Fegurð landsins fjalla

Það er ævintýri líkast að ferðast um Alpafjöllin í Sviss og Ítalíu og ekki síðra að dvelja við annað stærsta vatn Ítalíu, Lago Maggiore, sem er umvafið fjallafegurð. Við kynnumst sögu og litskrúðugu menningarlífi þessara landa sem hrífa með sér hvern þann sem þangað kemur. Við hefjum ferðina á Ítalíu í ljúfa bænum Stresa sem stendur við vatnið Lago Maggiore. Þaðan siglum við til Isola Bella, hjarta Borromee eyjanna, þar sem við sjáum glæsilega höll í fögrum lystigarði og við heimsækjum einnig eyjuna Isola dei Pescatori. Töfrandi fjallabærinn Sion bíður eftir okkur í Wallis, einni af kantónum Sviss. Á leiðinni stoppum við í bænum Täsch og förum í stutta lestarferð inn í hinn þekkta fjallabæ Zermatt við rætur fjallsins Matterhorn en þaðan er útsýnið yfir á Matterhorn hreint stórfenglegt. Við toppum þessa glæsilegu ferð með því að koma til bæjarins Chamonix sem stendur við rætur hæsta fjalls Vestur-Evrópu, Mont Blanc. Frá miðbæ Chamonix gengur kláfur upp í 3.842 m hæð á Aiguille du Midi og þaðan er stórkostlegt útsýni yfir á Mont Blanc og dalinn fyrir neðan. Endum ferðina í fallega bænum Montreux í Sviss sem var mikið aðdráttarafl rithöfunda, tónlistar- og annarra listamanna á 19. öld vegna einstaks ævintýraljóma sem bærinn var sveipaður. Allar götur síðan hefur hann dregið til sín hina ríku og frægu og er nú einn vinsælasti ferðamannabærinn við Genfarvatn. 

Verð á mann 266.600 kr.

Aukagjald fyrir einbýli 87.300 kr.

Athugið að ef til þess kemur að Bændaferðir þurfi að fella niður ferðina er hún endurgreidd að fullu.


Innifalið

  • 8 daga ferð.
  • Flug með Icelandair og flugvallarskattar.
  • Gisting í 2ja manna herbergi með baði.
  • Morgun- og kvöldverður allan tímann á hótelum.
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Aðgangseyrir inn í söfn, hallir og kirkjur.
  • Siglingar, vínsmökkun og kláfar.
  • Hádegisverðir.
  • Þjórfé.

Valfrjálst

  • Sigling út í Borromee eyjarnar og aðgangseyrir í garðinn og höllina ca € 32. 
  • Kláfur upp á Aiguille du Midi ca € 97.
  • Lestin frá Täsch til Zermatt ca CHF 18.

Kort af ferðinni

FerðalýsingPrenta ferðalýsingu

30. ágúst | Flug til Mílanó & Stresa við Lago Maggiore vatn

Brottför frá Keflavík kl. 14:00 og mæting í Leifsstöð u.þ.b. 2,5 klst. fyrir brottför. Lending í Mílanó kl. 20:15 að staðartíma. Þaðan verður ekið rakleitt til bæjarins Stresa við vatnið Lago Maggiore sem er umvafið fjallafegurð. Þetta er annað stærsta vatn Ítalíu en tæpur fimmtungur vatnsins tilheyrir Sviss. Frá 18. öld hefur fegurð og lega vatnsins dregið til sín baðgesti og ferðamenn hvaðanæva að úr heiminum. Þar verður gist í þrjár nætur á góðu hóteli í miðbæ Stresa sem býður upp á glæsilega aðstöðu, m.a. inni- og útisundlaug og fallegan garð með sólbekkjum, stólum og borðum. Við hótelið er einnig heilsulind með sánu og tyrknesku baði.

31. ágúst | Rólegheit í bænum Stresa & stutt rölt með fararstjóra

Eftir góðan morgunverð og rólegheit röltum við saman inn í Stresa og fararstjórinn sýnir okkur hvernig bærinn liggur og segir örlítið frá lífi bæjarbúa. Eftir það gefst frjáls tími til að kanna lífið við vatnið á eigin vegum, t.d. fara í skemmtilega gönguferð með fram vatninu þar sem fegurð fjallanna er engri lík. Einnig er hægt að nota glæsilega aðstöðu hótelsins og koma sér vel fyrir í fallega garðinum sem tilheyrir hótelinu.

1. september | Sigling til Isola Bella & Isola dei Pescatori

Töfrandi dagur sem byrjar á ljúfri siglingu yfir til Isola Bella sem er ein Borromee eyjanna. Fegurð hennar er ólýsanleg en hún ber nafn Isabellu eiginkonu Carlo III. Borromeo ættin byggði höll á eyjunni sem er þekkt fyrir að hafa verið gististaður Napóleons og eiginkonu hans, Jósefínu. Það er mjög skemmtilegt að skoða höllina, svo ekki sé talað um garðinn umhverfis hana, stórglæsilegur lystigarður á nokkrum hæðum. Eftir það verður siglt til eyjunnar Pescatori sem tilheyrir Borromee eyjunum en búseta hefur verið stöðug þar frá 14. öld. Mannlífið á eyjunni heillar þar sem tilvera eyjarskeggja byggist á fiskveiðum í Lago Maggiore vatni. Þar er upplagt að fá sér hádegishressingu áður en siglt verður til baka.

Opna allt

2. september | Fjallabærinn Zermatt & Matterhorn

Nú er komið að því að kveðja Stresa eftir yndislega daga og verður stefnan tekin á svissnesku Alpafjöllin yfir Simplon skarðið og til Sion. Ævintýrin gerast enn, en á leið okkar þangað verður komið til Täsch og þaðan verður farið í stutta lestarferð til bæjarins Zermatt. Leið lestarinnar liggur á milli þriggja hæstu fjalla Evrópu, Dom, Matterhorn og Monte Rosa. Útsýnið frá Zermatt yfir á Matterhorn fjallið er hreint stórfenglegt. Í bænum er engin bílaumferð og gömlum húsum hefur verið haldið mjög vel við en fjósin hafa vikið fyrir Rolex og Gucci verslunum. Við komum til með að eiga góðan tíma í þessum yndislega bæ. Síðan verður ekið til Sion þar sem gist verður í fjórar nætur á góðu hóteli í útjaðri borgar.

3. september | Töfrandi dagur í Sion & frjáls tími

Eftir góðan morgunverð verður ekið til miðaldabæjarins Sion sem er í suðvesturhluta Sviss í kantónunni Wallis, eins sólríkasta svæðis landsins. Bærinn og ekki síst staðsetning hans hrífur alla en hann byggðist upp á milli tveggja kletta. Á öðrum eru rústir Tourbillon kastalans en á hinum trónir Valere, gömul pílagrímskirkja sem skartar einu elsta orgeli heims. Í þessum yndislega miðaldabæ er að finna litlar, þröngar götur, glæstar byggingar og litskrúðugt mannlíf. Eftir stutta skoðunarferð gefst frjáls tími til að sýna sig og sjá aðra. Upplagt að fá sér dæmigerðan rétt fyrir þetta svæði, líkt og osta-fondú eða raclette. Þegar líða fer á daginn verður ekið til baka á hótelið þar sem hægt er að fara í göngu eða njóta náttúrufegurðar Alpafjallanna úr hótelgarðinum.

4. september | Chamonix, Mont Blanc & Sion

Einn hápunktur ferðarinnar er að koma til Chamonix sem stendur við rætur hæsta fjalls Vestur-Evrópu, Mont Blanc. Chamonix er bær fjalladýrkenda og þekktur skíðabær en fyrstu vetrarólympíuleikarnir voru haldnir hér árið 1924. Frá miðbænum gengur útsýniskláfur upp í 3.842 m hæð á Aiguille du Midi en þaðan er stórkostlegt útsýni yfir á Mont Blanc, Chamonix og dalinn fyrir neðan. Byrjað verður á því að taka kláfinn upp og njóta útsýnisins yfir Alpafjöllin. Eftir það gefst tími til að rölta um og njóta bæjarins áður en ekið verður á hótel.

5. september | Ljúfur dagur í Montreux við Genfarvatn í Sviss

Í dag liggur leið okkar til Montreux, en heimspekingurinn og rithöfundurinn Jean-Jacques Rousseau gerði bæinn og svæðið í kringum Montreux frægt á seinni hluta 18. aldar þegar hann notaði það sem sögusvið skáldsögu sinnar, La Nouvelle Héloise. Náttúrufegurðin lætur ekki á sér standa hér og lega bæjarins er einstök. Montreux stendur við undurfallega vík og að baki hans eru skógi vaxnar hæðir þar sem vínviðurinn teygir sig upp og minnir bærinn með öllum sínum trjám og gróðri einna helst á geysistóran blómvönd. Hér ætlum við að eiga góðan tíma, njóta náttúrufegurðarinnar, fá okkur hressingu og slaka á við Genfarvatnið.

6. september | Heimferð frá Mílanó

Þá er þessi glæsilega ferð á enda runnin og nú verður ekið til Mílanó. Við munum að sjálfsögðu stoppa á leiðinni og eiga saman góðar stundir þennan síðasta dag. Brottför frá Mílanó er kl. 21:15 og lending í Keflavík kl. 23:30 að staðartíma.

Fararstjóri getur fært dagskrárliði á milli daga eftir þörfum þegar komið er á staðinn.

Myndir úr ferðinni

Fararstjórn

Hólmfríður Bjarnadóttir

Hólmfríður Bjarnadóttir (Hófý) heiti ég og er fædd árið 1960 á Patreksfirði. Ég er móðir þriggja drengja og er búsett í Bæjaraskógi í Þýskalandi um þessar mundir með yngsta drenginn, Gabríel Daða. Eiginmaður minn er Norbert Birnböck sem er einn af bílstjórum Bændaferða.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00