Gullna eyjan Malta

2. – 9. apríl 2019 (8 dagar)

Hér er ævintýraleg ferð til litlu, fallegu eyjarinnar Möltu, sjálfstæðs lýðveldis syðst í Miðjarðarhafinu. Í ferðinni kynnumst við sögu og menningu eyjarskeggja en við gistum í bænum Mellieħa.

Fyrst skal nefna töfrandi, hvíta klettaströndina Dingli þar sem hvítir sæbrattir klettar blasa við. Mdina virkisbærinn er á sérlega fallegu bæjarstæði og við ökum um Buskett, aldingarð eyjarinnar þar sem finna má sítrónu- og appelsínuakra. Virkisbærinn Rabat er einstaklega hrífandi og státar m.a. af katakombum. Við eigum viðburðaríkan dag í höfuðborginni Valletta sem svonefndir Mölturiddarar stofnuðu. Í töfrandi siglingu til Gozo, systureyju Möltu, förum við fram hjá eyjunni Comino. Skoðunarferð á Gozo sýnir okkur undurfallega eyju sem lætur engan ósnortinn. Hér fara saman gróðursæld og notaleg smáþorp með steinhlöðnum húsum og heillandi mannlífi. Calypso hellirinn er við fallegustu sandströnd eyjarinnar, hina rauðu Ramla-I-Hamra. Við heimsækjum Victoria, höfuðstað Gozo, með volduga virkinu sem gnæfir sem kóróna yfir borginni. Marsaxlokk, litli sjávarbærinn með smábátana sína er einstaklega heillandi og sigling út í Bláa hellinn svíkur engan. Hin fornu hof Hagar Qim sem standa rétt við dimmblátt Miðjarðarhafið eru áhugaverð en glæsilegt ævintýri endar með gömlu bæjarþrenningunni eins og bæirnir þrír Vittoriosa, Cospicua, Senglea eru kallaðir og rómantískri bátsferð á maltneskum gondólum.

Verð á mann í tvíbýli 249.900 kr. 

Aukagjald fyrir einbýli 42.900 kr.

Innifalið

  • 8 daga ferð.
  • Flug með Lufthansa og flugvallaskattar.
  • Gisting í 2ja manna herbergi með baði.
  • Morgun- og kvöldverður á hótelum.
  • Maltneskur vínbóndi og létt snarl.
  • Sigling yfir á eyjuna Goza.
  • Dæmigerður hádegisverður að hætti íbúa Goza.
  • Sigling að Bláa hellinum.
  • Gondóla bátsferð um stóru höfnina í Valletta.
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Aðgangseyrir inn í söfn, hallir og kirkjur.
  • Aðrar siglingar en nefndar eru.
  • Hádegisverðir.
  • Pilsner Urquelle bjórbrugghúsið og safn ca. € 10.
  • Aðgangur í Gullgötuna og Hradčany kastalann í Prag ca. € 14.
  • Gyðingasafnið í Prag ca € 6.
  • Sigling á Moldá með drykk ca € 12. 

Kort af ferðinni

Ferðalýsing

Prenta ferðalýsingu

2. apríl | Flug Frankfurt & Malta

Flogið verður frá Keflavík með Lufthansa til Frankfurt kl. 13:55. Mæting í Leifsstöð í síðasta lagi 2 klst. fyrir brottför. Lending í Frankfurt kl. 19:25 að staðartíma. Flogið verður áfram með Lufthansa til Möltu kl. 20:10 og lendum þar kl. 22:35 að staðartíma. Ekið verður á hótel í bænum Mellieħa þar sem gist verður í átta nætur. Á hótelinu er heilsurækt, tvær útisundlaugar, ein á þakinu og ein í garðinum. Einnig eru innisundlaug, gufuböð, sauna, sólpallur og nuddpottur.

3. apríl | Dingli klettar, Mdina & Rabat

Við byrjum daginn á akstri um töfrandi hvíta klettaströndina Dingli við Miðjarðarhafið.  Fegurðin er stórbrotin þar sem hvítir sæbrattir 200 m háir klettarnir rísa tígulegir úr hafi. Á leið okkar til hrífandi miðalda- og virkisbæjarins Mdina verður ekið um aldingarð eyjarinnar, Buskett garðinn þar sem margt er að sjá. Eftir góðan tíma í Mdina verður ekið til Rabat sem er annar spennandi virkisbær sem státar af áhugaverðum katakombum, sem eru grafreitir gyðinga, frá 3. öld. Þetta er áhugavert að skoða en ein áhugaverðasta katakomban er heilags Páls postula. Einn vegginn prýðir málverk frá 12. öld. Katakomburnar voru notaðar sem loftvarnarbirgi í seinni heimstyrjöldinni.

4. apríl | Skemmtilegur dagur í Valletta

Þetta verður dýrðarinnar dagur í höfuðborginni Valletta sem var valin ein af menningarborgum Evrópu árið 2018. Umhverfis hana er eitthvert öflugugasta varnarmannvirki í víðri veröld sem gerir borgina ómótstæðilega og töfrandi. Þessi fallega borg var stofnuð af riddurum Jóhannesarreglunnar á 16. öld en þeir voru einnig nefndir Mölturiddarar. Borgin er mjög lítrík og skemmtileg og er prýdd glæsilegum barrokkbyggingum sem eru lýsandi dæmi um blómatíma borgarinnar. Margt er að skoða og upplifa í borgina og það gerum við í áhugaverðri skoðunarferð. Nægur tími gefst til að sitja á huggulegu kaffi- eða veitingahúsi og njóta mannlífsins. Í lok dags verður maltneskur vínbóndi heimsóttur en þar verður boðið upp á vínsmökkun og smá snarl áður en ekið verður til baka á hótel. 

Opna allt

5. apríl | Sigling yfir á eyjuna Gozo

Töfrandi siglingu til Gozo, systureyju Möltu sem er undurfalleg. Gróðursæld er mikil og á ferð okkar um eyna sjáum við græna akra og gömul heillandi smáþorp með steinhlöðnum húsum, umkringd vínökrum. Víða sjást fallegar klettavíkur með kristalstærum sjó. Sennilega er skemmtilegast að upplifa sérstaklega hlýlegt viðmót íbúa, það hrífur alla. Á leið okkar skoðum við Calypso hellinn sem er við fallegustu sandströnd Gozo eyjarinnar, rauðu Ramla-I-Hamra ströndina. Sagt er að þetta sé hellirinn sem Homer nefnir í goðsögnum af Ódysseif. Okkur verður boðið í hádegisverð á veitingahúsi þar sem við smökkum dæmigerða eyjamáltíð. Eftir hádegi verður höfuðstaður eyjarinnar sóttur heim. Victoria er borg með litlum þröngum götum, varin voldugu virki sem trónir sem kóróna yfir borginni. Það var reist á tímum Mölturiddara en þaðan er glæsilegt útsýni yfir borgina og sveitir eyjarinnar.

6. apríl | Frjáls dagur í Mellieħa

Frjáls dagur í slökun og rólegheitum. Nú er upplagt er að nota þessa frábæru aðstöðu hótelsins eða fá sér göngu um bæinn. Mellieħa er einn vinsælasti ferðamannabær eyjarinnar, líflegur og skemmtilegur en þar búa um 10.000 íbúar. Upplagt að kanna umhverfið og líta inn á kaupmenn bæjarins. Þá er hægt að rölta niður að baðströndinni sem er ægifögur og með stærstu baðströndum eyjarinnar.

7. apríl | Marsaxlokk & Blái hellirinn

Litli sjávarbærinn Marsaxlokk tekur á móti okkur í allri sinni dýrð í dag, hann er á allan hátt mjög töfrandi. Litlu bátarnir í höfninni og úti á sjónum eru í öllum regnbogans litum sem er sérstaklega táknrænt fyrir bæinn. Íbúarnir lifa eingöngu á fisveiðum og ferðaþjónustu.

Útimarkaður þorpsins er einstaklega líflegurog við gefum okkur vitaskuld drjúgan tíma hér. Næst verður ekið til Wied iz-Zurrieq sem er annað sjávarþorp. Þaðan verður siglt með ströndinni að Bláa hellinum sem er töfrandi fagur. Toppum daginn með því að skoða hin fornu hof Hagar Qim sem standa rétt við dimmblátt Miðjarðarhafið. Þessi áhugaverðu hof eru á heimsminjaskrá UNESCO og eru frá 3.500-2.800 árum fyrir Krist.

8. apríl | Bæjaþrenningin Vittoriosa, Cospicua og Senglea

Í dag verður farið á rölt um gömlu bæina þrjá eins og þeir eru kallaðir sem eru á fallegum töngum á móti Valletta höfuðborginni. Þetta eru hrífandi litlir bæir og þar verður farið á dæmigerðan útimarkað að hætti Möltubúa. Eftir það verður farið í rómantíska bátsferð á dghajsas sem eru svipaðir feneyskum gondólum um sögulegu og stóru höfnina í Valletta.

9. apríl | Heimferðardagur

Eftir yndislega daga verður ekið út á flugvöll. Flugið er með Lufthansa og brottför frá Möltu kl. 06:20 og lending í Frankfurt kl 09:00. Brottför þaðan til Keflavík kl.11:20. Lending kl 13:00 að staðartíma.

Myndir úr ferðinni

Fararstjórn

Hólmfríður Bjarnadóttir

Hólmfríður Bjarnadóttir (Hófý) heiti ég og er fædd árið 1960 á Patreksfirði. Ég er móðir þriggja drengja og er búsett í Bæjaraskógi í Þýskalandi um þessar mundir með yngsta drenginn, Gabríel Daða. Eiginmaður minn er Norbert Birnböck sem er einn af bílstjórum Bændaferða.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 08:30-16:00

 

Tengdar ferðir