Bilbao & Baskaland

9. - 16. september 2017 (8 dagar)

Í þessari glæsilegu ferð um Baskahéruð Spánar upplifum við í senn dásamlega náttúrufegurð, heillandi menningu og iðandi mannlíf.
 
Ferðin hefst í Madrid höfuðborg Spánar og munum við skoða markverðustu staði hennar, en borgina einkennir afar fallegur miðaldablær sem og iðandi mannlíf og menning. Við förum um Baskahéraðið á Norður-Spáni og njótum nærveru Cantabria fjalla á leið til Burgos, einnar mikilvægastu borgar á hinum þekkta Jakobsvegi, en þar hafa varðveist merk ummerki frá blómaskeiði borgarinnar. Í líflegu hafnarborginni Bilbao skoðum við hið fræga Guggenheimsafn og á för okkar með ströndinni til Santander, mætir okkur hrífandi fegurð. Farið verður til Comillas sem er litríkur sjávarbær og San Sebastian, þar sem við fetum í fótspor kvikmyndastjarna og virðum fyrir okkur perluhvítan sandinn við baðströndina Bahía de la Concha við Biscaya flóann. Á leiðinni til Madrid verður áð í miðaldabænum Covarrubias og þar gefst tækifæri til að skoða sögulegar minjar, borgarvirki og gömul bindingsverkshús frá 10. öld.

Verð á mann í tvíbýli 194.600 kr.

Aukagjald fyrir einbýli 54.400 kr.


Innifalið

  • 8 daga ferð.
  • Flug með Icelandair og flugvallaskattar.
  • Gisting í 2ja manna herbergi með baði.
  • Morgunverður
  • 5 kvöldverðir
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Kvöldverður í Madrid.
  • Aðgangseyrir inn í söfn, hallir og kirkjur.
  • Siglingar og ferjur.
  • Hádegisverðir.
  • Þjórfé.

Valfrjálst

  • Guggenheimsafnið ca. € 25.
  • Höllin Marqueser de Comillas ca € 5.

Kort af ferðinni

Ferðalýsing

Prenta ferðalýsingu

9. september | Flug til Madrid & gist þar

Brottför frá Keflavík kl. 16:15. Mæting í Leifsstöð í síðasta lagi 2 klst. fyrir brottför. Lending í Madrid kl. 22:20 að staðartíma. Í Madrid verður gist 2 nætur á hóteli í miðb

10. september | Skoðunarferð um Madrid

Madrid er höfuðborg Spánar og situr á miðjum Iberíuskaganum í 667 m hæð yfir  sjávarmáli. Borgina einkennir fallegur miðaldarblær og skreytt hús og byggingar frá Habsborgartímanum vekja verðskuldaða athygli. Við byrjum á að fara í skoðunarferð um áhugaverðustu staði borgarinnar en síðan gefst góður tími til að njóta þess sem borgin hefur upp á bjóða á eigin vegum. Listasöfn borgarinnar eru víðfræg, El Prado þar fremst í flokki. Einnig er gaman að virða fyrir sér glæsilegu konungshöllin El Palacio Real. Einstaklega gaman er að rölta um þessa líflegu borg og njóta spænskra veitinga á spennandi kaffihúsum, börum eða veitingahúsum. Kaupmennirnir láta heldur ekki sitt eftir liggja. Kvöldverður á eigin vegum.

11. september | Madrid, Burgos & Bilbao

Nú kveðjum við Madrid og höldum út á hásléttuna með fjallstindana við  sjóndeildarhringinn. Áð verður í miðaldaborginni Burgos í sjálfsstjórnarhéraðinu Castille – León. Þetta er ein af mikilvægustu borgunum á Jakobsveginum. Hér hafa varðveist merk ummerki frá blómaskeiði borgarinnar á miðöldum. Eitt af meistaraverkum gotneskrar byggingarlistar er dómkirkjan sem áhugavert er að skoða. Hér verður farið í stutta skoðunarferð og eftir það verður gefinn tími til að fá sér hressingu og kanna líf bæjarbúa. Ekið verður áfram til hafnarborgarinnar Bilbao í Baskahéraði þar sem gist verður í 5 nætur á góðu hóteli í miðbænum. 

Opna allt

12. september | Bilbao og Guggenheimsafnið

Bilbao er iðnaðarborg og ein helsta hafnarborg Spánar. Eitt frægasta kennileiti borgarinnar er hið fræga Guggenheim listasafn sem hannað var af Frank Ghery. Farið verður í fróðlega skoðunarferð, en söguleg arfleið og menning sést vel á arkitektúr og glæsilegum byggingum sem skreyta elsta hluta borgarinnar. Við endum skoðunarferðina á Guggenheimsafninu, en eftir það er tilvalið að endurnærast á einum af vínbörunum eða tapas veitingastöðunum, sem borgin er þekkt fyrir.

13. september | Frjáls dagur í Bilbao

Í dag tökum við það rólega í Bilbao. Upplagt er að skoða borgina betur á eigin vegum og njóta þess að hafa nægan tíma til að rölta um götur hennar, sýna sig og sjá aðra. Áhugasamir geta litið inn á kaupmenn og á eitthvert hinna fjölmörgu kaffi- og veitingahúsa.

14. september | Santander & Comillas

Heillandi náttúrufegurð mætir okkur í dagsferð meðfram Cantabria ströndinni til  Santander, sem er höfuðstaður héraðsins. Santander var á miðöldum mikilvæg hafnarborg, en er í dag vinsæll baðstrandarbær. Á 19. öld fór aðallinn og ríkar fjölskyldur frá Spáni að sækja hér til strandarinnar og ber hverfið El Sardinero þess merki. Lúxushótel, spilavíti og litlar sumarhallir setja mark sitt á umhverfið og sjálfur Spánarkonungurinn Alfons VIII byggði hér einnig. Sumarhöll hans reis á tanganum La Magdalena, en þar nú er starfræktur sumarháskólinn Ménéndes Palayo. Hafnarhverfið Barrio Pesquero á sér langa sögu og er skemmtilegt að koma þangað, jafnvel væri tilvalið að fá sér þar hádegisverð. Síðdegis verður ekið í litríkan og skemmtilegan bæ, Comillas, þar sem margt áhugavert er að skoða s.s. höllin Marqueser de Comillas en í garði hennar er fallegt lystihús eftir sjálfan Antoni Gaudí. Það hýsir nú einn þekktasta veitingastað bæjarins. 

15. september | Skoðunarferð til San Sebastian

Í ferð dagsins liggur leið okkar í hina áttina meðfram þessari fögru strönd til San Sebastian við Biscaya flóann. San Sebastian bærinn er svo sannarlega réttnefndur perla flóans, en baðströndin Bahía de la Concha hefur verið einn þekktasti ferðamannastaður Baska-héraðs allt frá 19. öld. Lögun strandarinnar minnir á skel og gerir bæjarstæðið undurfagurt. Við förum í skoðunarferð um elsta hluta borgarinnar þar sem við fetum í fótspor kvikmyndastjarna sem dvelja hér ár hvert meðan á kvikmyndahátíð stendur. Að lokinni skoðunarferðinni gefst tími til að njóta lífsins og skoða sig betur um í borginni.

16. september | Bilbao, Covarrubias, Madrid & Heimflug

Heimferðardaginn kveðjum við Baskahérað eftir yndislega daga og höldum til Madrid. Á leiðinni þangað verður áð í miðaldabænum Covarrubias í miðju Kastilia héraði. Þetta hérað var fyrrum greifadæmi og um tíma konungsríki. Covarrubias er yndislegur bær með gömlu borgarvirki, glæstum byggingum og gömulum bindisverkshúsum í gömlum Kastiliu stíl frá 10. öld. Hér er merkileg klausturkirkja sem er áhugavert að skoða en þar er grafreitur norsku prinsessunnar Kristínar Hákonardóttur, sem giftist Philip bróður Alfons X konungs. Sagan segir að hún hafi dáið af heimþrá einungis 28 ára gömul, en hún bjó síðustu ár sín í Sevilla. Heimflug er frá Madrid kl. 23:20 og lending í Keflavík kl. 01:40 að staðartíma þann 17. september.

Fararstjóri getur fært dagskrárliði á milli daga eftir þörfum þegar komið er á staðinn.

Myndir úr ferðinni

Madrid

Madrid

Madrid

Madrid

Bilbao

Bilbao

Verkið

Verkið "Puppy" eftir Jeff Koons, Bilbao

Lystihús eftir Gaudí, Comillas

Lystihús eftir Gaudí, Comillas

San Sebastian

San Sebastian

San Sebastian

San Sebastian

Bacalao, hefðbundinn spænskur matur

Bacalao, hefðbundinn spænskur matur

Madrid
Madrid
Bilbao
Verkið
Lystihús eftir Gaudí, Comillas
San Sebastian
San Sebastian
Bacalao, hefðbundinn spænskur matur

Fararstjórn

Aðalheiður Jónsdóttir

Aðalheiður, eða Alla eins og hún er alltaf kölluð, hefur verið fararstjóri á Costa del Sol, Mallorca, Kanaríeyjum, í Portúgal og Brussel, auk þess sem hún hefur verið leiðsögumaður innanlands fyrir smærri hópa. Eftir stúdentspróf frá Menntaskólanum í Reykjavík lá leið hennar til Spánar þar sem hún nam spænska sögu og menningu við Háskólann í Granada.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 09:30-16:00

 

Tengdar ferðir