Suður-Frakkland & Spánn

Dásamleg og töfrandi ferð um Suður-Frakkland, Katalóníu á Spáni og frönsku Alpana. Við lendum í Genf en höldum rakleitt til sögufrægu borgarinnar Orange í Provence héraði í Frakklandi. Þaðan verður farið í skemmtilegar skoðunarferðir svo sem til Arles og klettabæjarins Les Baux þaðan sem útsýnið er stórkostlegt. Á leið okkar til Katalóníu bregðum við okkur til Figueres, fæðingarbæjar Salvador Dalí og skoðum safn með ævintýralegu verkunum hans. Við dveljum lengst af í fallega bænum Tossa de Mar við Costa Brava ströndina á Spáni sem býr yfir merkum minjum og fornum borgarmúrum í hinum dulúðlega bæjarhluta Vila Vella. Hér njótum við hins ljúfa lífs! Við förum í dagsferð til glæsilegu og litríku heimsborgarinnar Barcelona og í yndislega siglingu á Lloret de Mar við Costa Brava ströndina. Einnig verður komið við í Montserrat klaustrinu sem stofnað var á 9. öld og stendur í 720 m hæð í samnefndum þjóðgarði, þar er fjallafegurðin ólýsanleg. Klausturkirkjan er frægust fyrir líkneskið af svartri Maríu mey og drengjakórinn Escolania. Ferðin endar í borginni Annecy við samnefnt vatn en hún er sannkölluð perla frönsku Alpanna.

Verð á mann í tvíbýli 269.900 kr.

Aukagjald fyrir einbýli 69.600 kr.


Innifalið

  • 12 daga ferð.
  • Flug með Icelandair og flugvallarskattar.
  • Gisting í 2ja manna herbergi með baði.
  • Morgun- og kvöldverður allan tímann á hótelum.
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Aðgangseyrir inn í söfn, hallir og kirkjur.
  • Kláfar eða stólalyftur upp á fjöll.
  • Siglingar.
  • Hádegisverðir.
  • Vínsmökkun.
  • Þjórfé.

Valfrjálst

  • Aðgangur í Rómverska leikhúsið í Orange ca € 4.
  • Salvador Dalí safnið í Figueres ca € 11.
  • Kláf upp á Sant Jeroni fjallið í Monserat ca € 11.
  • Sigling til Lloret de Mar ca € 22.
  • Sigling á Annecy vatni ca € 15.

Kort af ferðinni

FerðalýsingPrenta ferðalýsingu

19. september | Flug til Genf & sögufræga borgin Orange

Brottför frá Keflavík kl. 7:20. Mæting í Leifsstöð í síðasta lagi 2,5 klst. fyrir brottför. Lending í Genf kl. 13:00 að staðartíma. Þaðan verður ekið suður til sögufrægu borgarinnar Orange í Provence héraði í Frakklandi, sem er rómuð fyrir fegurð. Þar verður gist í 3 nætur á góðu hóteli. Á hótelinu er fallegur garður og líkamsrækt.

20. september | Arles & Les Baux

Ekið verður sem leið liggur suður til bæjarins Arles, einnar af perlum Suður-Frakklands. Farið verður í skoðunarferð um þennan sögulega bæ þar sem við skoðum meðal annars magnað rómverskt hringleikahús. Í Arles er Van Gogh safn en listamaðurinn bjó þar um tíma og málaði þar mörg sín þekktustu verk, þ.á m. Gula kaffihúsið. Eftir frjálsan tíma verður ekið til ævintýralega klettabæjarins Les Baux sem var miðstöð trúbadora og mótmælenda til forna. Hrikaleg fegurð umvefur staðinn og útsýnið er einstakt, sérstaklega frá áhugaverðum kastalarústum. Í Les Baux má upplifa einstaka myndlistarsýningu sem varpað er á veggi í gamalli námu.

21. september | Skoðunarferð um Orange & rómverska leikhúsið

Hefjum daginn á góðum morgunverði, síðan verður farið í stutta skoðunarferð um hina fögru, aldagömlu borg Orange, sem er ein af gömlu rómversku borgunum. Heimsækjum rómverska leikhúsið sem hefur prýtt borgina síðan snemma á 1. öld e. Kr. en leikhúsið er með best varðveittu og stærstu leikhúsum heims frá tímum Rómverja. Þar eru enn í dag haldnir tónleikar. Glæstar byggingar prýða borgina hvarvetna og er gaman að rölta um litlar, kræklóttar götur hennar, fara inn á notaleg kaffihús eða veitingastaði og eiga góða stund. Fyrir þá sem vilja heldur taka það rólega er upplagt að njóta aðstöðunnar á hótelinu.

Opna allt

22. september | Salvador Dalí & Tossa de Mar

Nú yfirgefum við þessa fögru borg og höldum til Spánar. Á leið okkar heimsækjum við Figueres, fæðingarstað Salvador Dalí. Dalí safnið er eitt helsta aðdráttarafl ferðaþjónustunnar í Katalóníu og það er algjört ævintýri að koma þar inn. Dalí sjálfur hannaði safnið. Bærinn er mjög líflegur og skemmtilegur og er upplagt að fá sér hressingu áður en farið verður inn á safnið. Síðdegis höldum við ferð okkar áfram til miðaldabæjarins Tossa de Mar við Costa Brava ströndina.

Hér munum við gista 6 nætur á góðu hóteli í miðbænum.

23. september | Gönguferð í Tossa de Mar

Við hefjum daginn á skemmtilegri gönguferð um Tossa de Mar. Við göngum meðal annars upp í elsta hluta bæjarins, klettabæinn Vila Vella, sem er umkringdur borgarmúrum og turnum frá 14. öld. Að koma inn í Vila Vella er eins og að ferðast aftur í tímann en enn er búið í nokkrum gömlu húsanna innan virkisveggjanna. Stórfenglegt útsýni er þaðan yfir gjörvalla klettaströnd Tossa. Að skoðunarferðinni lokinni gefst hverjum og einum frjáls tími til að kanna umhverfið á eigin vegum. Fyrir áhugasama eru fornar minjar frá rómverskum tímum að finna í nágrenni hótelsins en í bænum eru einnig margar huggulegar, litlar verslanir.

24. september | Heimsborgin Barcelona

Barcelona höfuðborg Katalóníu er með fegurstu borgum álfunnar. Hún er þekkt fyrir glæsilegar byggingar arkitektsins Gaudí sem skreyta borgina hvert sem litið er. Borgin er mjög gömul og saga hennar merkileg, fegurð hennar og gestrisni íbúanna gera dvölina alveg einstaka. Af merkum byggingum eftir Gaudí má nefna kirkjuna La Sagrada Familia, húsin Casa Battló og Casa Milá og garðinn Güell en þessi verk Gaudí eru öll komin á heimsminjaskrá UNESCO. Gotneska hverfinu má ekki gleyma og kirkjunni við hafið sem er dásamleg og margir þekkja úr bók Ildefonso Falcones. Við höfum einnig tíma til að kanna líf bæjabúa og líta inn á líflega kaupmenn borgarinnar.

25. september | Ljúf sigling til Lloret de Mar

Að loknum morgunverði verður farið í siglingu til Lloret de Mar, eins vinsælasta ferðamannabæjarins við ströndina. Þetta er mjög snotur bær sem gaman er að rölta um en þar er m.a. að finna fallegu kirkjuna Sant Roma frá 16. öld. Einnig er hægt að fara í góða göngu eftir ströndinni að miðaldavirkinu Sant Joan frá 11. öld.

26. september | Rólegheit & slökun

Frjáls dagur til að hvíla sig og njóta lífsins, fara í dekur á heilsulind hótelsins eða kanna umhverfið í rólegheitum. Í bænum kennir margra grasa menningar- og mannlífs, sem gaman er að kynna sér í rólegheitunum.

27. september | Montserrat klaustrið

Í dag heimsækjum við Montserrat klaustrið sem stofnað var á 9. öld, það stendur í 720 m hæð og er staðsett í Monserat fjalli í samnefndum þjóðgarði. Kirkjan er frægust fyrir líkneskið af svartri Maríu mey en það hangir fyrir ofan altarið og er sagt að það boði gæfu að skoða hana og snerta. Útsýnið frá klaustrinu er stórbrotið og fjallasýnin ólýsanleg. Hægt er að fara með kláf upp á hæsta tindinn, Sant Jeroni, sem er í 1.235 m hæð yfir sjávarmáli. Um hádegisbil gefst færi á að hlýða á tvö lög hjá hinum fræga drengjakór klaustursins Escolania de Montserrat. Í kórnum eru 50 drengir á aldrinum 9 -14 ára sem syngja þar næstum daglega. Þar er einnig listasafn sem geymir m.a. myndir eftir Picasso, Dalí, Miro og Degas.

28. september | Tossa de Mar & Annecy

Eftir yndislega daga á Spáni, kveðjum við Tossa de Mar og ökum sem leið liggur yfir til Annecy í Frakklandi. Falleg síki einkenna þessa glæsilegu borg og gefa henni einstakan blæ. Annecy er ein elsta borg frönsku Alpanna en hún er eins og gimsteinn í kórónu fjallanna sem umlykja hana. Hér gistum við í 2 nætur á góðu hóteli í miðbænum, þaðan er örstutt í verslanir og að vatninu.

29. september | Annecy, perla frönsku Alpanna

Að loknum morgunverði höldum við í gönguferð um Annecy en staðsetning hennar við vatnið og síkin sem renna inn í borgina gera hana að undursamlegum stað. Yfir bænum gnæfir aldagömul höll og mörg húsanna í borginni eru frá 16.-18. öld. Eftir skoðunarferðina gefst okkur frjáls tími til að kanna borgina betur á eigin vegum. Áhugasamir geta farið í heillandi siglingu á Annecy vatni, þar sem náttúrufegurðin lætur engan ósnortinn.

30. september | Heimferð frá Zürich

Eftir skemmtilega ferð verður ekið til Zürich. Brottför þaðan kl. 14:00 og lending í Keflavík kl. 15:50 að staðartíma.

Fararstjóri getur fært dagskrárliði á milli daga eftir þörfum þegar komið er á staðinn.

Myndir úr ferðinni

Costa Brava ströndin

Costa Brava ströndin

Costa Brava ströndin

Costa Brava ströndin

Lavander blóm

Lavander blóm

Barcelona

Barcelona

Barcelona

Barcelona

Barcelona

Barcelona

Barcelona

Barcelona

Barcelona

Barcelona

Barcelona

Barcelona

Tossa de Mar

Tossa de Mar

Barcelona

Barcelona

Barcelona

Barcelona

Barcelona

Barcelona

Barcelona

Barcelona

Barcelona

Barcelona

Barcelona

Barcelona

Figueres - fæðingarstaður Salvador Dalí

Figueres - fæðingarstaður Salvador Dalí

Figueres - fæðingarstaður Salvador Dalí

Figueres - fæðingarstaður Salvador Dalí

Tossa de Mar

Tossa de Mar

Tossa de Mar

Tossa de Mar

Tossa de Mar

Tossa de Mar

Barcelona

Barcelona

Costa Brava ströndin

Costa Brava ströndin

Annecy

Annecy

Montserrat klaustrið

Montserrat klaustrið

Costa Brava ströndin
Costa Brava ströndin
Lavander blóm
Barcelona
Barcelona
Barcelona
Barcelona
Barcelona
Barcelona
Tossa de Mar
Barcelona
Barcelona
Barcelona
Barcelona
Barcelona
Barcelona
Figueres - fæðingarstaður Salvador Dalí
Figueres - fæðingarstaður Salvador Dalí
Tossa de Mar
Tossa de Mar
Tossa de Mar
Barcelona
Costa Brava ströndin
Annecy
Montserrat klaustrið

Fararstjórn

Hólmfríður Bjarnadóttir

Hólmfríður Bjarnadóttir (Hófý) heiti ég og er fædd árið 1960 á Patreksfirði. Ég er móðir þriggja drengja og er búsett í Bæjaraskógi í Þýskalandi um þessar mundir með yngsta drenginn, Gabríel Daða. Eiginmaður minn er Norbert Birnböck sem er einn af bílstjórum Bændaferða.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00

 

Tengdar ferðir