28. september - 5. október 2024 (8 dagar)
Yndisleg náttúrufegurð í bland við merkar söguslóðir bíða okkar í þessari dásamlegu ferð til Andalúsíu á Spáni. Byrjum á að dvelja í borginni Granada, höfuðborg Andalúsíu, sem býr yfir einstöku andrúmslofti. Granada er mikil menningarborg en um leið afar dularfull og forn en hún var síðasta höfuðvígi Mára á Íberíuskaganum og áhrifa þeirra gætir víða í borginni. Þar má nefna Alhambra höllina, eina af þekktustu og fegurstu byggingum heims. Á leið okkar til Sevilla, tekur hrífandi borgin Córdoba á móti okkur en hún var ein stærsta höfuðborg Evrópu á 11. öld, þar sem gyðingar, múslimar og kristnir menn lifðu í sátt og samlyndi. Eitt helsta aðdráttarafl Córdoba er Mezquita moskvan sem er á heimsminjaskrá UNESCO. Við upplifum sæludaga í Sevilla en borgin státar sig af Real Alcazar höllinni sem þykir ein sú fallegasta í Andalúsíu. Heillandi er að rölta í gegnum Barrio de Santa Gruz, elsta hluti Sevilla og fyrrum gyðingahverfi borgarinnar, og skoða hinar fjölmörgu hallir, falleg torg, brunna og þröngar götur. Við förum í skemmtilega siglingu á tvíbytnu til gömlu borgarinnar Cádas sem er ein af elstu borgum Vestur-Evrópu. Höldum einnig til bæjarins Jerez sem er þekktur fyrir konunglega reiðskólann sinn og vínframleiðslu, sér í lagi dýrindis sérrí heimamanna. Áð verður í bænum Ronda sem situr á stórbrotinni klettasyllu en þar voru háðir miklir bardagar í spænsku borgarastyrjöldinni. Þessi ljúfa ferð endar við Costa del Sol strandlengjuna í Málaga, fæðingarbæ hins heimsfræga listamanns, Pablo Picasso.