Tindrandi Tíról

26. september - 1. október 2017 (6 dagar)

Tíról í Austurríki er heill ævintýraheimur út af fyrir sig. Fegurð Alpafjallanna umlykur okkur og náttúran skartar sínu fegursta á þessum árstíma. Eftir flug til München byrjum við á því að fá okkur hressingu í miðbæ München. Þaðan verður ekið til Seefeld í Tíról sem er í um 1.180 m hæð, umvafinn Wetterstein-, Mieminger- og Karwendel fjöllunum og er með þekktustu ferðamannabæjum Tíról.
 
Þar gistum við í 5 nætur og þaðan verður farið í skemmtilegar skoðunarferðir, m.a. til Innsbruck sem er höfuðstaður Tíról, með einkar heillandi miðaldamiðbæ. Við heimsækjum Swarovski kristalverksmiðjuna í Wattens, ökum fallega leið yfir Brennerskarðið til Brixen í Suður-Tíról á Ítalíu og heimsækjum vínbónda í Isarco dalnum. Einnig verður komið til Garmisch Partenkirchen í Þýskalandi og förum við með kláfi upp á hæsta fjall Þýskalands, Zugspitze, en þaðan er stórglæsilegt útsýni yfir Alpana. Á leiðinni þaðan verður komið við í bænum Mittenwald, sem á sér engan líka, með litlum myndskreyttum húsum, bæjarlæk og skemmtilegum verslunum.

Verð á mann í tvíbýli 149.900 kr.

Aukagjald fyrir einbýli 23.800 kr.


Innifalið

  • 6 daga ferð.
  • Flug með Icelandair og flugvallarskattar.
  • Gisting í 2ja manna herbergi með baði.
  • Töskuburður á hóteli við komu og brottför.
  • Morgun- og kvöldverður allan tímann á hóteli.
  • Drykkir með kvöldverði á meðan á borðhaldi stendur.
  • Skemmtikvöld með tónlist og dansi.
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Aðgangseyrir inn á söfn, í hallir og kirkjur.
  • Kláfar eða stólalyftur upp á fjöll.
  • Siglingar og vínsmökkun.
  • Hádegisverðir.
  • Þjórfé.

Valfrjálst

  • Lest og kláfur upp á Zugspitze (2.963 m) ca. € 53.
  • Vínsmökkun ca. € 12.
  • Aðgangur í Swarovski safnið ca. € 13.
  • Aðgangur í fiðlusafnið í Mittenwald ca. € 5.

Kort af ferðinni

Ferðalýsing

Prenta ferðalýsingu

26. september | Flug til München & Seefeld í Tíról

Brottför frá Keflavík kl. 7:20. Mæting í Leifsstöð um 2 klst. fyrir brottför. Lending í München kl. 13:05 að staðartíma. Við byrjum á því að aka inn í München, fá okkur hressingu og skoða mannlíf borgarbúa. Þaðan verður ekið til Tíról í Austurríki eða nánar tiltekið til Seefeld. Bærinn stendur í 1.180 m hæð, inn á milli fjallanna, þar sem gist verður í 5 nætur á góðu hóteli í miðbænum.

27. september | Dagur í Innsbruck & Swarovski safnið

Í dag verður byrjað á því að aka til Innsbruck, sem er höfuðstaður Tíról, umvafinn fjöllum og fegurð, jafnt sumar sem vetur. Miðaldahluti borgarinnar er sérstaklega heillandi, en Innsbruck var ein af borgum Habsborgaranna. Ætt Habsborgara var ein mikilvægasta konungsætt Evrópu og var blómatími borgarinnar á 15. öld undir stjórn Maximilian I af Habsborg. Hann lét byggja húsið með gullþakinu sem stendur við eitt fallegasta torg í Tíról og vekur jafnan mikla athygli. Borgin var á þeim tíma ein af menningar- og listaborgum landsins. Hér höldum við í stutta skoðunarferð, en eftir hana verður hægt að kanna borgina á eigin vegum, líta inn til kaupmanna í Maria Theresien Straße eða setjast inn á kaffihús. Eftir skemmtilega skoðunarferð og frjálsan tíma í borginni verður ekið til Wattens, en þar eru Swarovski verksmiðjurnar staðsettar og safnið sem sett var upp á 100 ára afmæli þeirra og auðvitað verður gefinn tími til að skoða verslun staðarins.

28. september | Dagur í Brixen

Á dagskrá okkar í dag er Brixen í Suður-Tíról á Ítalíu. Farið verður í skemmtilega gönguferð um elsta hluta borgarinnar, höfuðstaðar Eisackdalsins sem liggur við rætur fjallsins Plose. Í þessum 20.000 manna, fallega bæ eru gamlar götur, brýr, kirkjur og söfn. Þar mætast árnar tvær Isarco og Rienza og þetta allt, ásamt vínekrum og aldingörðum gerir Brixen að einstaklega heillandi áfangastað. Góður tími gefst til að fá sér hressingu og kanna líf borgarbúa. Á leiðinni til baka förum við í skemmtilega vínsmökkun í Irsaco dalnum. Við höldum yfir Brennerskarðið á bakaleiðinni, en sú leið er bæði stórbrotin og undurfalleg. 

Opna allt

29. september | Frjáls dagur í Seefeld & Rosshütte fjallið

Tökum daginn rólega, byrjum á góðum morgunverði og förum síðan í stutta skoðunarferð um Seefeld sem er með eftirsóttustu ferðamannabæjum Tíról. Bærinn er umkringdur fjöllum, en hér áður var þetta mikið vatnasvæði og ber nafn bæjarins það með sér. Eftir stutta göngu með farastjóranum gefst frjáls tími það sem eftir er dags. Hér er margt hægt að gera, t.d. fara með hestvagni um bæinn, ganga hringinn í kringum vatnið eftir þægilegri gönguleið og svo er hægt að fara upp á Rosshütte fjallið með kláfi sem fer upp í 1.784 m hæð. Þar er gott veitingahús og upplagt að fá sér kaffi og tertusneið. Deginum lýkur með hátíðarkvöldverði og skemmtikvöldi á hótelinu, tónlist og dans.

30. september | Garmisch Partenkirchen & Zugspitze

Í dag förum við í skoðunarferð til Garmisch Patenkirchen í Þýskalandi og þar förum við með lest og kláfi upp á hæsta fjall Þýskalands, Zugspitze í 2.963 m hæð. Þaðan er stórkostlegt útsýni yfir þýsku og austurrísku Alpana. Á leiðinni heim verður komið við í bænum Mittenwald, sem á sér engan líka, með litlu myndskreyttu húsunum, bæjarlæk og skemmtilegum verslunum. Bærinn er frægur fyrir smíði strengja- og plokkhljóðfæra, s.s. fiðlu og gítar og stendur minnisvarði af Matthias Klotz upphafsmanni fiðlusmíði í Mittenwald fyrir utan fiðlusafn bæjarins. 

1. október | Heimferð frá München

Eftir indæla og skemmtilega ferð verður ekið til München. Brottför þaðan kl. 14:05 og lending í Keflavík kl. 16:00 að staðartíma.


Fararstjóri getur fært dagskrárliði á milli daga eftir þörfum þegar komið er á staðinn.

Myndir úr ferðinni

Seefeld

Seefeld

Seefeld

Seefeld

Innsbruck

Innsbruck

Innsbruck

Innsbruck

Brixen

Brixen

Kláfur upp í Zugspitze

Kláfur upp í Zugspitze

München

München

Seefeld
Seefeld
Innsbruck
Innsbruck
Brixen
Kláfur upp í Zugspitze
München

Fararstjórn

Inga Ragnarsdóttir

Inga hefur starfað fyrir Ferðaþjónustu bænda - Bændaferðir frá árinu 2004. Síðan þá hefur hún farið í fjölda ferða um mið-Evrópu og til Egyptalands. Hún hefur sérhæft sig í Asíu og ferðast um lönd eins og  Indland, Nepal, Tíbet. Víetnam, Cambódíu, Búrma og Japan. Til Kína hefur hún heimsótt á hverju ári, stundum oftar en einu sinni,  í yfir 10 ár og segir töfra Kína vaxa eftir því sem maður kynnist landinu nánar og býr hún yfir mikilli þekkingu um land og þjóð enda hefur Kína heillað hana frá því á unglingsárunum.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 09:30-16:00

 

Tengdar ferðir