Franska & ítalska rivíeran
3. - 12. október 2024 (10 dagar)
Töfrandi ferð um frönsku og ítölsku rivíeruna þar sem heillandi umhverfi lætur enga ósnortna. Ferðin hefst í fallega bænum Lerici við La Spezia flóann á Ítalíu en hann ber viðurnefnið Skáldaflóinn. Skemmtilegar dagsferðir eru í boði, m.a. ævintýraleg sigling úti fyrir brattri klettaströnd Cinque Terre með viðkomu í þorpunum Riomaggiore, Monterosso og Porto Venere. Komið er til gömlu virkisborgarinnar Lucca í Toskana héraði sem er fæðingarborg tónskáldsins Puccini og þar um slóðir förum við í skemmtilega heimsókn til vínbónda. Það er alltaf svo yndislegt að koma til borgarinnar Pisa þar sem skakki turninn, basilíkukirkjan og skírnarkapellan verða skoðuð. Sælan heldur áfram frá hinum þekkta bæ San Remo við blómaströndina. Við upplifum glæsileika frönsku rivíerunnar í furstadæminu Mónakó og könnum yndislegu borgina Nice við Côte d’Azur ströndina og borgina Cannes, þar sem við fetum í fótspor kvikmyndastjarnanna.