Leyndar perlur Austur-Þýskalands

11. – 18. ágúst 2018 (8 dagar)

Á slóðum hins fyrrverandi Austur-Þýskalands er sagan okkur svo nálæg, en þó óþekkt. Þessa sögu þekkir okkar fararstjóri Kristín vel og upplifði á eigin skinni, eins og fram kemur í nýrri bók hennar. Í ferðinni upplifum við hinar sögulegu perlur, Dresden og Leipzig, sem eftir fall múrsins hafa loks aftur náð fyrri dýrð. Við heimsækjum þjóðgarðinn Sächsische Schweiz og lítum þar mikilfenglegt landslag sorfinna kletta, ásamt huggulegum þorpum og fornum kastölum. Við líðum á pramma eftir síkjum hins græna skógarsvæðis Spreewald, sem stundum hefur verið kallað bakgarður Berlínar. Ferðinni líkur svo í heimsborginni Berlín þar sem menning og listir blómstra sem aldrei fyrr.

Verð á mann í tvíbýli 182.800 kr.

Aukagjald fyrir einbýli 19.600 kr.


Innifalið

  • 8 daga ferð.
  • Flug með Icelandair og flugvallarskattar.
  • Gisting í 2ja manna herbergi með baði.
  • Allar skoðunarferðir með rútu samkvæmt ferðalýsingu.
  • Morgun- og kvöldverður allan tímann á hótelum.
  • Íslensk fararstjórn.

Ekki innifalið

  • Aðgangseyrir inn í söfn, hallir og kirkjur.
  • Siglingar og vínsmökkun.
  • Hádegisverðir.
  • Kvöldverðir fyrsta og síðasta kvöldið.
  • Þjórfé.

Valfrjálst

  • Sigling á Saxelfi ca. € 15 og í Spreewald ca. € 12.

Kort af ferðinni

Ferðalýsing

Prenta ferðalýsingu

11. ágúst | Flug til Berlínar & ekið til Leipzig

Brottför frá Keflavík kl. 7:40. Mæting í Leifsstöð í síðasta lagi 2 klst. fyrir brottför. Lending í Berlín kl. 13:05 að staðartíma. Frá Berlín verður ekið til Leipzig og gist þar 4 nætur á góðu hóteli miðsvæðis.

12. ágúst | Leipzig skoðuð

Stórskáld Þjóðverja, Johann Wolfgang von Goethe, kallaði Leipzig sína litlu París. Miðbærinn er einstaklega heillandi og í skoðunarferð verður farið um alla helstu sögustaði borgarinnar. Við skoðum m.a. Tómasarkirkjuna, þar sem Johann Sebastian Bach var lengst af organisti og tónlistarstjóri og lítum á mikilfenglega minnisvarðan  Völkerschlachtdenkmal um bardagann mikla milli hers Napóleons annars vegar og Rússa og Prússlands hins vegar. Nikolai kirkjan, sem var miðstöð andstöðuhreyfingarinnar, verður heimsótt, en þar er áhugavert að skoða ýmsa muni sem minna á dagana fyrir fall múrsins. 

13. ágúst | Þjóðgarðurinn Sächsische Schweiz

Sächsische Schweiz þjóðgarðurinn státar af einstöku landsvæði sorfinna kletta meðfram ánni Elbe eða Saxelfur. Stefnt er í siglingu eftir fjótinu í þessu undurfagra landslagi. Á leið okkar ber fyrir augu hina undurfögru sandsteinakletta, hugguleg þorp og hallir allt frá frá miðöldum. Skoða verður Königstein-virkið,  ótrúlegt mannvirki, sem gnæfir yfir Saxelfurdalnum þaðan er útsýni í allar áttir svo langt sem augað eygir. Landslagið í Sächsische Schweiz hefur í gegnum aldirnar heillað landslagsmálara, en það eru margir sem telja þetta svæði til fallegustu staða á jörðinni.

Opna allt

14. ágúst | Dagsferð til Dresden

Dresden var allt að því þurrkuð út í sprengjuárásum í lok seinni heimstyrjaldarinnar, en hægt og rólega hefur tekist að endurbyggja borgina upp í sína upprunalegu mynd. Miklum menningarverðmætum hafði verið komið í skjól áður en allt var sprengt í loft upp og er Dresden þekkt fyrir stórkostleg listasöfn, hallir og hið fræga óperuhús Semper. Við skoðum markverðustu byggingarnar og listaverk í skoðunarferð um borgina, en síðan gefst frjáls tími til að kanna umhverfið og njóta lífsins. 

15. ágúst | Spreewald og Berlín

Eftir morgunverð kveðjum við Leipzig og höldum til Berlínar. Rétt utan við borgina er náttúruverndarsvæðið Spreewald. Þetta friðsæla svæði er þakið grænum skógi og engjum sem skerast af fjölmörgum áveituskurðum. Til að upplifa svæðið eins náið og hægt er, er tilvalið að fara í prammasiglingu á síkjunum frá bænum Lübbenau. Í Berlín gistum við 3 nætur á hóteli við Alexanderplatz, sem fyrir ekki alls löngu var miðbær Austur-Berlínar. 

16. ágúst | Berlín

Hin sögufræga höfuðborg Berlín hefur verið aðsetur þjóðhöfðingja allt frá því hún var stofnuð á 13. öld og er í dag stærsta borg Þýskalands. Á ferð okkar um borgina munum við líta nokkur kennileiti með sterka tilvísun í umhleypingasama sögu borgarinnar á síðustu öld, eins og leifar af Berlínarmúrnum, minnismerki um helförina og Brandenborgarhliðið. Arkitektúr borgarinnar er mjög áhugaverður, bæði fornar byggingar og nýjar, eins og t.d. þinghúsið Reichstag og tónlistarhúsið Berliner Philharmonie.

17. ágúst | Frjáls dagur í Berlín

Þennan dag gefst hverjum og einum tími til að kanna borgina nánar á eigin vegum, mögulega skoða nánar eitthvað sem bar fyrir augu í skoðunarferð gærdagsins, en einnig er upplagt að rölta um borgina, fara á söfn, setjast inn á kaffihús og skoða mannlífið. Borgin er kraumandi suðupottur fjölmargra menningarheima, enda menning og listir í hávegum hafðar. Þetta endurspeglast í listalífi borgarinnar og safnaflóru.

18. ágúst | Heimferð

Þá er komið að lokum þessarar frábæru ferðar. Eftir morgunverð verður haldið út á flugvöll, en brottför er kl. 14:05 og áætluð lending í Keflavík kl. 15:40 að staðartíma. 

Fararstjóri getur fært dagskrárliði á milli daga eftir þörfum meðan á ferðinni stendur.

Myndir úr ferðinni

Fararstjórn

Kristín Jóhannsdóttir

Kristín Jóhannsdóttir er fædd árið 1960 og uppalin í Vestmannaeyjum.  Eftir stúdentspróf frá MH lá leiðin til Noregs, en Kristín bjó í Osló og vann á skrifstofu Flugleiða í tvö ár. Eftir það fluttist hún til Þýskalands, en hún hefur búið bæði í austur og vesturhlutanum þ.e. Freiburg, Berlín, Leipzig og Frankfurt í 20 ár. Kristín stundaði nám í Freiburg, Berlín og Leipzig og lauk Magisterprófi í bókmenntum og sagnfræði árið 1991 frá Frei Universität í Berlín.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 09:30-16:00

 

Tengdar ferðir