Svigskíðaferð til Flachau

Skíðaparadísin Flachau liggur í allt að 1980 m hæð yfir sjávarmáli en svæðinu tilheyra hinir þekktu skíðabæir Wagrain, Zauchensee, Altenmarkt, Flachauwinkl og Kleinarl, sem eru Íslendingum að góðu kunnir. Skíðasvæðið, sem nefnist Ski Amade, er með samtals 860 km af snjóhvítum skíðabrekkum við allra hæfi og með 270 skíðalyftum. Flogið er með Icelandair til München og ekið þaðan sem leið liggur til Flachau. Gist er á nýlegu fjölskyldureknu hóteli í austurrískum stíl þar sem morgunverðarhlaðborð og fjögurra rétta kvöldverður með salathlaðborði er innifalið. Hótelið er einnig með huggulega heilsulind. Það tekur aðeins nokkrar mínútur að ganga að næstu skíðalyftu (Star Jet skíðalyftan í Flachau) en einnig er hægt að taka skíðarútu fyrir utan hótelið til að komast á önnur skíðasvæði. Hægt er að skíða milli svæða með sama skíðakortinu. Fararstjóri er með hópnum alla ferðina, gistir á sama hóteli og sér um að skipuleggja skíðaferðir fyrir þá sem það vilja.

Verð á mann í tvíbýli 234.800 kr.

Aukagjald fyrir einbýli 24.400 kr.


Innifalið

  • Flug með Icelandair og flugvallarskattar.
  • Ferðir á milli flugvallarins í München og hótelsins í Flachau.
  • Gisting í tveggja manna herbergi með baði.
  • Morgunverðarhlaðborð með heilsuhorni.
  • Vel útilátinn fjögurra rétta kvöldverður ásamt salatbar.
  • Aðgangur að heilsulind hótelsins.
  • Íslensk fararstjórn.

Ekki innifalið

  • Hádegisverðir.
  • Aukagjald fyrir skíði í flug 4.700 kr á fluglegg.
  • Skíðapassi (6 daga skíðapassi fyrir fullorðinn ca € 270).
  • Forfalla- og ferðatrygging.

Kort af ferðinni

FerðalýsingPrenta ferðalýsingu

Skíðasvæðið

Skíðaparadísin Flachau er hluti af Salzburger Land í Austurríki og tilheyrir einnig stórskíðasvæðinu Amadé. Með einum skíðapassa er hægt að ferðast milli svæða með 860 km af skíðabrekkum og 270 lyftum af öllum gerðum. Á Flachau svæðinu sjálfu er að finna 120 skíðabrekkur og 45 skíðalyftur sem flytja fólk á milli fjölbreyttra skíðabrauta.
 
Brekkurnar teygja sig frá 920 m upp í 1980 m hæð, og henta þær jafnt byrjendum sem lengra komnum. Einn af fjölmörgum kostum Flachau er að hægt er að skíða á milli bæjanna Wagrain, Alpendorf in St. Johann og einnig er auðvelt að taka skíðarútuna yfir til Zauchensee, sem er annað stórglæsilegt skíðasvæði með frábærum brekkum. Skíðasvæðið í Flachau er tilvalið fyrir fjölskyldufólk en til gamans má geta að skíðastjörnurnar Hermann Maier, Manuel Krämer og snjóbrettadrottningin Claudia Rieger lögðu þar grunninn að ferli sínum. Fyrir snjóbrettaiðkendur eru glæsilegir og fjölbreyttir snjóbrettagarðar. Fararstjórar munu aðstoða við leigu á skíðum, kaupum á skíðapassa og skráningu í skíðaskóla sé þess óskað.

Vefsíða Flachau.

Flugið

Flogið verður með Icelandair til München þann 15. febrúar. Brottför frá Keflavík kl. 7:20 en mæting í Leifsstöð í síðasta lagi 2 klst fyrir brottför. Lending í München kl. 12:05 að staðartíma. Frá flugvellinum í München eru um 240 km til Flachau svo gera má ráð fyrir að rútuferðin taki rúmar 3,5 klst. Á brottfarardegi leggjum við snemma af stað út á flugvöll og síðan er flogið heim kl. 13:05 frá München. Lending á Íslandi kl. 16:00. 

Myndir úr ferðinni

Fararstjórn

Sævar Skaptason

Sævar Skaptason hefur alla tíð verið mikið fyrir útivist. Hann byrjaði að starfa við ferðaþjónustu árið 1981 og var þá skálavörður í skála Ferðafélagsins í Langadal, Þórsmörk, til ársins 1986. Yfir sumartímann árin 1989 og 1990 starfaði hann einnig sem skálavörður í Landmannalaugum. Frá árinu 1998 hefur Sævar verið framkvæmdastjóri Hey Iceland - Bændaferða (áður ferðaþjónusta bænda).

Hótel

Hotel Alpenwelt

Hotel Alpenwelt er nýlegt 3*+ alpahótel í austurrískum stíl. Hótelið er heimilislegt með 48 herbergjum og eru öll herbergin með sturtu/baðkari, gervihnattasjónvarpi, öryggishólfi, hárþurrku, míníbar, síma og nettengingu. Öll herbergin eru með svölum. Á hótelinu er einnig heilsulind með mismunandi gufuböðum og svæði þar sem gott er að slappa af eftir góðan dag í fjöllunum. Boðið er upp á ýmsar tegundir af nuddi og snyrtimeðferðir gegn gjaldi. Í kjallara hótelsins er að finna skíðageymslu með upphitaðri skógeymslu. Hótelið er staðsett á rólegum stað, stutt ganga er í nærliggjandi verslanir, aprés-ski bari, pósthús og apótek. Það tekur einungis nokkrar mínútur að ganga að næstu skíðalyftu á svæðinu og einnig er hægt að taka frían skíðastrætó sem stoppar við hótelið á nærliggjandi skíðasvæði.

Vefsíða hótelsins.

Við hjá Bændaferðum höfum einskæran áhuga á útivist og öllu sem henni tengist. Við bjóðum upp á breitt úrval af frábærum hreyfiferðum í Evrópu og á framandi slóðum, allt eftir árstíma. Ferðirnar geta bæði verið léttar og krefjandi og til þeirra teljast hjólaferðir, gönguferðir, útivistarferðir með blandaðri hreyfingu, svigskíðaferðir, gönguskíðaferðir og síðast en ekki síst, hlaupaferðir. Það er ógleymanleg upplifun að næra líkama og sál á erlendri grundu í spennandi umhverfi, en ferðir okkar eru ávallt á frábærum áfangastöðum með mjög góðri aðstöðu.

Hreyfðu þig með okkur!

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00

 

Tengdar ferðir