Jólaferð til Brussel & Brugge

Í Brussel og Brugge ríkir hátíðleg jólastemning á aðventunni. Í báðum þessara borga er að finna einstaklega huggulega jólamarkaði innan um virðulegar, gamlar byggingar og hefur jólamarkaður Brussel verið tilnefndur sá frumlegasti í Evrópu. Belgía er þekkt fyrir kirkjuklukkur og kastala, dásemdar súkkulaði, franskar, krækling og bjór og því ljóst að hér er margs að njóta. Merkileg menningarsaga Brussel hefur varðveist í glæsilegum byggingum frá endurreisnar- og barokkskeiðinu og hvort sem rölt er um þröngar götur gamla miðbæjarins eða ekið eftir breiðstrætunum má sjá margar fegurstu byggingar Evrópu í Art Nouveau stíl. Farið verður í skoðunarferð um Brussel en einnig í dagsferð til Brugge sem er eins og klippt út úr ævintýri með fjöldann allan af miðaldabyggingum og kanölum. Í skammdeginu eru þessar fallegu byggingar flóðlýstar sem ásamt skrautlegum ljósum jólamarkaðarins gerir ævintýrablæinn enn ríkulegri.

Verð á mann í tvíbýli 124.800 kr.

Aukagjald fyrir einbýli 22.800 kr.


Innifalið

  • 4 daga ferð.
  • Flug með Icelandair og flugvallaskattar.
  • Ferðir milli Brussel flugvallar og hótels.
  • Gisting í 2ja manna herbergi með baði.
  • Morgunverður.
  • Gönguferð um miðbæ Brussel með fararstjóra.
  • Skoðunarferð til Brugge.
  • Íslensk fararstjórn.

Ekki innifalið

  • Aðgangseyrir inn í söfn, hallir og kirkjur.
  • Hádegis- og kvöldverðir.
  • Þjórfé.
  • Forfalla- og ferðatryggingar.

Kort af ferðinni

FerðalýsingPrenta ferðalýsingu

28. nóvember | Flug til Brussel

Brottför frá Keflavík kl. 7:40. Mæting í Leifsstöð í síðasta lagi 2 klst. fyrir brottför. Lent í Brussel kl. 11:45 að staðartíma. Áður en farið er á hótel förum við í skoðunarferð um borgina. Við hefjum ferðina þar sem höfuðstöðvar Evrópusambandsins eru staðsettar og ferðumst aftur í tímann þegar við ökum fram hjá glæsilegum byggingum í gotneskum, endurreisnar- og barokkstíl sem víða skreyta borgina. Á vegi okkar verður Grand Place torgið sem er að mati sumra eitt fallegasta torg í heimi, Manneken Pis styttan sem er nefnd tákn borgarinnar og loks hin mikilfenglega ráðhúsbygging. Síðdegið verður gefinn frjáls tími til að skoða sig um á eigin vegum. 

29. nóvember | Frídagur í Brussel

Í dag er frí frá skipulagðri dagskrá. Fararstjórinn mun þó bjóða upp á gönguferð um miðbæinn. Tilvalið er að líta inn til kaupmanna borgarinnar og kíkja á þeirra úrval. Belgar eru þekktir fyrir nostur í matargerð og því gaman að setjast inn á eitt af fjölmörgum kaffi- og veitingahúsum borgarinnar. 

30. nóvember | Dagur í Brugge

Heillandi ferð til perlunnar Brugge sem er með fegurstu borgum landsins. Innan um glæst hús frá miðöldum er að finna jólamarkað og skautasvell. Auk jólaljósanna eru fjöldinn allur af gömlu byggingunum flóðlýstar sem gefur allri borginni dásamlegan ævintýrablæ. Farin verður skoðunarferð um borgina sem heillar alla, en að henni lokinni gefst hverjum og einum tími til að njóta þess að upplifa þessa fögru borg á eigin vegum og bragða á belgískum vöfflum, súkkulaði eða öðru góðgæti á markaðinum. 

Opna allt

1. desember | Heimferð

Eftir yndislega ferð verður ekið út á flugvöll í Brussel. Brottför þaðan er kl. 12:50 og lending í Keflavík kl. 15:15 að staðartíma.

Fararstjóri getur fært dagskrárliði á milli daga eftir þörfum.

Myndir úr ferðinni

Fararstjórn

Aðalheiður Jónsdóttir

Aðalheiður, eða Alla eins og hún er alltaf kölluð, hefur verið fararstjóri á Costa del Sol, Mallorca, Kanaríeyjum, í Portúgal og Brussel, auk þess sem hún hefur verið leiðsögumaður innanlands fyrir smærri hópa. Eftir stúdentspróf frá Menntaskólanum í Reykjavík lá leið hennar til Spánar þar sem hún nam spænska sögu og menningu við Háskólann í Granada.

Hótel

IBIS Brussels Centre Ste Catherine

Þetta nútímalega hótel er vel staðsett í miðbæ Brussel, aðeins 550m frá Grand Place torginu. Móttakan er mönnuð 24 tíma á dag og á hótelinu er notalegur bar og seturstofa. Herbergin eru björt og stílhrein en af hóflegri stærð. Öll hafa þau flatskjá, baðherbegi og hárþurrku.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00

 

Tengdar ferðir