Skotapils & sekkjapípur

27. ágúst - 3. september 2018 (8 dagar)

Í þessari þægilegu ferð um Skotland, njótum við stórkostlegs landslags þessa grannríkis okkar í suðri. Skotland er ríkt af menningu, sögu og náttúruperlum. Við munum upplifa allt frá fјallgörðum og fјörðum til blómlegra bæja og sveita. Við sjáum stærsta stöðuvatn Skotlands, Loch Lomond, eyðum heilum degi á ævintýralegu eyjunni Skye, stöldrum við hjá Ben Nevis fjallinu og heimsækjum Urqhart kastala. Við Loch Ness vatnið má svipast um eftir skrímsli áður en komið er til Inverness. Við munum verða vitni að stórskemmtilegri smalahundasýningu, heimsækja Dunrobin höllina og viskíbrugghús, þar sem viskíunnendur geta bragðað á framleiðslunni. Hinir snotru bæir Pitlochry og Perth verða á vegi okkar á leið til Edinborgar, en þar gefum við okkur góðan tíma til að skoða okkur um, enda gist 3 nætur í miðbæ þessarar heillandi heimsborgar. Í Edinborg munum við virða fyrir okkur höllina Holyrood House, Royal Mile, Princess Street og Edinborgarkastala, sem stendur á gríðarstórum kletti og gnæfir yfir borginni. Glasgow munum við kynnast i dagsferð til borgarinnar og heyra um þá þróun sem hefur orðið á henni undanfarin ár. Þessi stórskemmtilega ferð er því góð blanda af sveit og borg.

Verð á mann í tvíbýli 199.900 kr.

Aukagjald fyrir einbýli 47.700 kr.


Innifalið

  • 8 daga ferð
  • Flug með Icelandair og flugvallaskattar.
  • Gisting í 2ja manna herbergi með baði.
  • Morgun- og kvöldverður allan tímann á hótelum.
  • Ferja yfir til eyjarinnar Skye.
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Aðgangseyrir inn á söfn, í hallir, kastala og kirkjur.
  • Siglingar.
  • Vín- eða viskímökkun.
  • Hádegisverðir.
  • Þjórfé.

Valfrjálst

  • Dunvegan kastali ca. £12.
  • Urqhart kastali ca. £9.
  • Dunrobin höll ca. £11
  • Glenmoreange viskíbrugghúsið ca. £8.
  • Smalahundasýning ca. £15.

Kort af ferðinni

Ferðalýsing

Prenta ferðalýsingu

27. ágúst | Flug til Glasgow, Loch Lomond & Fort William

Brottför frá Keflavík kl. 7:35 með flugi Icelandair til Glasgow. Mæting í Leifsstöð amk 2 klst. fyrir brottför. Lending um kl.10:40 að staðartíma. Ekið verður til Loch Lomond, stærsta stöðuvatns Skotlands, en það er í grösugum dal með fjallið Ben Lomond í bakgrunni. Við munum staldra við í bænum Luss á bökkum vatnsins og halda svo áfram til Tarbet. Þó Tarbet sé vel inn í landi komu þangað víkingar árið 1263 dragandi á eftir sér heilt víkingaskip! Áfram höldum við um þann sögufræga dal Glen Coe til Fort William, þar sem gist verður fyrstu tvær næturnar.

28. ágúst | Sigling til eyjunnar Skye & víkingaslóðir

Í dag tökum við daginn snemma, því margt er að sjá. Að loknum morgunverði ökum við til bæjarins Mallaig og siglum til eyjarinnar Skye. Þó margar eyjar séu við Skotland er sagt að eyjan Skye sé þeirra allra fegurst. Nafnið Skye er dregið af orðinu ský og er upprunið hjá víkingunum. Landslagið er stórbrotið enda hafa hæðirnar Cuillin Hills verið kallaðar Alpar Bretlands. Víkingarnir héldu mikið til á eyjunni og bera mörg staðarheiti þess merki. Við stöldrum við í höfuðstaðnum Portree og heimsækjum víkingakastalann Dunvegan þar sem við fáum að heyra örlítið um dvöl víkinganna á þessu svæði. Eyjan er einnig þekkt fyrir fallegt handverk sem við fáum vonandi að kynnast. Þetta verður því spennandi dagur á þessari einstöku eyju. Síðla dags er komið aftur á hótel.

29. ágúst | Á skrímslaslóðum við Loch Ness & Inverness

Eftir morgunverð verður ekið um Fort William og staldrað við þekktan ferðamannastað í nágrenni við hæsta fjall Bretlands, Ben Nevis (1.343 m) sem er 10 km norðar. Þaðan verður haldið beinu brautina til Forth Augustus, Urqhart kastala og til Inverness sem af mörgum er talin fallegasta leiðin á Bretlandi. Ekið er meðfram vatninu Loch Ness, en þar heldur til eitt frægasta skrímsli veraldar, Nessie, sem talið er vera náskylt Lagarfljóts orminum víðfræga. Komið tiltölulega snemma til Inverness þar sem við munum gista tvær nætur.

Opna allt

30. ágúst | Skrúðgarður við höllina Dunrobin & viskíverksmiðjan Glen Ord Distillery

Í dag ökum við norður með stöndinni til Dunrobin hallar, en umhverfis hana er afar fallegur skrúðgarður þar sem finna má merkilegt fuglalíf. Að lokinni göngu um garðinn og skoðun um kastalann verður komið við í Glen Ord Distillery, í nágrenni Onverness, en þar gefst kostur á að kynnast afurð þessa brugghúss. 

31. ágúst | Smalahundasýning, Perth & Edinborg

Eftir morgunverð verður farið á einstaka smalahundasýningu í fjallendinu suður af Inverness. Eftir sýninguna höldum við til smábæjarins Pitlochry sem er aðallega þekktur fyrir fjölda viskíbrugghúsa. Áfram höldum við til Perth sem var höfuðborg Skotlands frá 11. öld til ársins 1437, en hér munum við dvelja nokkra stund áður en ekið verður áfram til Edinborgar. Síðustu þrjár nætur ferðarinnar munum við gista á hóteli í miðbæ þessarar fallegu borgar, rétt við helstu verslunargötuna.

1. september | Edinborg – Frjáls tími

Við hefjum daginn á skoðunarferð um fallegustu borg Skotlands, höfuðborgina Edinborg. Meðal þess sem við munum skoða eru höllin Holyrood House, Royal Mile og Edinborgarkastali, sem staðsettur er á gríðarstórum kletti sem gnæfir yfir borgina. Í eftirmiðdaginn gefst svo tími til að njóta borgarinnar á eigin vegum, en stemningin í þessari grænustu borg Stóra-Bretlands er eitthvað sem allir ættu að upplifa. Listinn yfir áhugaverða staði til að skoða er óendanlegur; hvort sem þú hefur áhuga á að arka um stræti borgarinnar, versla á Princess Street, kynnast Edinborgarkastala betur eða jafnvel fara á eitt hinna fjölmörgu safna borgarinnar.

2. september | Glasgow eða frjáls tími í Edinborg

Í dag gefst áhugasömum kostur á að fara til Glasgow, stærstu borgar Skotlands. Í þessari hafnarborg við ána Clyde voru áður stunduð mikil viðskipti á alþjóðavísu, útflutningur og skipasmíði. Mikil endurnýjun hefur átt sér stað í miðborginni undanfarin ár og er hér nú að finna mikið af glæsilegum verslunum, söfnum og görðum. Eftir skoðunarferð um borgina verður gefinn frjáls tími til að njóta borgarinnar á eigin vegum. Þeir sem það kjósa geta sleppt Glasgow ferðinni og notið dagsins í Edinborg. 

3. september | Heimferð

Eftir síðasta skoska morgunverðinn ökum við sem leið liggur til flugvallarins, en brottför er kl. 13:55 og lent verður í Keflavík kl. 15:15 að staðartíma.

Fararstjóri getur fært dagskrárliði á milli daga eftir þörfum þegar komið er á staðinn.

Myndir úr ferðinni

Fararstjórn

Árni Snæbjörnsson

Árni Snæbjörnsson er fæddur árið 1946 að Stað í Reykhólasveit og ólst þar upp. Hann er búfræðingur og búfræðikandídat (B.Sc) frá Hvanneyri og lauk framhaldsnámi (M.Phil) í landbúnaðargreinum frá Landbúnaðarháskólanum í Edinborg 1977.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 09:30-16:00

 

Tengdar ferðir