Jólaferð til Tallinn & Helsinki

Þessi einstaka jólaferð hefst með flugi til Helsinki, þaðan sem siglt verður yfir til Tallinn, höfuðborgar Eistlands. Þessi rómantíska og fallega miðaldaborg á sér um 800 ára gamla sögu en þar er að finna einstaklega vel varðveittar miðaldakirkjur, virkisturna og hús byggð í stíl Hansakaupmanna. Á aðventunni svífur yndislegur jólaandi yfir borginni og má geta þess að jólamarkaðurinn í Tallinn var árið 2018 valinn sá fallegasti í Evrópu af gestum vítt og breitt um heiminn. Gamli miðbærinn í Tallinn, með sínar þröngu, steinlögðu götur, er ævintýri líkastur enda er hann skráður á heimsminjaskrá UNESCO. Þessi best varðveitta miðaldaborg í Norður-Evrópu heillar alla sem þangað koma. Gist verður á 4* hóteli í hjarta Tallinn. Í lok ferðar förum við yfir til Helsinki þar sem boðið verður upp á skoðunarferð um borgina með heimamanni. Gist verður í eina nótt á vel staðsettu hóteli í miðbæ Helsinki. 

Verð á mann 144.800 kr.

Aukagjald fyrir einbýli 24.400 kr.


Innifalið

  • 5 daga ferð.
  • Flug með Icelandair og flugvallarskattar.
  • Gisting í 2ja manna herbergi með baði.
  • Morgunverður allan tímann á hótelum.
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Aðgangseyrir inn í söfn, hallir og kirkjur.
  • Hádegisverðir.
  • Þjórfé.

Kort af ferðinni

FerðalýsingPrenta ferðalýsingu

25. nóvember | Flug til Helsinki

Brottför frá Keflavík kl. 7:30 og mæting í Leifsstöð u.þ.b. 2,5 klst. fyrir brottför. Lending í Helsinki kl. 13:00 að staðartíma. Á móti okkur tekur íslenskur staðarleiðsögumaður sem fer með okkur í skemmtilega skoðunarferð um miðborg Helsinki þar sem við skoðum m.a. Sibelius garðinn og Klettakirkjuna. Um kvöldið er siglt frá Helsinki til Tallinn. Siglingin tekur um 2 klukkustundir og upplagt er að snæða kvöldmat á einum af nokkrum veitingastöðum sem eru um borð í ferjunni. Gist verður á vel staðsettu hóteli í hjarta gamla bæjarins í Tallinn.

26. nóvember | Tallinn

Dagurinn hefst á skoðunarferð með rútu um Tallinn. Við skoðum það helsta sem borgin hefur upp á að bjóða eins og Dómkirkjuhæðina (Toompea) og Kadriorg höllina, sem Pétur mikli lét útbúa fyrir eiginkonu sína Katrínu árið 1718. Rútan mun skilja hópinn eftir í gamla bænum og við förum saman í gönguferð um bæinn. Gamli hluti borgarinnar þykir einkar fallegur fyrir sínar gömlu og vel varðveittu byggingar í bland við gömul sovésk verksmiðjuhús sem hafa öðlast nýtt líf. Upplýstar byggingarnar setja einstaklega fallegan blæ á borgina. Gönguferðin endar á ráðhústorginu og þar á eftir gefst frjáls tími til að kanna umhverfið og njóta lífsins.

27. nóvember | Frjáls dagur í Tallinn

Þessi fallega borg hefur upp á ótrúlega margt að bjóða, fallegar gamlar byggingar, söfn, hallir, kirkjur, lítil sæt kaffihús á hverju horni og nóg er af góðum veitingahúsum. Fyrir þá sem hafa áhuga á arkitektúr þá er afar áhugavert að heimsækja Rotermann Quarter í miðbæ Tallinn, milli gamla miðbæjarins og hafnarinnar. Þetta svæði var áður fyrr verksmiðjuhverfi í niðurníslu og einkennist í dag af skemmtilegum nútímaarkitektúr. Það er um að gera að að njóta þessarar töfrandi borgar, kíkja í verslanir eða á safn, nú eða setjast á notalegt kaffihús og fylgjast með mannlífinu, dagurinn er í ykkar höndum.

Opna allt

28. nóvember | Haldið til Helsinki

Í dag kveðjum við Tallinn og höldum aftur til Helsinki. Ferjan leggur af stað úr höfn frá Tallinn klukkan 10:30 og komutími í Helsinki er 12:30. Við tékkum okkur inn á gott og vel staðsett hótel í miðbæ Helsinki þar sem stutt er í fjölbreytt úrval góðra kaffi-og veitingahúsa. Aðalverslunargata borgarinnar, Aleksanterinkatu, er einnig í þægilegri göngufjarlægð frá hótelinu.

29. nóvember | Heimferð

Nú er komið að heimferð eftir yndislega og ljúfa ferð. Brottför frá Helsinki er kl. 14:00. Lending í Keflavík kl. 15:45 að staðartíma.

Fararstjóri getur fært dagskrárliði á milli daga eftir þörfum.

Myndir úr ferðinni

Fararstjórn

Pétur Óli Pétursson

Pétur Óli Pétursson er sérfróður um Pétursborg og Rússland. Hann hefur búið í mörg ár í borginni og er einn fárra Íslendinga á þessum slóðum, en þar á hann og rekur fyrirtæki. Hann hóf fyrir mörgum árum, eiginlega fyrir tilviljun, að taka á móti íslenskum hópum og vinna sem fararstjóri. Í dag er Pétur Óli án efa þekktasti íslenski fararstjórinn í Pétursborg. 

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00