Svigskíðaferð til Schladming

Schladming-Dachstein svæðið er eitt stærsta skíðasvæði Austurríkis og þar eru haldnar ýmsar alþjóðlegar skíðakeppnir. Skíðabærinn Schladming var valinn 2013 til að halda heimsmeistarakeppnina í alpagreinum og þar er haldið hið vinsæla heimsbikarmót í nætursvigi sem hefur verið árlegur viðburður síðan 1997 og dregur að sér þúsundir keppenda, þar á meðal bestu skíðamenn í heimi. Schladming er staðsettur hjá hinu svokallaða 4-fjalla-skíðalyftusvæði sem samanstendur af fjöllunum Planai, Hochwurzen, Hauser Kaibling og Reiteralm. Á þessu svæði er að finna skíðabrekkur sem eru samtals 123 km langar og tæplega 50 skíðalyftur sem flytja fólk á milli fjölbreyttra skíðabrauta. Brekkurnar teygja sig frá 800 upp í 2015 m hæð, og henta þær jafnt byrjendum sem og lengra komnum. Á svæðinu er einnig að finna um 7 km langa sleðabrekku og snjóbretta- og freestylegarða. Vel upplýstar brekkurnar bjóða einnig upp á að njóta þess að skíða síðla kvölds við næturbjartan himinn. Fararstjórar munu aðstoða við leigu á skíðum, kaupum á skíðapassa og skráningu í skíðaskóla sé þess óskað.

Vefsíða Schladming og Vefsíða Dachstein svæðisins.

Flogið verður með Icelandair til Salzburg þann 1. febrúar. Brottför frá Keflavík kl. 8:00 en mæting í Leifsstöð u.þ.b. 2,5 klst fyrir brottför. Lending í Salzburg kl. 12:50 að staðartíma. Frá flugvellinum í Salzburg eru um 90 km til Schladming svo gera má ráð fyrir að rútuferðin taki um 1,5 klst.  Á brottfarardegi er flogið heim kl. 14:00 frá Salzburg. Lending á Íslandi kl. 17:25.