Ljósadýrð á Rín

15. - 22. september 2017 (8 dagar)

„Ljómar heimur, loga fagur“ verður sjálfsagt hægt að segja í þessari glæsilegu ferð um Rínar- og Móseldalinn. Eftir flug til Frankfurt verður ekið til bæjarperlunnar Boppard við ána Rín. Bærinn hefur verið á heimsminjaskrá UNESCO í fjöldamörg ár og verður samastaður okkar í ferðinni.
 
Við njótum hvers dags í þessari glæsilegu ferð og skoðum margt m.a. Koblenz, þar sem árnar Mósel og Rín mætast við hið svonefnda Deutsches Eck. Koblenz er ein elsta borg Þýskalands og á hún sér meira en 2.000 ára sögu. Ekið verður um Rínardalinn, að klettinum Loreley og til Rüdesheim, eins vinsælasta ferðamannabæjarins við ána. Hápunktur ferðarinnar verður án efa Rhein in Flammen eða ljósadýrð á Rín. Farið verður í siglingu á Rín, en þá munum við upplifa eina glæsilegustu flugeldasýningu landsins. Einnig verður komið til Tríer sem er elsta borg Þýskalands og er þar að finna merkilegar minjar frá tímum Rómverja. Vínbærinn Bernkastel Kues og fögur bindingsverkshús hans verða á vegi okkar, við skoðum heilsubæinn Bad Neuenahr-Ahrweiler og komum til Gutenbergborgarinnar Mainz. Við sjáum frægu brúna í Remagen og bæinn Königswinter þar sem landslagið er draumi líkast.

Verð á mann í tvíbýli 174.400 kr.

Aukagjald fyrir einbýli 18.600 kr.


Innifalið

  • 8 daga ferð.
  • Flug og flugvallaskattar.
  • Gisting í 2ja manna herbergi með baði.
  • Morgun- og kvöldverður allan tímann á hóteli.
  • Allar skoðunarferðir með rútu samkvæmt ferðalýsingu.
  • Ljósahátíðin á Rín, sigling, kvöldverður og flugeldasýning.
  • Íslensk fararstjórn.

Ekki innifalið

  • Aðgangseyrir inn á söfn, hallir og kirkjur.
  • Kláfar eða stólalyftur upp á fjöll.
  • Siglingar og vínsmökkun.
  • Hádegisverðir.
  • Þjórfé.

Valfrjálst

  • Svifkláfur í Rüdesheim ca. € 7.
  • Vínsmökkun í Boppard ca. € 10.

Kort af ferðinni

Ferðalýsing

Prenta ferðalýsingu

15. september | Flug til Frankfurt - akstur til Boppard

Brottför frá Keflavík kl. 7:25. Mæting í Leifsstöð 2 klst. fyrir brottför. Lending í Frankfurt kl. 12:50 að staðartíma. Þaðan verður ekið til bæjarperlunnar Boppart í Obermittelrheintal dalnum sem er búinn að vera í mörg ár á heimsminjaskrá UNESCO. Hér verður gist á hóteli á yndislegum stað við ána Rín í 7 nætur. 

16. september | Dagur í Boppard & ljósadýrð á Rín

Við skoðum okkur um í bænum Boppard sem er einn þeirra fjölmörgu gömlu, rómversku bæja sem standa á árbakka Rínar. Bærinn stendur í einu þekktasta Riesling vínhéraði dalsins. Í bænum munum við skoða St. Severus kirkjuna, minjar frá rómverskum kastala og sjá hina tignarlegu Kúrfurstahöll á bökkum árinnar. Eftir skoðunarferðina gefst frjáls tími þangað til við höldum í siglingu á Rínarfljótinu. Við stígum upp í fljótabát með góðu útsýnisdekki og siglum eftir ánni Rín í átt að hinum fræga Loreley kletti. Á leiðinni njótum við stórkostlegrar flugeldasýningar sem heimamenn kalla „Rhein in Flammen“ eða ljósadýrð á Rín og á meðan gæðum við okkur á léttum kvöldverði um borð, líðum við fram hjá upplýstum kastölum, hæðum og bæjum. 

17. september | Töfrandi dagur í Koblenz

Ekið verður til Koblenz sem stendur við hið svokallaða Deutsches Eck, eitt fallegasta horn Þýskaland, en þar mætast árnar Mósel og Rín. Borgin er með elstu borgum landsins og spannar saga hennar rúmlega 2.000 ár. Gaman er að skoða elsta hluta miðbæjarins, en þar má m.a. finna fallegar kirkjur, þröngar götur og heillandi gömul hús. Eftir skoðunarferð verður frjáls tími til að kanna mannlíf borgarinnar á eigin vegum.

Opna allt

18. september | Rínardalurinn, Loreley kletturinn & Rüdesheim

Í dag ökum við um Rínardalinn og kynnumst nánar hans fegurstu stöðum. Á leiðinni sjáum við heillandi landslag, kastala frá miðöldum, hugguleg þorp og munum líta á hinn 132 m háa Loreley klett. Við stöldum við í Rüdesheim, sem er þekktur fyrir fallegu gömlu bindingsverkshúsin og hina líflegu Drosselgasse. Þessi gata er heimsfræg fyrir einstakt andrúmsloftið sem skapast þegar flutningur tónlistarmanna ómar frá fjölmörgum veitingahúsum götunnar. Einnig gefst tækifæri fyrir áhugasama að fara með svifkláfi upp í vínhæðirnar að minnisvarða sem byggður var seint á 19. öld til minningar um fyrri sameiningu Þýskalands. 

19. september | Tríer & Bernkastel –Kues í Móseldalnum

Dagurinn hefst á skemmtilegri skoðunarferð um Tríer sem er elsta borg Þýskalands. Þar er að finna merkilegar minjar frá tímum Rómverja. Keisarinn Ágústus stofnaði borgina, Augusta Treverorum á 16. öld f. Kr. eftir sigur sinn á Keltum sem þá voru fyrir í borginni. Það er margt að sjá í þessari fallegu borg, töfrandi kirkjur, fagrar barokk byggingar og borgarhliðið Porta Nigra frá 2. öld e. Kr. Að lokinni skoðunarferð verður frjáls tími til að skoða sig betur um í borginni á eigin vegum. Við snúum aftur í vínhéraðið og heimsækjum annan fallegan vínbæ við ána Mósel, Bernkastel-Kues. Þessi miðaldabær er einn fjölsóttasti ferðamannastaður landsins en falleg bindingsverkshús setja einstakan svip sinn á bæinn. 

20. september | Bad Neuenahr-Ahrweiler, Remagen & Königswinter

Við hefjum þennan skemmtilega dag á því að keyra til bæjarins Bad Neuenahr – Ahrweiler. Þaðan verður ekið um Remagen hérað, en þar er að finna brúnna yfir Rín sem Ameríkanar fóru yfir í lok seinni heimsstyrjaldarinnar. Um það var gerð kvikmynd á sínum tíma. Við förum um sjöfjalla svæðið og heimsækjum Königswinter og förum þar að ævintýralegu Drachenburg höllinni.

21. september | Boppard, Mainz & vínsmökkun

Eftir ys og þys undanfarinna daga er komið að kærkominni hvíld. Fram að hádegi er hverjum frjálst að njóta dvalarinnar á hótelinu, dást að fegurð Rínar á göngu eða kynnast bænum Boppard á eigin spýtur. Um hádegi verður ekið til Mainz sem oft er kölluð Gutenbergerborgin og hefur hún upp á margt að bjóða. Hér verður gefinn frjáls tími til að kanna borgina á eigin vegum. Á leiðinni til baka verður áð hjá vínbónda í nágrenni Boppard og farið í skemmtilega vínsmökkun.

22. september | Heimferð frá Frankfurt

Nú er komið að heimferð eftir dásamlega daga. Eftir morgunverð verður ekið til Frankfurt. Flug þaðan er kl. 14:00 og lending í Keflavík kl. 15:35 að staðartíma.

Fararstjóri getur fært dagskrárliði til milli daga eftir því sem þörf þykir þegar komið er á staðinn.

Myndir úr ferðinni

Koblenz

Koblenz

Boppard

Boppard

Ljósadýrð á Rín

Ljósadýrð á Rín

Gamli bærinn í Rüdesheim

Gamli bærinn í Rüdesheim

Mósel

Mósel

Drachenburg höllin

Drachenburg höllin

Mainz

Mainz

Koblenz
Boppard
Ljósadýrð á Rín
Gamli bærinn í Rüdesheim
Mósel
Drachenburg höllin
Mainz

Fararstjórn

Kristín Jóhannsdóttir

Kristín Jóhannsdóttir er fædd árið 1960 og uppalin í Vestmannaeyjum.  Eftir stúdentspróf frá MH lá leiðin til Noregs, en Kristín bjó í Osló og vann á skrifstofu Flugleiða í tvö ár. Eftir það fluttist hún til Þýskalands, en hún hefur búið bæði í austur og vesturhlutanum þ.e. Freiburg, Berlín, Leipzig og Frankfurt í 20 ár. Kristín stundaði nám í Freiburg, Berlín og Leipzig og lauk Magisterprófi í bókmenntum og sagnfræði árið 1991 frá Frei Universität í Berlín.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 09:30-16:00

 

Tengdar ferðir