Alpafegurð Austurríkis

Einstakt landslag Salzburgerlands í Austurríki er sérlega heillandi á þessum árstíma þar sem allt er í blóma og Alpafјöllin skarta sínu allra fegursta.

Ferðin hefst í München en ekið verður til fjallaþorpsins Filzmoos í Salzburgerlandi, sem verður okkar aðalsamastaður. Þaðan verður farið í hrífandi dagsferðir þar sem ólýsanleg náttúrufegurð tekur á móti okkur í Hallstatt við Hallstättersee. Hann er með fallegustu stöðum Salzkammergut en bærinn og landslagið umhverfis hann eru varðveitt á heimsminjaskrá UNESCO. Dachsteinfjöllin bíða okkar og farið verður með kláfi upp á Dachsteinjökulinn, þar sem við skoðum íshelli, lítum á ótrúlegar höggmyndir og njótum þaðan stórkostlegs útsýnis. Við heimsækjum tónlistarborgina Salzburg, sem er ein af perlum Austurríkis. Eftir dýrðardaga í Austurríki liggur leið okkar til Rósahafnarinnar eða Portorož, sem er yndislegur staður í Slóveníu. Á leiðinni þangað skoðum við okkur um í hinum víðfrægu Postojna dropasteinshellum. Frá Portorož höldum við í siglingu til sjávarþorpanna Izola og Piran, sem eru tvær af perlum Slóveníu og njótum þess að vera á þessum fallegu stöðum. Boðið verður upp á ferð til borgarinnar Koper og vínbóndi sóttur heim. Við endum góða ferð í bænum Sirmione við Gardavatn.

Verð á mann í tvíbýli 235.500 kr.

Aukagjald fyrir einbýli 24.400 kr.


Innifalið

  • 10 daga ferð.
  • Flug með Icelandair og flugvallaskattar.
  • Gisting í 2ja manna herbergi með baði.
  • Morgun- og kvöldverður allan tímann á hótelum.
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Aðgangseyrir inn í söfn, hallir og kirkjur.
  • Kláfar eða stólalyftur upp á fjöll.
  • Vínsmökkun.
  • Hádegisverðir.
  • Þjórfé.

Valfrjálst

  • Kláfur á Dachstein jökulinn og aðgangur að íshöllini ca € 45.
  • Kláfur upp í kastalann Hohensalzburg ca € 15.
  • Postojna dropasteinshellar ca € 26.
  • Sigling til Piran og Izola ca € 18.
  • Hádegissnarl hjá vínbónda ca € 17.

Kort af ferðinni

FerðalýsingPrenta ferðalýsingu

29. júlí | Flug til München & Filzmoos

Brottför frá Keflavík kl. 7:20. Mæting í Leifsstöð a.m.k. 2 klst. fyrir brottför. Lending í München kl. 13:05 að staðartíma. Þaðan verður ekið til Austurríkis, þar sem gist verður 5 nætur í litla bænum Filzmoos í Salzburgerland. Undursamleg fjalladýrð umlykur staðinn. Á sumrin stundar fólk hér fjallgöngur en skíði um vetur. Á hótelinu er heilsulind og innisundlaug en einnig er sólarverönd á þaki sundlaugarbyggingarinnar, svo hægt er að sitja þar úti í góðu veðri og sóla sig í fjallaloftinu.

30. júlí | Hallstatt við vatnið Hallstättersee

Að morgunverði loknum verður ekin heillandi leið um bæina Lumgötz og Abtenau til hins   draumfagra bæjar Hallstatt. Bærinn og landsvæðið umhverfis hann var skráð á heimsminjaskrá UNESCO árið 1996. Þetta er yndislegur bær sem gaman er að rölta um. Við lítum inn í kirkjuna sem er með mjög merkilegu útskornu altari frá árinu 1520 og skoðum grafhýsið sem tengt er kirkjunni. Síðan verður gefinn frjáls tími til að njóta þess að vera á þessum dásamlega stað. Eftir það verður ekið til Schladming þar sem áð verður um stund, áður en haldið verður til baka á hótel.

31. júlí | Tónlistarborgin Salzburg & Mozart

Í dag ætlum við að heimsækja hina undurfögru borg Salzburg sem þekktust er sem fæðingarborg Mozart en jafnframt fyrir mikilfenglegar byggingar í barokkstíl. Við hefjum daginn á skoðunarferð um borgina, skoðum Mirabellgarðinn og göngum eftir Getreidegasse sem er með elstu og þekktustu götum borgarinnar en þar má finna  mjög áhugavert safn um Mozart. Á góðum degi er gaman að koma upp í kastalann Hohensalzburg en þar var hluti kvikmyndarinnar Söngvaseiður eða Sound of Music tekinn upp. Einstök sýn er þaðan yfir borgina, Salzburgerland og stórfenglegt umhverfi Alpanna í kring sem eru aðdráttarafl fjölda ferðamanna ár hvert. Fram að kvöldverði gefst tími til að njóta þess sem þessi fagra borg hefur upp á að bjóða.

Opna allt

1. ágúst | Dachstein & Dachsteiner kláfurinn

Okkar bíður spennandi dagur þegar farið verður upp á Dachsteinfjöllin, sem er vinsælasti ferðamannastaðurinn í Steiermark, enda á heimsminjaskrá UNESCO. Dachsteiner kláfurinn ferjar okkur upp í 2.700 m hæð, þaðan sem fjallasýnin er mögnuð. Fimm útsýnispallar standa til boða og þeirra á meðal er einn með glergólfi. Þeir sem þora að stíga á þann pall munu sjá hvernig klettaveggur Hunerkogelfjallsins er 250 m lóðrétt niður beint undir fótum hans. Við munum einnig virða fyrir okkur víðáttumikinn íshelli en þar hafa, auk náttúrulegra ísmyndanna, verið gerðir alls kyns skúlptúrar úr meira en tonni af ís, t.d. líkan af Egyptalandi til forna.

2. ágúst | Frídagur í Filzmoos

Þennan kyrrláta dag er tilvalið að slaka á í Filzmoos og kanna umhverfið í þessum litla bæ. Ókeypis rútur ganga frá miðbænum upp á göngusvæðin. Svo má nota frábæra aðstöðuna við hótelið. Ef veðrið er gott er hægt að sóla sig á veröndinni yfir innisundlauginni. Einnig geta áhugasamir pantað sér ferð með hestakerru eða tekið Papageno kláfinn sem gengur upp á gönguskíðasvæðin.

3. ágúst | Rósahöfnin & Postojna dropasteinshellarnir

Við yfirgefum Austurríki og ökum til Portorož í Slóveníu eða Rósahafnarinnar svokölluðu, þar sem gist verður í 3 nætur. Á leiðinni þangað verður komið til Postojna en þar eru víðfrægir dropasteinshellar. Umhverfið er mjög fallegt og hægt að skoða sig um í minjagripaverslunum, kíkja á veitingastaði eða kaffihús, ásamt því að skoða hellana. Við gefum okkur góðan tíma til að kanna svæðið og njóta.

4. ágúst | Sigling til Piran & Izola

Frá Portorož gefst áhugasömum tækifæri til að sigla til sjávarþorpanna Izola og Piran, sem eru sannkallaðar perlur Istríastrandarinnar. Í Izola stígum við á land en höldum svo ferðinni áfram til Piran, yndislegs bæjar sem áhugavert er að skoða. Þar fæddist fiðluleikarinn og tónskáldið Tartini en minnisvarði um hann stendur á hinu glæsilega Tartini torgi. Eins er gaman að skoða Georgskirkjuna, sem stendur tignarleg á fallegum stað við ströndina. 

5. ágúst | Frjáls dagur í Portorož

Í dag ætlum við að njóta þess að vera á þessum fagra stað og kanna umhverfið. Tilvalið er að nýta sér aðstöðu hótelsins til afslöppunar en einnig er skemmtilegt að ganga eftir strandlengjunni yfir til Piran. Í bænum kennir einnig margra grasa menningar- og mannlífs, sem gaman er að kynna sér í rólegheitunum. 

6. ágúst | Koper & létt hádegissnarl hjá vínbónda

Koper er eina stóra hafnarborgin í Slóveníu og falleg borg. Nú ætlum við að bjóða upp á létta ferð í verslunarhús en þeir sem hafa ekki löngun til þess geta rölt með fararstjóra sínum um mjög sjarmerandi miðbæ Koper. Eftir það ætlum við að heimsækja vínbónda uppi í hæðunum fyrir ofan Koper. Þar bíður okkar létt hádegissnarl og auðvitað verður boðið upp á vín bóndans.

7. ágúst | Mílanó & heimferð

Nú er komið að því að kveðja Slóveníu eftir dásamlega daga. Eftir morgunverð verður stefnan tekin á Mílanó en á leiðinni þangað verður stoppað í yndislegum bæ, Sirmione, við suðurenda Gardavatns. Þar gefum við okkur góðan tíma til að skoða áður en ekið verður út á flugvöll í Mílanó. Brottför þaðan kl. 22:40 og lent í Keflavík kl. 00:55 að staðartíma aðfaranótt 8. ágúst.

Fararstjóri getur fært dagskrárliði á milli daga eftir þörfum þegar komið er á staðinn.

Myndir úr ferðinni

Fararstjórn

Hólmfríður Bjarnadóttir

Hólmfríður Bjarnadóttir (Hófý) heiti ég og er fædd árið 1960 á Patreksfirði. Ég er móðir þriggja drengja og er búsett í Bæjaraskógi í Þýskalandi um þessar mundir með yngsta drenginn, Gabríel Daða. Eiginmaður minn er Norbert Birnböck sem er einn af bílstjórum Bændaferða.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00

 

Tengdar ferðir