Hjólaparadísin Zell am See

Hér er á ferðinni einstaklega þægileg hjólaferð við allra hæfi og eru hjólagarpar með Parkinson sérstaklega hvattir til að skella sér með. Fararstjórinn er þaulvanur hjólagarpur og hefur mikla reynslu og þekkingu á Parkinson. Hjólað verður á hæfilegum hraða, á góðum hjólastígum með það að markmiði að njóta þess sem fyrir augu ber. Gist verður í bænum Kaprun, sem liggur við hið fagra vatn Zell í Salzburgerlandi og þaðan munum við halda í fјölbreyttar dagsferðir um fallegar sveitir. Haldið verður í ævintýralega dagsferð að Krimmlerfossunum og til bæjarins Saalfelden, en þar verður hjólaður skemmtilegur hringur sem að hluta tilheyrir hinni frægu Tauern hjólaleið. Að sjálfsögðu verður einnig hjólað umhverfis vatnið Zell. Gist verður á 4* heilsuhóteli þar sem auðvelt verður að láta líða úr sér eftir yndislega útiveru. Í þessari ferð fer saman útivist og hreyfing í fјölbreyttu og heillandi umhverfi. Heildarvegalengd ferðarinnar er um 250 km.

Verð á mann í tvíbýli 197.300 kr.

Aukagjald fyrir einbýli 21.600 kr.

 
Innifalið

  • 8 daga ferð.
  • Flug með Icelandair til München.
  • Flugvallarskattar og gjöld.
  • Gisting í tveggja manna herbergi í 7 nætur á 4 * hóteli í Kaprun.
  • Morgun- og kvöldverður allan tímann á hótelinu.
  • Boðið verður uppá einn 7 rétta hátíðarkvöldverð.
  • Síðdegishressing með kökuhlaðborði á hótelinu (drykkir ekki innifaldir).
  • Aðgangur að heilsulind hótelsins sem býður m.a. upp á mismunandi gufuböð og innisundlaug.
  • Baðsloppur og inniskór fyrir dvölina.
  • Frítt internet á hótelinu (bæði á herbergjum og í móttöku).
  • Rútuferð til og frá bænum Saalfelden með hjólin.
  • Upplýsingafundur með fararstjóra fyrir ferð.
  • Íslensk fararstjórn.

Ekki innifalið

  • Leiga á 24 gíra trekkinghjóli með tösku og lás í 6 daga 11.800 kr.
  • Leiga á rafhjóli með tösku og lás í 6 daga 23.600 kr.
  • Aðgangseyrir inn á söfn, í hallir og kirkjur.
  • Hádegisverðir.
  • Lestarferð með hjólin að Krimmlerfossum ca. € 15.
  • Þjórfé.

Undirbúningur

Hjólaferð er fyrir alla þá sem haldið geta jafnvægi á hjóli. Gott að hafa vanið sig við að sitja nokkra klukkutíma á hnakknum áður en lagt er í ferð eins og þessa. Ráðlegt væri að festa kaup á gelhnakk eða hjólabuxum með rasspúðum. Farastjóri mun boða þátttakendur í eina stutta eða fleiri hjólferðir hér heima áður en haldið verður utan. 

Kort af ferðinni

Ferðalýsing

Prenta ferðalýsingu

21. júní | Flug til München & ekið til Kaprun

Flogið frá Keflavík með Icelandair kl. 07:20. Mæting í síðasta lagi 2 klst. fyrir brottför. Lending í München kl. 13:05 að staðartíma. Rúmlega þriggja tíma keyrsla er á hótelið í Kaprun. Þessi huggulegi 3.000 manna bær kúrir milli fjallanna í nágrenni vatnsins og hér komum við okkur fyrir.

22. júní | Umhverfi Zell am See

Þennan fyrsta hjóladag förum við með strætó í hjólabúðina í bænum Zell þar sem hver og einn fær hjól við sitt hæfi. Síðan kynnum við okkur umhverfið nánar og hjólum umhverfis þetta yndislega vatn. Farið verður um fallegt svæði á góðum hjólastígum og fyrir augu bera byggingar og kastalar eins og Schloss Prielau, sem í dag er nýttur sem lúxushótel. Möguleiki er að fara líka í skemmtilega bátsferð um vatnið áður en haldið er heim á hótel.

  • Áætluð dagleið ca. 30 km.

23. júní | Krimmlerfossar

Við höfum hjólin meðferðis í lest upp að Krimmlerfossunum í Salzachdalnum. Fossarnir falla milli háu Tauernfjallanna og Kitzbühel-Alpanna og er þetta einn glæsilegasti foss Alpanna. Leiðin aftur niður til Kaprun er ævintýralega falleg og verður að hluta til hjólað á hinum þekkta Tauernradweg.

  • Áætluð dagleið ca. 60 km.
Opna allt

24. júní | Almdorf

Frá Kaprun hjólum við meðfram vesturhlið vatnsins Zell og til Almdorf, sem er þyrping af vinalegum gömlum bóndabæjum í alpastíl. Þaðan til baka til Ritzensee, sem er fallegt stöðuvatn í Saalfelden. Þar gefst möguleiki á að heimsækja snafsframleiðanda eða skoða héraðssafnið í Ritzen kastalanum. Hjólað verður um fallegar sveitir til baka á hótelið í Kaprun. Áætluð dagleið ca. 45 km.

  • Áætluð dagleið ca. 45 km.

25. júní | Frídagur í Kaprun

Frjáls dagur og hverjum og einum gefst tækifæri á að kanna umhverfið á eigin vegum. Bærinn Kaprun er þekktur fyrir að vera staðsettur við svokallað Evrópu-íþróttasvæði og því vinsæll ferðamannabær jafnt sumar sem vetur. Upplagt er að taka stuttan hjólatúr til bæjarins Zell am See eða nota aðstöðuna á hótelinu; fara í gufu, heitan pott eða láta dekra við sig í heilsulind hótelsins.

26. júní | Steinbergrunde & Pillersee

Eftir góðan morgunverð mun rúta keyra okkur til Saalfelden og verða hjólin að sjálfsögðu með í för. Þaðan hjólum við einstaklega fallega hringleið sem nefnist Steinbergrunde, og liggur milli bæjanna St. Martin bei Lofer, Waidring, St. Ulrich við Pillersee, Hochfilzen og Leogang. Að loknum góðum hjóladegi mun rútan keyra okkur aftur á hótelið í Kaprun.

  • Áætluð dagleið ca. 65 km.

27. júní | Hochalpenstraβe & Käfertal

Leið dagsins liggur um svæði sem er paradís hjólreiðamanna. Frá Kaprun verður haldið til bæjarins Fuchs og áfram til Ferleiten við Groβglockner – Hochalpenstraβe. Þessi leið er í yfir 2000 m hæð og er talin ein af glæsilegustu alpagötum Evrópu. Þarna er stórbrotin og ólýsanleg fegurð. Í Ferleiten heimsækjum við 15 hektara þjóðgarð með yfir 200 tegundum villtra dýra. Heimleiðin liggur niður í móti í gegnum Käfer dalinn þar sem við njótum fallegs útsýnis yfir Grossglockner jökulinn, sem er hæsta fjall Austurríkis; 3798 m.  Áætluð dagleið ca. 50 km. 

  • Áætluð dagleið ca. 50 km.

28. júní | Heimferð

Strax eftir morgunverð verður lagt af stað út á flugvöll. Brottför frá flugvellinum í München kl. 14:05 og lending í Keflavík kl. 16:00 að staðartíma.

Myndir úr ferðinni

Fararstjórn

Bjarni Torfi Álfþórsson

Bjarni Torfi Álfþórsson er fæddur 1960, menntaður lögreglumaður, grunnskólakennari og kerfisfræðingur. Hann starfaði í átta ár í umferðardeild lögreglunnar í Reykjavík, þrjú ár sem grunnskólakennari og í 11 ár í hugbúnaðargeiranum. Frá árinu 2011 hefur Bjarni verið framkvæmdastjóri Specialisterne á Íslandi.

Hótel

Hotel Kaprunerhof

Fjölskyldurekna 4* hótelið Kaprunerhof er á kyrrlátum stað í þorpinu Kaprun, vel staðsett fyrir göngu- og hjólaleiðir svæðisins. Boðið er upp á fjögurra rétta kvöldverði með valréttum og morgunverðarhlaðborðið er fjölbreytt með framboð af lífrænum afurðum. Herbergin eru öll með baði/sturtu, hárþurrku, sjónvarpi með gervihnattastöðvum, síma, öryggishólfi og minibar. Líkamsræktaraðstaða og heilsulind eru á hótelinu með gufu- og eimbaði, nuddpotti og sundlaug.  Gestir fá baðslopp og inniskó til afnota á meðan á dvölinni stendur. Golfvöllur er í nágrenninu og 25% afsláttur fyrir hótelgesti. Auk þess fá allir gestir fríðindakort sem veitir afslætti af samgöngum og þjónustu á svæðinu. Ókeypis þráðlaust net er á öllu hótelinu.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 09:30-16:00

 

Tengdar ferðir