og stórbrotnu höllina Royal Pavilion. Sögur og sjávarþorp, landslag og lystigarðar, mannlíf og menning, te og skonsur í þessari fjölbreyttu ferð.