9. - 16. júní 2024 (8 dagar)
Í þessari glæsilegu ferð um Baskahéruð Spánar upplifum við í senn dásamlega náttúrufegurð, heillandi menningu og iðandi mannlíf. Ferðin hefst í Madríd, höfuðborg Spánar, og munum við skoða markverðustu staði hennar en borgina einkennir afar fallegur miðaldablær. Við förum um Baskahéraðið á Norður-Spáni og njótum nærveru Cantabria fjalla á leið til Burgos, einnar mikilvægustu borgar á hinum þekkta Jakobsvegi, en þar hafa varðveist merk ummerki frá blómaskeiði borgarinnar. Í líflegu hafnarborginni Bilbao gefst okkur tækifæri til að skoða hið fræga Guggenheimsafn og á för okkar með ströndinni til Santander, mætir okkur hrífandi fegurð. Farið verður til Comillas, sem er litríkur sjávarbær, og San Sebastian þar sem við fetum í fótspor kvikmyndastjarna og virðum fyrir okkur perluhvítan sandinn við baðströndina Bahía de la Concha við Biscaya flóann. Að endingu förum við um hjarta Spánar, fallega héraðið Kastilia.