Aðventudýrð í Salzburg & München

Í dag er frjáls dagur svo nú er um að gera að skoða sig betur um í borginni á eigin vegum og njóta alls þess sem hún hefur upp á að bjóða. Upplagt er að skella sér á söfn, líta í búðir eða setjast á kaffi- eða veitingahús og virða fyrir sér mannlífið.

Nú kveðjum við Salzburg eftir yndislega daga og stefnan er tekin á München, höfuðborg Bæjaralands, sem er töfrandi á aðventunni. Við byrjum á að fara í skemmtilega göngu um miðbæ München. Við röltum saman að fallega ráðhústorginu, Marienplatz, en þar er einn af stærstu aðventumörkuðum borgarinnar. Á leiðinni þangað lítum við inn á Viktualienmarkt sem er aðalmatarmarkaður borgarinnar. Eftir það verður frjáls tími til að skoða sig betur um í borginni og líta inn á kaupmenn borgarinnar sem eru ófáir. Eftir góðan tíma þar verður síðan ekið á hótel okkar þar sem gist verður í 3 nætur. Sameiginlegur kvöldverður á hótelinu.

Byrjum daginn á góðum morgunverð og rólegheitum en síðan verður farið í skemmtilega skoðunarferð um borgina þar sem ekið verður um helstu staði, m.a. að Ólympíusvæðinu sem var byggt fyrir Ólympíuleikana árið 1972 og að BMW byggingunni og safninu, Maximilianeum þinghúsi Bæjaralands, Gamla og Nýja Pinakothek listasöfnin, Wittelsbacher brunninum svo eitthvað sé nefnt. Áð verður síðan í gamla hverfinu í Schwabing sem er eitt vinsælasta hverfi borgarinnar og er þekkt fyrir notalega stemmingu, með líflegum krám, kaffi- og veitingahúsum. Hér er hrífandi listaverka- og handverksmarkaður en þar eru um 80 listamenn frá öllu Þýskalandi saman komnir með sína fjársjóði. Endum ferðina í miðbæ München og göngum saman að Hofbräukeller, einu frægasta brugg- og veitingahúsi borgarinnar, þar sem bæjarbúar hittast gjarnan og spjalla saman yfir góðum mat og drykk. Bæverski hertoginn Wilhelm V. stofnaði Hofbräukeller árið 1589 og átti það að sjá um bjór fyrir Wittelsbach ættina. Þar er upplagt að fá sér smá hressingu saman að hætti borgarbúa. Eftir það er frjáls tími og upplagt að skoða sig betur um í borginni og líta á aðventumarkaði í borginni. Fyrir þá sem vilja snæða saman á einhverjum af veitingahúsum borgarinnar þá er mælt með að bóka borð fyrirfram.

Í dag er frjáls dagur til að skoða sig betur um og jafnvel líta inn í verslanir. München er heillandi á þessum tíma með aðventuskreytingum, jólamörkuðum, kirkjum, söfnum, mjög skemmtilegum verslunargötum og óteljandi notalegum veitinga- og kaffihúsum.

Eftir yndislega aðventuferð verður ekið til flugvallar í München. Brottför kl. 13:00 og lending í Keflavík kl. 16.00 að staðartíma.

Fararstjóri getur fært dagskrárliði á milli daga eftir þörfum þegar komið er á staðinn.