Alsace & Bodensee

Nú verður ekin töfrandi leið um Vínslóðina í Alsace, eins þekktasta vínhéraðs heims. Við byrjum á að stoppa í Riquewihr, sem er með vinsælli ferðamannabæjum svæðisins, og hrífumst af einstökum ævintýrablæ bæjarins. Bærinn er staðsettur í hjarta héraðsins og er nánast í óbreyttri mynd síðan á 16. öld. Á svæðinu fer fram háklassa vínrækt og afurðin drýpur af hverju strái. Eftir góðan tíma höldum við áfram um vínslóðin í Alsace og þræðum falleg smáþorp, svo sem bæina Ribeauvillé og Barr á leið okkar til Obernai sem er staðsettur við rætur St. Odile fjallsins. Hér gefum við okkur tíma til að að kanna líf bæjarbúa og njóta lífsins áður en ekið verður til baka.

Nú kveðjum við Colmar eftir yndislega daga og stefnan verður tekin á Bodensee vatnið í Þýskalandi. Á leiðinni þangað verður stoppað í Freiburg sem er borg skógarins, gotneskrar listar og víns. Freiburg hefur verið háskólaborg frá fornu fari en þessi borg hinna frjálsu á sér langa sögu. Sögulegar miðaldabyggingar setja svip sinn á borgina og margt er að skoða og dást að. Gefinn verður tími til að kanna borgina á eigin vegum og jafnvel líta inn á kaupmenn hennar. Því næst verður ekið um blómleg ávaxtahéruð til Konstanz í Þýskalandi við Bodensee vatnið þar sem gist verður í þrjár nætur á hóteli.

Það býður okkar töfrandi dagur því eftir morgunverð verður siglt frá Konstanz yfir á blómaeyjuna Mainau. Eyjan er um 45 hektarar en fyrir 2000 árum var hún virki Rómverja og á 9. öld tilheyrði hún hinu volduga klaustri nágrannaeyjunnar Reichenau. Sænski greifinn Lennart settist þar að og á heiðurinn af þessum einstaklega glæsilega lystigarði sem við skoðum. Upplagt er að fá sér hádegishressingu í garðinum og njóta náttúrufegurðar staðarins áður en siglt verður aftur yfir til Konstanz.

Listir, menning og vatn einkenna Konstanz, stærstu borgina við Bodensee vatn, en vatnið á landamæri að Sviss, Austurríki og Þýskalandi. Mjög lífleg og áhugaverð borg þar sem gaman er að rölta um og skoða óvenjuleg útilistaverk eða njóta gamla bæjarins með sínum hrífandi litlu götum, fallega myndskreyttum húsum og glæstum byggingum. Farið verður í stutta skoðunarferð en síðan verður tími á eigin vegum til að dekra við sjálfan sig.

Eftir yndislega og skemmtilega ferð verður ekið til Zürich. Brottför þaðan kl. 14:05 og lending í Keflavík kl. 15:55 að staðartíma.

Fararstjóri getur fært dagskrárliði á milli daga eftir þörfum þegar komið er á staðinn.