Páskaveisla í Vínarborg

13. – 20. apríl 2019 (8 dagar)

Þessi glæsilega páskaferð hefst í Passau, sem er við ármót Dónár, Inn og Ilz í Bæjaralandi en árnar þrjár setja einstakan svip á bæjarmyndina. Margir telja þetta eitt fegursta borgarstæði Evrópu. Þaðan verður ekið til höfuðborgar Austurríkis, Vínarborgar. Fagrar byggingar skreyta borgina og munum við skoða helstu staði hennar svo sem Schönbrun, eina íburðarmestu höll landsins, Hofburg hallarsvæðið, Stephansdom, Belvedere höllina og hið þekkta hús Hundertwasser. Upplagt er að skella sér á tónleika í eitthvert hinna glæsilegu tónleikahúsa borgarinnar. Eftir góða daga í Vínarborg verður ekið til München, höfuðstaðar Bæjaralands í Þýskalandi sem er einstaklega heillandi, lífleg og skemmtileg. Við munum kynnast sögu hennar og helstu sérkennum en borgin er hvað þekktust fyrir Frauenkirche, sem er falleg gotnesk dómkirkja í miðbæ München.

Verð á mann í tvíbýli 214.400 kr.

Aukagjald fyrir einbýli 35.600 kr.

 
Innifalið

  • 8 daga ferð.
  • Flug með Icelandair og flugvallarskattar.
  • Gisting í 2ja manna herbergi með baði.
  • Morgun- og kvöldverðir allan tímann á hótelum.
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Aðgangseyrir inn á söfn, í hallir og kirkjur.
  • Hádegisverðir.
  • Þjórfé.

Valfrjálst

  • Skoðunarferð um Schönbrunn höllina ca € 15.
  • Ferð með hestakerru um borgina ca € 55.

Kort af ferðinni

Ferðalýsing

Prenta ferðalýsingu

13. apríl | Flug til München & ekið til Passau

Brottför frá Keflavík kl. 7.20. Mæting í Leifsstöð í síðasta lagi 2 klst. fyrir brottför. Lending í München kl. 13.05 að staðartíma. Þaðan verður ekið til Passau, sem er við ármót Dónár, Inn og Ilz í Bæjaralandi. Árnar þrjár setja svo fallegan svip á borgina að margir telja þetta með fallegustu bæjarstæðum Evrópu. Hér verður gist í eina nótt á hóteli í miðbænum.

14. apríl | Passau & Vínarborg

Fram til hádegis gefst tími til að skoða sig um í Passau en þá kveðjum við borgina og ökum til Vínarborgar, þar sem gist verður í 4 nætur. Vín, sem er talin með glæsilegri borgum Evrópu, stendur á bökkum Dónár og nær yfir 415 ferkílómetra svæði.

15. apríl | Skoðunarferð um Vínarborg

Vín er mikil lista- og menningarborg með um 1,7 milljónir íbúa. Í dag verður farið í skoðunarferð með innlendum leiðsögumanni um þessa glæsilegu höfuðborg Austurríkis og skoðum við helstu byggingar, hallir og garða. Lítum inn í Stephansdom og förum að hinu þekkta húsi Hundertwasser. Einnig gefst frjáls tími til að njóta borgarinnar það sem eftir lifir dags.

Opna allt

16. apríl | Frjáls dagur í Vínarborg

Í dag verður frjáls dagur til að skoða sig um í borginni og er t.d. hægt að fara í ferð með hestakerru um borgina – sem mælt er með, fara á söfn, skoðunarferð um óperuhúsið eða fara inn í spænska reiðskólann á morgunæfingu. Einnig er upplagt að fá sér kaffi og Sacher tertu.

17. apríl | Skoðunarferð um Schönbrunn höllina

Eftir morgunverð verður farið að Schönbrunn höllinni, sem var byggð á árunum 1692 – 1780 sem sumarhöll Maríu Theresu keisaraynju og fjölskyldu hennar. Höllin, sem er með fallegustu síðbarokkhöllum Evrópu, var einnig notuð af öðrum Habsborgurum. Hægt verður að fara inn í höllina eða skoða lystigarðinn, njóta frábærs útsýnis yfir borgina frá Gloriette heiðursminnisvarða herliðs keisarans, kíkja á kaffihús eða í minjagripaverslanir á hallarsvæðinu. Eftir það gefst frjáls tími inni í borginni. 

18. apríl | Vínarborg & München

Nú er dvöl okkar í Vínarborg á enda eftir yndislega daga. Við ökum fallega leið til München, höfuðborgar Bæjaralands í Þýskalandi og gistum þar í 2 nætur. Ef við erum á góðum tíma inn í München er upplagt að byrja á því að fara inn á Marienplatz torgið og skoða ráðhús borgarinnar áður en ekið er á hótelið. 

19. apríl | Skoðunarferð um München

Eftir góðan morgunverð verður farið í skoðunarferð um borgina. Ekið verður um helstu staði hennar t.d. að ólympíusvæðinu sem var byggt fyrir Ólympíuleikana 1972, BMW byggingunni og safninu, Maximilianeum þinghúsinu og gamla og nýja Pinakothek listasafninu. Við förum að Wittelsbacher brunninum og á skemmtilega markaðinn Viktualienmarkt, sem er aðalmarkaður borgarinnar. Enn fremur förum við að Nympfenburg höllinni en hallargarðurinn er einn sá stærsti í Evrópu. Eftir skoðunarferð verður frjáls tími til að njóta borgarinnar.

20. apríl | Heimferð

Eftir góðan morgunverð á hótelinu verður farið út á flugvöll en brottför er kl. 14.05 og lending í Keflavík kl. 16.00 að staðartíma.

Fararstjóri getur fært dagskrárliði á milli daga eftir þörfum þegar komið er á staðinn.

Myndir úr ferðinni

Fararstjórn

Sigrún Valbergsdóttir

Sigrún Valbergsdóttir er fædd í Hafnarfirði og alin upp í Reykjavík. Sem barn dvaldi hún öll sumur í Svarfaðardal en á unglingsárunum rak móðir hennar sumarhótel í Grundarfirði og þar gekk hún um beina á daginn en upp til fjalla þegar kvöldaði. Sigrún hefur verið fararstjóri hjá Bændaferðum í aðventuferðum til Þýskalands og Austurríkis, einnig í Gardavatnsferðum og gönguferðum um Austurríki og Færeyjar. 

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00

 

Tengdar ferðir