Á gönguskíðum í Seefeld 2

Vetrarfrí á gönguskíðum í skemmtilegum félagsskap og fallegu umhverfi er sannkallaður draumur útivistarfólks. Seefeld býður upp á allt það besta til að gera ferðina að ógleymanlegu vetrarævintýri. Svæðið við Seefeld er einstaklega fallegt og fjölbreytt. Skíðabrautir svæðisins eru rúmlega 245 km langar, þær eru í 1.200 – 1.550 m hæð yfir sjávarmáli og henta jafnt byrjendum sem lengra komnum. Gist verður á glæsilegu 4* hóteli í bænum þar sem fullt fæði er innifalið. Á hótelinu er notaleg heilsulind með sundlaug, sauna og eimbaði. Flogið er með Icelandair til München og ekið sem leið liggur til Seefeld en þangað eru um 160 km. 

Verð á mann 249.900 kr.

Aukagjald fyrir einbýli 19.900 kr.


Innifalið

  • Flug með Icelandair og flugvallaskattar.
  • Ferðir á milli flugvallarins í München og hótelsins í Seefeld.
  • Gisting í 2ja manna herbergi með baði á fjögurra stjörnu hóteli.
  • Fullt fæði.
  • Allir drykkir frá kl. 11:00-22:00.
  • Tíróla kvöldverður eitt kvöldið.
  • Aðgangur að heilsulindinni.
  • Kort í skíðagöngubrautir svæðisins.
  • Íslensk fararstjórn.

Ekki innifalið

  • Aukagjald fyrir skíði í flug, 4.700 kr. á fluglegg.
  • Forfalla- og ferðatrygging.

Myndband - Seefeld - paradís skíðagöngufólks

Kort af ferðinni

FerðalýsingPrenta ferðalýsingu

Nánar um ferðina

Í ferðinni verða bæði fararstjóri og skíðakennari. Fyrir þá sem það vilja verður skíðakennari með æfingar og kennslu flesta daga, bæði fyrir og eftir hádegi. Því er upplagt að nýta sér kennsluna hálfan daginn og æfa sig sjálfur hálfan daginn. Kennslan verður fjölbreytt og skipt er í hópa eftir getu. Þeir sem vilja frekar taka því rólega og njóta þess að skíða á sínum eigin forsendum í dásamlegu umhverfi gera það. Markmiðið er að allir njóti sín við bestu mögulegu aðstöðu sem Alparnir hafa upp á að bjóða.

Skíðasvæðið Seefeld

Seefeld er 3.300 manna bær í um 1.200 metra hæð yfir sjávarmáli. Þessi huggulegi bær er einn vinsælasti ferðamannabærinn í Tíról. Seefeld hásléttan er umvafinn Wetterstein-, Mieminger- og Karwendelfjöllunum en hér áður var þetta mikið vatnasvæði eins og nafn bæjarins ber með sér. Ólympíuleikarnir í norrænum greinum voru haldnir þarna 1964 og 1976 og heimsmeistarakeppnin árið 1985 og aftur árið 2019. Árin 2005, 2007 og 2008 var Seefeld valið besta skíðagöngusvæðið af 232 tilnefndum svæðum í Evrópu. Á Seefeld svæðinu má finna fjöldann allan af skíðagöngubrautum enda eru skíðabrautir svæðisins rúmlega 245 km langar og henta jafnt byrjendum sem og lengra komnum. Svæðið er fimm stjörnu skíðagöngusvæði og er snjóöruggt allt fram í byrjun apríl. Skíðagöngubrautirnar eru samtengdar fimm þorpum á svæðinu þ.e. Seefeld, Leutasch, Möseren, Reith og Scharnitz og því hægt að fara nýjar og spennandi leiðir á hverjum degi. Einnig er upplagt að taka Roshütte kláfinn upp á Seefeld Spitze fjallið í 1784 m hæð og njóta stórfenglegs útsýnis til allra átta en þar er vinsæll veitingaskáli. 

Vefsíða Seefeld.

Vefsíða skíðasvæðis Seefeld.

Flugið

Flogið verður með Icelandair til München þann 1. febrúar. Brottför frá Keflavík kl. 7:20 en mæting í Leifsstöð í síðasta lagi 2 klst fyrir brottför. Lending í München kl. 12:05 að staðartíma. Frá flugvellinum í München eru um 160 km til Seefeld svo gera má ráð fyrir að rútuferðin taki um 2,5 klst. Á brottfarardegi leggjum við snemma af stað út á flugvöll og síðan er flogið heim kl. 13:05 frá München. Lending á Íslandi kl. 16:00.

Myndir úr ferðinni

Fararstjórn

Einar Ólafsson

Einar Ólafsson er fararstjóri og þjálfari í ferðinni. Hann er tvöfaldur ólympíufari, margfaldur íslandsmeistari og heldur utan um alla kennslu hjá skíðagöngufélaginu Ulli. Einar hefur einnig tekið þátt í fjölda almenningsganga bæði í Evrópu og norður Ameríku og býr yfir mikilli reynslu í fræðunum.

Gretar Laxdal Björnsson

Gretar Laxdal Björnsson uppalinn í snjónum á Ólafsfirði. Fór ungur að leika sér á skíðum og hafa þau fylgt honum síðan. Eins og á mörgum minni stöðum var tekið þátt í öllum keppnum sem í boði var og það gerði Gretar einmitt, hvort sem var svigskíði, skíðastökk eða skíðaganga. Skíðagangan náði yfirhöndinni og  við tók þátttaka á Andrésar Andar leikunum, sem og unglingameistaramótum. Eftir situr slatti af bikurum, verðlaunapeningum og ekki síst, frábærar minningar.

Gretar er einn af björgunarsveitarsveitarmönnum landsins og þjálfaði m.a. snjóflóðaleitarhund, en þegar að tími gefst bregður hann sér gjarnan á fjallaskíði og utanbrautarskíði. Hann hefur gaman af allri hreyfingu og kláraði m.a. Landvættina árið 2014.

Hann hefur síðustu ár verið virkur í starfi Skíðagöngufélagsins Ullar og verið með fjölda byrjendanámskeiða. Undanfarin ár hefur Gretar tekið þátt í mörgum almennings skíðagöngukeppnum í Evrópu og haft gaman af.

Hótel

Hótel Bergland

Gist verður allar næturnar á 4* hóteli í miðbæ Seefeld, Hótel Bergland. Fullt fæði er innifalið, morgunverðarhlaðborðið er vel útilátið, hádegissnarlið er með tvenns konar súpu, salati og snarli, síðdegis er kökuhlaðborð og á kvöldin er fjögurra rétta máltíð með salatbar þar sem velja má milli 3 eða 4 aðalrétta. Allir drykkir frá 11.00 á morgnanna til 22.00 á kvöldin eru innifaldir. Notaleg heilsulind er á hótelinu með sundlaug, sauna, eimbaði með salt- og ilmstillingu, innrauðum hitaklefa og köldum kerum. Boðið er upp á ýmsar heilsumeðferðir gegn gjaldi. Heilsubarinn býður svo upp á te, ávaxtasafa og hollustusnarl. Herbergin eru öll með baði/sturtu, hárþurrku, síma, sjónvarpi og öryggishólfi. Gestir fá baðslopp til afnota á meðan á dvölinni stendur. Ókeypis þráðlaust net er á hótelinu. 

Vefsíða hótelsins.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00