Árni Ingólfsson er fæddur 1961 í Kópavogi, vélvirki og þúsundþjalasmiður. Hann hefur verið félagi í Hjálparsveit skáta Kópavogi um 30 ára skeið og starfar þar með rústaflokki sem er hluti af íslensku alþjóðasveitinni. Útivist hefur hann stundað alla tíð og fyrstu gönguskíðin eignaðist hann fyrir 25 árum.
Hann hefur farið í allar gönguskíðaferðir Bændaferða og oft tekið að sér það hlutverk að vera aftasti maður hópsins, hefur séð til þess að allir skili sér heim eftir góðan dag í brautunum.
Árni er frábær skíðagöngumaður, röggsamur og úrræðagóður.
Árið 2012 fer Árni í ferðina: Á gönguskíðum við Lermoos 21. - 28. janúar.
Umsagnir farþega um Árna: 
„Árni er fullkomlega traustur og maður fyllist öryggi af að ferðast með honum.“
„Hann með sinn hjálparsveitarbakgrunn og sitt jafnaðargeð er mjög góður sem fararstjóri, sérstaklega við hlið Írisar sem er framfærnari en hann fyrir framan hópinn, meðan hann er betri maður á mann.“
„Árni er hjálplegur, ábyrgur farastjóri og hefur létta lund.“
„Árni er ljúfur fararstjóri, hjálplegur og fljótur í ferðum ef á þarf að halda.“
„Góður félagi kraftmikill og duglegur að leysa vandamál.“
„Hann er eins og Íris, mjög góður í öllu sem hann kemur að. Heldur mjög vel utan um hópinn."