Namibía - land hinna huguðu

Komdu með í ævintýraför um Namibíu sem er sagt vera eitt öruggasta land Afríku. Þar kynnumst við hrjóstrugum og heillandi heimi eyðimerkursandanna og öðlumst innsýn í sögu, menningu og dýralíf þessa sérstæða lands. Í strjálbýlu landinu sem nær yfir rúmlega 800.000 km2 er að finna fjölskrúðuga menningu en þar búa ólíkir ættbálkar hver með sína siði og hefðir.

Við hefjum ferðina í höfuðborginni Windhoek, þaðan sem haldið verður til Otjiwarongo, friðsæls og fallegs bæjar í Otjozondjupa héraði. Þá liggur leið okkar í Etosha þjóðgarðinn með sínu fjölskrúðuga dýralífi en þar má m.a. sjá fíla, nashyrninga, ljón og gíraffa. Það er engu líkt að sitja í ljósaskiptunum við vatnsbólið og sjá dýrin safnast saman við lindina og drekka. Þá stendur tíminn kyrr. Við heimsækjum töfrastaðinn Twyfelfontein í Damaralandi og skoðum ævafornar hellaristur Búskmanna, steingervingaskóg sem á engan sinn líka og lifandi safn Damaraættbálksins þar sem við kynnumst menningu og fornum lifnaðarháttum þessarar þjóðar. Við förum í strandbæinn Swakopmund sem stendur við Suður-Atlandshafið og er umkringdur Namib eyðimörkinni úr þremur áttum. Bærinn sem var byggður undir lok 19. aldar, þegar Namibía var þýsk nýlenda, er sagður þýskari en sjálft Þýskaland. Þar fá ferðalangar innsýn inn í ótrúlegt lífríki eyðimerkurinnar sem nærist á hafþoku sem leggst yfir á nokkurra daga fresti. Ökum til Sossusvlei í miðri Namib eyðimörkinni þar sem rauðar sandöldur teygja sig eins langt og augað eygir. Namibía býr yfir stórkostlegri náttúru, dásamlegri villibráð og dramatískri sögu regnbogaþjóðar. Þaðan fer enginn ósnortinn.

Verð á mann 677.700 kr.

Aukagjald fyrir einbýli 106.600 kr.


Innifalið

  • Áætlunarflug með Icelandair: Keflavík – Frankfurt – Keflavík. 
  • Áætlunarflug með Air Namibia: Frankfurt – Windhoek – Frankfurt.
  • Flugvallarskattar fyrir alla ferðina.
  • Akstur til og frá flugvelli í Windhoek.
  • Allar rútuferðir samkvæmt ferðalýsingu í loftkældri rútu. 
  • Skoðunarferðir og aðgangseyrir samkvæmt ferðalýsingu.
  • Tvær jeppasafaríferðir í Etosha þjóðgarðinum.
  • Gisting í 12 nætur í tveggja manna herbergjum á góðum milliklassa hótelum, samkvæmt landsmælikvarða.
  • Máltíðir samkvæmt ferðalýsingu. 
  • Enskumælandi staðarleiðsögn.
  • Töskuburður á hótelum.
  • Íslensk fararstjórn.
  • Undirbúningsfundur með fararstjóra fyrir ferð. 

Ekki innifalið

  • Þjórfé fyrir erlendan staðarleiðsögumann og rútubílstjóra.
  • Aðrar máltíðir en þær sem taldar eru upp í ferðalýsingu.
  • Forfalla- og ferðatryggingar.

Kort af ferðinni

FerðalýsingPrenta ferðalýsingu

7. nóvember | Flug til Frankfurt

Brottför frá Keflavík kl. 7:25 og lending í Frankfurt kl. 12:05 að staðartíma. Þaðan verður flogið með flugfélaginu Southwest Airlines til Windhoek í Namibíu. Brottför frá Frankfurt er kl. 20:10 og lending í Windhoek er kl. 6:30 að staðartíma árla dags þann 8. nóvember. Næturflugið tekur ca 10 klst.

8. nóvember | Komið til Windhoek

Við lendum á Windhoek Hosea Kutako flugvelli kl. 6.30. Að loknu hefðbundnu eftirliti á flugvellinum er haldið á hótel í borginni. Snæðum morgunverð við komuna þangað og hvílum okkur eftir langt ferðalag. Eftir hádegi verður farið í skoðunarferð um Windhoek, höfuðborg Namibíu, sem liggur í 1700 m hæð yfir sjávarmáli. Íbúum hefur fjölgað jafnt og þétt vegna stöðugs flutnings fólks frá hinum ýmsu héruðum landsins og er fjöldi þeirra ríflega 320 þúsund. Eftir skoðunarferð getum við slakað á við sundlaugina eða rölt um og skoðað nánasta umhverfið.

Gisting 1 nótt. 

  • Morgunverður
  • Kvöldverður

9. nóvember | Windhoek – Otjiwarongo

Við kveðjum höfuðborgina að loknum morgunverði og stefnum í átt að Otjiwarongo, snotrum litlum bæ, en á leiðinni þangað heimsækjum við tréskurðarmarkaðinn Okahandja Mbangura Woodcarvers Craft Market. Frjáls tími það sem eftir er dags og upplagt að slaka á við sundlaugina á hótelinu.

  • Morgunverður
Opna allt

10. nóvember | Frjáls dagur

Otjiwarongo er sá bær sem vex einna hraðast í landinu. Þjónustustig hans er talið mjög gott og þykir hann einkar snyrtilegur og umhverfi hans friðsælt. Sumir þekktustu safarígarða Namibíu eru staðsettir í eða við Otjiwarongo. Í dag væri hægt að heimsækja krókódílabúgarð í nágrenninu eða garð sem rekur verndarsjóð fyrir blettatígra. En einnig er hægt að taka daginn rólega á hótelinu.

  • Morgunverður

11. nóvember | Etosha þjóðgarðurinn

Í dag höldum við í hinn einstaka þjóðgarð Etosha, þar sem dýr merkurinnar hafa þraukað öldum saman, lært á duttlunga náttúrunnar, veður og vinda. Etosha þjóðgarðurinn er vin í eyðimörk, fyrst og fremst vegna vatnsbóla sem sjaldan eða aldrei þorna, en þangað leita dýrin í brennandi hita bæði til að kæla sig og líka til að svala þorsta. Hundruð ólíkra tegunda spendýra standa hlið við hlið í sömu erindum. Farið verður í safaríferð seinni part dags en hér nýtum við tímann vel til að skoða þjóðgarðinn nánar. Hér fer saman merkileg jarðfræði, ótrúleg náttúruundur og einstakt dýralíf en Etosha þjóðgarðurinn er einn merkilegasti þjóðgarður í sunnanverðri Afríku. Hér finnast m.a. ljón, fílar, nashyrningar, sebrahestar, gíraffar, antilópur, blettatígrar auk um 340 tegunda fugla.

Gistum hér 2 nætur.

  • Morgunverður
  • Hádegisverður
  • Kvöldverður

12. nóvember | Etosha þjóðgarðurinn

Farið verður í safaríferð snemma morguns til þess að ná dýrunum á ferðinni áður en þau láta undan sólarhitanum og skríða í skugga. Eftir hádegi er hægt að fara í aðra safaríferð á eigin vegum ef þess er óskað. Í miðjum þjóðgarðinum er svæði kallað Etosha Pan sem er sérstakur staður sem minnir í raun um margt á pönnu, því botn þessa láglendis er svo þurr eða nánast skrælnaður. Samt finnast hér dýr sem einhvern veginn draga fram lífið og hafa aðlagast þessum sérstöku aðstæðum. Stöku skugga á hreyfingu bregður fyrir sjónir, þar er dýr á ferð í fjarska.

  • Morgunverður
  • Hádegisverðarpakki

13. nóvember | Damaraland

Að loknum morgunverði höldum við til Damaralands en nafn þess er dregið af ættbálknum Damara sem hér bjó. Ferðin þangað tekur um 4 klst. Við hverfum aftur í tímann þegar við skoðum fornar steinristur og lærum heilmikið um það mannlíf sem eitt sinn þreifst á þessum stað. Hér gefst tækifæri til að sjá og upplifa hefðbundið líf Damaraættbálksins og menningu þeirra á lifandi safni, en þetta er einstakt í allri Namibíu. Fyrir utan merkar fornminjar er landslagið hér sérstakt og dýralífið áhugavert en fílar eru algengir á þessum slóðum svo og nashyrningar og auðvitað ýmsar smærri dýrategundir. Að lokinni einkar áhugaverðri skoðunarferð ökum við á náttstað í Twyfelfontein sem þekktur er fyrir afar merkar steinaristur, listaverk sem San ættbálkurinn gerði fyrr á öldum. Svæðið allt er þeim heilagt.

Gistum hér 1 nótt.

  • Morgunverður
  • Kvöldverður

14. nóvember | Swakopmund

Eftir morgunverð verður ekið á næsta áfangastað, til hafnarbæjarins Swakopmund. Áður en komið er á hótel er ekið um bæinn sem skartar allmerkilegum byggingum, sumar hverjar aldargamlar. Þjóðverjar eiga „heiðurinn“ af uppbyggingu á þessum stað en þeir voru athafnasamir seint á 19. öld á þessum slóðum. Bærinn varð til árið 1896 og bjuggu þýskir innflytjendur hér nokkuð fjölmennir lengi vel. Þess vegna heyrist þýska enn á stræti og torgum. Við innritum okkur inn á hótelið okkar og þeir sem hug hafa á skoðunarferðum heimamanna ættu að grípa tækifærið það sem eftir lifir dags og finna eitthvað spennandi til að skoða af landi, hafi eða úr lofti. Gistum hér í 2 nætur.

  • Morgunverður
  • Hádegisverður
  • Kvöldverður

15. nóvember | Frjáls dagur

Nafnið Swakopmund er dregið úr máli innfæddra. Xwaka merkir flóðhestur og op er á. Í dag gefst tækifæri til að skoða staðinn og allt það sem hann hefur upp á að bjóða. Þeir sem bókuðu skoðunarferð drífa sig af stað, aðrir sem ekkert sérstakt hafa í huga geta gengið eftir ströndinni, skoðað byggðarsafn eða sædýrasafn, litið við á einhverju hinna fjölmörgu kaffihúsa og kíkt á kaupmenn.

  • Morgunmatur
  • Kvöldverður

16. nóvember | Sossusvlei Lodge

Við kveðjum Swakopmund árla dags eftir morgunverð og höldum til Sossusvlei. Ekið verður í gegnum Walvis Bay, lítinn og fallegan bæ við hafið með rúmlega 60 þúsund íbúa. Þar má sjá ýmsar fuglategundir, s.s. flamingóa og pelíkana, selir skjóta upp kollinum úr sjónum og hnísur stökkva í öldurnar. Svæðið er einhvers konar vin milli eyðimerkur og sjávar. Keyrum á náttstað í Sossusvlei en þegar húmar að kvöldi lýsa gullnir sólargeislar himininn og rökkur læðist yfir eyðimörkina allt um kring.

Gisting 2 nætur.

  • Morgunmatur
  • Hádegismatur
  • Kvöldverður

17. nóvember | Sossusvlei Lodge – Deadvlei sandöldurnar

Við erum árla á fótum þennan morgun, komin á ról fyrir dögun því hugmyndin er að fara út í eyðimörkina til að upplifa fyrstu sólargeislana leika um sandöldurnar. Sjónarspil gullins sands og dökkra skugga morgunsins er engu líkt. Léttur göngutúr upp á eina ölduna til að upplifa þessa einstöku dagrenningu, rölta svo áfram að Deadvlei sem er þurr og litlaus tjarnarbotn á þessum árstíma. Misþykkir trjástofnar standa upp úr sprungnum leirbotninum, hér finnst ekkert líf en myndefnið er dæmalaust. Allt um kring blasa við gullnar sandöldur, baðaðar í morgunsólinni. Við fáum hressingu, nokkurs konar miðmorgunmat, eftir þessa mögnuðu upplifun. Áfram heldur för og við komum til Sesriem Canyon, gljúfri sem geymir vatnsból, einn fárra staða í eyðimörkinni. Ekki útilokað að hér sé eitthvað dýralíf. Það er nokkuð liðið dags þegar við snúum til baka á náttstað eftir ævintýralegan dag.

  • Morgunmatur
  • Kvöldmatur

18. nóvember | Intu Afrika Game Reserve

Eftir morgunverð höldum við að síðasta áfangastaðar þessarar ferðar. Síðustu tvær næturnar gistum við á hóteli sem er staðsett innan um sandöldur á Intu Afrika Game Reserve svæðinu, í um 30 km fjarlægð frá þorpinu Hoachanas eða réttara sagt ǃHoaxaǃnâs. Við dveljum hér síðustu dagana okkar en hér er hægt að bóka safaríferðir við sólarupprás eða sólarlag, liggja við sundlaugarbakkann, fara í nudd og slaka á áður en haldið er aftur heim.

  • Morgunmatur
  • Kvöldverður

19. nóvember | Frjáls dagur

Það styttist í ferðalok og því verður ljúft að geta tekið því rólega en ferðalangar geta ráðstafað þessum lokadegi að vild.

  • Morgunmatur

20. nóvember | Heimferð

Eftir morgunverð verður haldið á flugvöllinn í Windhoek. Snæðum snemmbúinn kvöldverð á leið okkar á flugvöllinn. Brottför með Southwest Airlines kl. 21:35 og lendum í Frankfurt kl. 07:55 að staðartíma næsta dag þann 21. nóvember.

  • Morgunmatur

21. nóvember | Frankfurt & flug heim

Lent í Frankfurt kl. 07:55 um morguninn. Flogið áfram heim kl. 13:05 að staðartíma og áætluð lending í Keflavík kl. 15:45.

Fararstjóri getur fært dagskrárliði á milli daga eftir þörfum þegar komið er á staðinn.

Myndir úr ferðinni

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Reynir Gísli Hjaltason

Mynd úr ljósmyndasamkeppni Bændaferða 2019 - Namibía - Ljósm. Reynir Gísli Hjaltason

Mynd úr ljósmyndasamkeppni Bændaferða 2019 - Namibía - Ljósm. Reynir Gísli Hjaltason

Mynd úr ljósmyndasamkeppni Bændaferða 2019 - Namibía - Ljósm. Reynir Gísli Hjaltason

Mynd úr ljósmyndasamkeppni Bændaferða 2019 - Namibía - Ljósm. Reynir Gísli Hjaltason

Mynd úr ljósmyndasamkeppni Bændaferða 2019 - Namibía - Ljósm. Reynir Gísli Hjaltason

Mynd úr ljósmyndasamkeppni Bændaferða 2019 - Namibía - Ljósm. Reynir Gísli Hjaltason

Mynd úr ljósmyndasamkeppni Bændaferða 2019 - Namibía - Ljósm. Reynir Gísli Hjaltason

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson

Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson
Mynd úr ljósmyndasamkeppni Bændaferða 2019 - Namibía - Ljósm. Reynir Gísli Hjaltason
Mynd úr ljósmyndasamkeppni Bændaferða 2019 - Namibía - Ljósm. Reynir Gísli Hjaltason
Mynd úr ljósmyndasamkeppni Bændaferða 2019 - Namibía - Ljósm. Reynir Gísli Hjaltason
Mynd úr ljósmyndasamkeppni Bændaferða 2019 - Namibía - Ljósm. Reynir Gísli Hjaltason
Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson
Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson
Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson
Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson
Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson
Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson
Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson
Mynd úr ljósmyndasamkeppni Bændaferða 2019 - Namibía - Ljósm. Sveinn Óli Eggertsson
Mynd úr ljósmyndasamkeppni Bændaferða 2019 - Namibía - Ljósm. Jón Bjarnason
Mynd úr ljósmyndasamkeppni Bændaferða 2019 - Namibía - Ljósm. Jón Bjarnason
Mynd úr ljósmyndasamkeppni Bændaferða 2019 - Namibía - Ljósm. Jón Bjarnason
Mynd úr ljósmyndasamkeppni Bændaferða 2019 - Namibía - Ljósm. Jón Bjarnason
Mynd úr ljósmyndasamkeppni Bændaferða 2019 - Namibía - Ljósm. Jón Bjarnason
Mynd úr ljósmyndasamkeppni Bændaferða 2019 - Namibía - Ljósm. Jón Bjarnason

Fararstjórn

Eyrún Ingadóttir

Eyrún Ingadóttir, sagnfræðingur og rithöfundur, er fædd á Hvammstanga árið 1967. Hún er með BA-próf í sagnfræði frá Háskóla Íslands 1993 og diplóma í stjórnun- og starfsmannamálum frá Endurmenntun Háskóla Íslands 2003. Hún starfar hjá Lögmannafélagi Íslands og Lögfræðingafélagi Íslands og hefur frá árinu 2003 skipulagt og farið sem fararstjóri í ferðir sem félögin standa fyrir árlega. Meðal annars hefur hún farið til Suður-Afríku, Argentínu, Indlands, Georgíu, á Íslendingaslóðir í Kanada, Tyrklands (Istanbul), Eistlands, Víetnam og Kambódíu. 

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00