Skíðabærinn Fiss er einn af bæjunum þremur sem mynda Serfaus-Fiss-Ladis skíðasvæðið.
Skíðabrekkur svæðisins eru samtals um 214 km á öllum erfiðleikastigum og ættu því allir að geta fundið brekkur við sitt hæfi. Skíðasvæðið liggur frá 1.200 m upp í 2.828 m yfir sjávarmáli og er þekkt fyrir snjóöryggi. Lyftur og kláfar eru 68 talsins og tryggja öllu skíðafólki gott aðgengi. Á svæðinu eru einnig mörg skemmtileg svæði fyrir snjóbretta- og „freestyle“ skíðafólk. Aðalskíðalyfta svæðisins er í göngufæri frá hótelinu en einnig býður hótelið upp á skutl að lyftustöðinni. Við lyftustöðina í bænum er einnig frábær skíðageymsla þar sem hægt er að geyma allan skíðabúnað í upphituðum skíðaskápum. Fararstjóri ferðarinnar mun aðstoða samferðamenn við að leigja skíði, kaupa skíðapassa og fara í skíðakennslu við hæfi. Fyrir þá sem vilja mun hann einnig skipuleggja skíðaferðir um svæðið, þar sem hægt er að fylgja hópnum hluta úr degi eða allan daginn. Hann mun síðan að sjálfsögðu gera eitthvað skemmtilegt með hópnum.

Vefsíða Serfaus-Fiss-Laden svæðisins.

Flogið verður með Icelandair til München þann 27. janúar. Brottför frá Keflavík kl. 7:20 en mæting í Leifsstöð u.þ.b. 2,5 klst fyrir brottför. Lending í München kl. 12:05 að staðartíma. Frá flugvellinum í München eru um 240 km til Fiss svo gera má ráð fyrir að rútuferðin taki u.þ.b. 3,5 klst. Á brottfarardegi leggjum við snemma af stað út á flugvöll og síðan er flogið heim kl. 13:05 frá München. Lending á Íslandi kl. 16:00.