Fljótasigling á Rín

Við líðum eftir Rín, einu stærsta fljóti Evrópu og virðum fyrir okkur einstaka fegurð Rínardalsins. Daglega bíða okkar nýir og spennandi áfangastaðir en á fögrum bökkum Rínar eru ótal sögufrægir staðir sem við munum fræðast um. Eftir flug til Frankfurt ökum við niður að ánni Main þar sem við stígum um borð í fljótaskipið MS Leonardo da Vinci. Við gistum allar fimm nætur ferðarinnar um borð í þessu glæsilega skipi og allar máltíðir eru innifaldar. Í vínþorpinu Rüdesheim er fjöldinn allur af huggulegum bindingsverkshúsum í gömlum stíl sem unun er að virða fyrir sér. Á siglingu okkar niður fljótið ber vínakra, kastala og hallir fyrir augu og við sjáum m.a. Loreley klettinn, ármótin við Mósel í Deutsches Eck, hina frægu dómkirkju í Köln, og borgirnar Nijmegen og Amsterdam. Amsterdam er oft nefnd Feneyjar norðursins og munum við gefa okkur góðan tíma til að skoða þessa litríku og líflegu borg, bæði fótgangandi og á siglingu um síkin. Flogið verður heim frá Amsterdam en tilvalið er að framlengja ferðina og dvelja á eigin vegum í borginni eitthvað lengur. 

Verð á mann 224.800 kr.

Aukagjald fyrir einbýli 56.600 kr.

Aukagjald fyrir káetu á efra þilfari er 31.500 kr. á mann í tvíbýli.
Ekki er hægt að fá einbýli á efra þilfari.


Innifalið

  • 6 daga ferð
  • Flug með Icelandair og flugvallaskattar.
  • Rútuferð frá flugvellinum í Frankfurt.
  • Gisting á skipinu MS Leonardo da Vinci í 5 nætur.
  • Morgun-, hádegis- og kvöldverður alla daga um borð.
  • Drykkir með máltíðum á skipinu, vín, bjór, vatn og kaffi.
  • Allir drykkir á barnum um borð (fyrir utan drykki á sérseðli).
  • Hátíðarkvöldverður 11. júlí um borð í skipinu.
  • Skoðunarferð með leiðsögumanni í Amsterdam og Düsseldorf.
  • Sigling með útsýnisbátum um síkin í Amsterdam.
  • Rútuferð út á flugvöll í Amsterdam.
  • Íslensk fararstjórn.

Ekki innifalið

  • Þær máltíðir sem ekki eru tilgreindar undir innifalið.
  • Aðgangseyrir annar en nefndur er undir innifalið.
  • Forfalla- og ferðatryggingar.
  • Þjórfé.

Upplagt er að lengja þessa ferð

Í þessari ferð er upplagt að lengja ferðina og breyta heimferð. Breytingargjaldið er 5.000 kr. á miða. Farþegar geta bókað gistingu í Amsterdam á eigin vegum og notið þess að skoða borgina betur. Starfsfólk Bændaferða aðstoðar að sjálfsögðu þá farþega sem þess óska við að bóka gistingu á netinu.

Kort af ferðinni

FerðalýsingPrenta ferðalýsingu

7. júlí | Flug til Frankfurt & farið um borð í MS Leonardo da Vinci

Brottför er frá Keflavík kl. 7:25 en mæting er í Leifsstöð a.m.k. 2 klst. fyrir brottför. Lent í Frankfurt kl. 12:55 að staðartíma. Ekið verður frá Frankfurt niður að ánni Main en þar stígum við um borð í fljótaskipið MS Leonardo da Vinci. Við munum gista fimm nætur um borð í þessu glæsilega skipi í þægilega vel búnum káetum með tveimur rúmum og útsýnisglugga. Þjónað er til borðs í hádeginu og á kvöldin en á morgnana er hlaðborð. Á meðan á siglingu stendur eru flestir drykkir innifaldir bæði með mat og á barnum í gestasalnum. Uppi á sóldekki eru legustólar til reiðu. Þegar við höfum komið okkur fyrir hittum við ferðafélagana og áhöfn í móttökuathöfn og snæðum kvöldverð um borð.

8. júlí | Rüdesheim

Fljótaskipið er nú búið að festa landfestar í Rüdesheim. Við borðum staðgóðan morgunverð um borð og förum svo í land í Rüdesheim, sem m.a. er þekkt fyrir bindingsverkshúsin sín. Við heimsækjum verksmiðju Asbach Uralt vínbrennslunnar og fáum þar leiðsögn um svæðið og kynnumst framleiðsluferlinu á þessu þekkta víni. Eftir það býðst okkur að fara í nýstárlega vínsmökkun. Á leið okkar aftur að skipinu er tilvalið að kanna betur hina líflegu Drosselgasse. Þessi gata varð heimsfræg á sínum tíma fyrir andrúmsloftið sem skapaðist hér þegar tónlistin ómaði út á götu frá tónlistarmönnum sem spiluðu á fjölmörgum börum í götunni. Að loknum hádegisverði leggur skipið af stað í siglingu um rómuðustu svæði hins sögufræga Rínardals. Einn hápunktur dagsins er Loreley kletturinn, sem er þekktur fyrir þjóðsöguna um lokkaprúðu hafmeyjuna Loreley sem sat uppi á klettinum og leiddi fiskimenn í dauðann með seiðandi söng sínum. Þessi saga hefur verið yrkisefni margra skálda, m.a. Heinrich Heine. Við siglum fram hjá hinni 2000 ára gömlu borg Koblenz, sem er staðsett við ármót Mósel og Rínar. Skaginn sem myndast við ármótin er kallaður þýska hornið eða „Deutsches Eck“. Á stuttri siglingu áfram til Kölnar mun ævintýralega kastala og virki bera fyrir augu. Síðdegis höldum við til Kölnar.

9. júlí | Köln & Düsseldorf

Í morgunsárið tekur gamli bærinn í Köln á móti okkur. Eftir morgunverð gefst tækifæri til að rölta um þröngar gamlar götur þessarar elstu stórborgar Þýskalands en saga hennar spannar allt að 2000 árum. Við skoðum einnig hina frægu Kölnardómkirkju, sem er stærsta gotneska kirkja Norður-Evrópu. Köln er í dag þekkt fyrir stórar og skemmtilegar karnival hátíðir. Bjórunnendur ættu að smakka hinn fræga Kölnarbjór, Kölsch. Að loknum hádegisverði verður siglt til Düsseldorf en borgin er meðal annars þekkt fyrir falleg og þéttvaxin kastaníutré. Düsseldorf er mikil menningarborg og þykir verslunarglöðu fólki einkar gott að versla þarna. Einnig er gamli bæjarhlutinn einkar líflegur og skemmtilegur. Innlendur staðarleiðsögumaður mun leiða okkur um áhugaverðustu svæði borgarinnar. Á meðan við snæðum kvöldverð um borð í skipinu verða landfestar leystar og við siglum fram hjá Emmerich og í áttina að Hollandi. 

Opna allt

10. júlí | Nijmegen í Hollandi & Amsterdam

Skipið hefur nú lagt að í Nijmegen. Árdegis gefst tækifæri til að rölta um þessa elstu borg Hollands. Hún var mennta- og menningarsetur fyrr á öldum, aðsetur Karlunga og síðar Hansaborg. Meðal þess markverðasta sem sjá má í borginni er Karólínska kapellan frá 11. öld, hin gotneska kirkja St. Stevens og ráðhúsið. Eftir hádegi leggjum við aftur af stað og siglum m.a. fram hjá Arnhem og Utrecht og komum á síðasta áfangastaðinn okkar, Amsterdam, um kvöldmatarleytið. Eftir kvöldverð um borð verður boðið upp á kvöldsiglingu í útsýnisbát með glerþaki um síki miðborgarinnar og við kynnumst lifandi og fallega upplýstri Amsterdam í kvöldbúningnum.

11. júlí | Amsterdam

Að morgunverði loknum fáum við að kynnast Amsterdam með innlendan staðarleiðsögumann í fararbroddi, sem sýnir okkur það markverðasta sem „Feneyjar norðursins“ hafa upp á að bjóða. Að skoðunarferð lokinni gefst tími til að kanna þessa stórbrotnu borg á eigin vegum. Hér flýgur tíminn áfram við að kanna ótal rómantísk síki og litrík, heillandi hús sem halla sér hvert að öðru. Áhugasamir geta litið á kaffihús af ýmsu tagi eða heimsótt stórfengleg listasöfn. Um kvöldið er hátíðarkvöldverður um borð í MS Leonardo da Vinci.

12. júlí | Heimferðardagur

Nú er komið að leiðarlokum. Haldið verður með rútu út á flugvöll í Amsterdam að loknum morgunverði. Brottför kl. 14:00 og áætluð lending í Keflavík kl. 15:10 að staðartíma.

Myndir úr ferðinni

Rínardalurinn

Rínardalurinn

Loreley og Rín

Loreley og Rín

Rínardalurinn

Rínardalurinn

Rínardalurinn

Rínardalurinn

Holland

Holland

Deutsches Eck

Deutsches Eck

Móseldalurinn

Móseldalurinn

Amsterdam

Amsterdam

Amsterdam

Amsterdam

Köln

Köln

Holland

Holland

Holland

Holland

Rín

Rín

Amsterdam

Amsterdam

Frankfurt

Frankfurt

Köln

Köln

Nijmegen

Nijmegen

Hollenskir klossar

Hollenskir klossar

Rínardalurinn
Loreley og Rín
Rínardalurinn
Rínardalurinn
Holland
Deutsches Eck
Móseldalurinn
Amsterdam
Amsterdam
Köln
Holland
Holland
Rín
Amsterdam
Frankfurt
Köln
Nijmegen
Hollenskir klossar

Fararstjórn

Ingis Ingason

Ingis Ingason fæddist í Fagradal í Mýrdal um miðja síðustu öld og ólst upp í Mýrdalnum fram yfir fermingu, en þá færðist heimilisfestin til Vestmannaeyja. Þar lauk hann landsprófi og stundaði sjó á sumrin, en eyddi vetrunum í Menntaskólanum að Laugarvatni, þaðan sem hann lauk stúdentsprófi. Síðan lá leiðin í Svartaskóg í Þýskalandi til náms í þýsku og heimspeki. Við HÍ lauk hann námi í uppeldis- og kennslufræðum til kennsluréttinda og síðar framhaldsnámi fyrir þýskukennara í Trier í Móseldalnum 1991-92.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00

 

Tengdar ferðir