Bændaferðir


Hinar þekktu Bændaferðir Agnars Guðnasonar eru rútuferðir um alla Evrópu en einnig til Kanada. Við leggjum okkur fram við að skipuleggja spennandi rútuferðir þar sem nánast allt er innifalið í verði ferðanna, svo sem flug, öll flugvallagjöld og skattar, gisting í tveggja manna herbergi með baði, allar skoðunarferðir með rútu og matur. Við bendum ykkur því sérstaklega á að skoða vel hvað er innifalið, nokkuð sem skiptir meira máli en nokkru sinni, nú þegar að gengið sveiflast mikið.

Þess má geta að íslensk fararstjórn er í öllum okkar ferðum.

Við viljum minna á að ALLIR geta að sjálfsögðu bókað sig í Bændaferð!

Bæklingur

Bændaferðir 2012
Bændaferðir 2012

 

 
 

Vor 1 - Sestri Levante


30. mars – 8. apríl 2012     UPPSELT!
Fararstjóri: Þóra Valsteinsdóttir

Vorblær ítölsku Rívíerunnar, pálmar, klettabjargir, fagrar strendur og töfrandi andrúmsloft bæjarins munu umvefja okkur í Sestri Levante, okkar aðaláfangastað í þessari glæsilegu ferð. Flogið er til Frankfurt og þaðan haldið til Weil am Rhein, þar sem gist verður fyrstu nóttina. Við ökum fallega leið til Sviss, um Luzernvatn, Gotthard göngin, að ítölsku Rívíerunni til Sestri Levante, þar sem gist verður í 6 nætur. Förum í ævintýralegar skoðunarferðir, m.a. í yndislega siglingu úti fyrir Cinqueterre-ströndinni, með viðkomu í nokkrum klettabæjum. Á meðal þeirra eru Rapallo, þekktasti ferðamannabærinn við ströndina og Santa Margherita sem hefur dregið að sér stjörnur úr listageiranum, t.d. Gretu Garbo. Förum þaðan í bátsferð til bæjarins Portofino, einnar af perlum strandarinnar. Heimsækjum ólífuolíugerð og njótum töfra Sestri Levante. Síðasti áfangastaður okkar er Offenburg í Svartaskógi þar sem gist er í 2 nætur, en þaðan verður Freiburg sótt heim, sem hefur að geyma eitt af meistaraverkum gotneska tímans. Ökum einnig um Klukkuveginn í Svartaskógi og komum við á verkstæði þar sem gauksklukkur eru búnar til.
 

 

Vor 2 - Eyjaperlur Króatíu


1. – 13. apríl 2012     UPPSELT!
Fararstjóri: Hólmfríður Bjarnadóttir 

Eyjan Krk og hinar eyjaperlur Kvarnervíkur í Króatíu taka á móti okkur í allri sinni dýrð í þessari glæsilegu páskaferð. Ferðin hefst á flugi til Frankfurt þaðan sem haldið verður til München, höfuðstaðar Bæjaralands, en þar gistum við fyrstu nóttina. Þaðan höldum við áfram til Króatíu, til eyjunnar Krk sem er í norðurhluta Kvarner-víkur, en eyjarnar og víkin eru rómaðar fyrir fegurð sína. Gistum í 9 nætur í bænum Malinska sem er einn aðalferðamannabær eyjunnar. Þaðan verður farið í skemmtilegar skoðunarferðir, m.a.ökum við um Krk og siglum yfir til eyjunnar Cres, sem er ásamt Krk stærsta eyja Adríahafsins, en Cres er tengd við eyjuna Lošinj, sem er blóma- og furuparadís króatísku eyjanna. Göngum um vatnaþjóðgarðinn Plitvicka jezera, með sínum16 sjáanlegu vötnum sem bjóða upp á eina af glæsilegustu náttúruleiksýningum Austur-Evrópu. Einnig verður komið til Opatija, heilsubæjarins sem kallaður er „Stóra daman“ króatísku strandarinnar og eins heimsækjum við Hum, fámennasta bæjarfélag í heimi með 23 íbúum, borðum saman hádegisverð hjá vínbónda í Pazin og komum til Baska á Krk. Eftir yndislega daga verður ekið til gömlu ríkisborgarinnar Nürnberg þar sem við gistum 2 síðustu næturnar áður en haldið er heim á leið. 

 
 
 

Vor 3 - Trítlað & Siglt


5. – 12. maí 2012     ÖRFÁ SÆTI LAUS!
Fararstjóri: Jens Ruminy

Trítlað og siglt er skemmtileg ferð sem naut mikilla vinsælda á síðasta ári, en færri komust að en vildu. Í þessari ferð siglum við á fljótunum Saar, Mósel og Rín og förum daglega í 8 - 10 km langar gönguferðir. Ferðin hefst á flugi til Frankfurt, þaðan sem haldið er inn í Rínardalinn til Rüdesheim, eins vinsælasta ferðamannabæjar Þýskalands. Gistum þar í 3 nætur. Þaðan verður farið í gönguferðir og gefst tækifæri til að skoða sig um, heimsækja söfn og fara í vínsmökkun. Því næst er ekið til Strassborgar og farið í skoðunarferð þar áður en haldið er til Saarlouis í Saardalnum, þar sem skipið MS Modigliani bíður okkar. Gistum á skipinu í 4 nætur. Á morgnana göngum við um fjölbreytt landsvæði, s.s. vínakra, skóglendi og á stígum eftir hamraveggjum. Við upplifum stórkostlegt landslag og njótum útsýnis yfir bæi, ár, dali, vínakra og kastala. Eftir hádegi njótum við þess að sigla og slaka á og virða fyrir okkur tilkomumikla fegurð þessara svæða. Eftir að skipsferðinni lýkur í Strassborg er komið að heimferð til Íslands. Þessi ferð er fyrir alla sem hafa gaman af að hreyfa sig daglega, sigla og njóta lífsins í góðum hópi í fagurri náttúru..
 
 

Flýtileiðir

Skipta um leturstærð