Aðventuprýði í Prag

2. - 9. desember 2017 (8 dagar)

Í þessari skemmtilegu aðventuferð gistum við í þremur heillandi borgum. Í hverri þeirra kynnumst við fagurlega skreyttum jólamörkuðum með fjölbreyttum varningi og sýnishorni af því dæmigerða í mat og drykk heimamanna.

Við hefjum ferðina í Pilsen í Tékklandi, sem var menningarborg Evrópu árið 2015 og höldum í skemmtilega skoðunarferð um þessa fögru borg. Farið verður í Pilsner Urquelle bjórverksmiðjuna þar sem við skoðum verksmiðjuna, fræðumst um framleiðsluna og gæðum okkur á gullinni afurðinni. Í heimsborginni Prag setja menning, listir og dulúð miðalda svip sinn á þessa dýrðlegu borg og eru mikilfengleg mannvirki hvarvetna, þ.á m. Karlsbrúin, Hradcany kastalinn og ráðhúsið með stjörnuklukkunni. Á aðventunni er borgin einstaklega heillandi og er lífleg jólastemning um alla borg. Við endum þessa notalegu aðventuferð í gömlu ríkis- og virkisborginni Nürnberg, sem er önnur stærsta borg Bæjaralands. Í borginni er elsti og frægasti jólamarkaður Þýskalands og einstök aðventustemning.

Verð á mann í tvíbýli 186.600 kr.

Aukagjald fyrir einbýli 59.900 kr.


Innifalið

  • 8 daga ferð.
  • Flug með Icelandair og flugvallaskattar.
  • Gisting í 2ja manna herbergi með baði.
  • Morgun- og kvöldverður allan tímann á hótelum.
  • Kvöldverður 5. desember á veitingastað frá 13. öld við ráðhústurninn.
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Aðgangseyrir inn í söfn, hallir og kirkjur.
  • Kláfar eða stólalyftur upp á fjöll.
  • Siglingar og vínsmökkun.
  • Hádegisverðir.
  • Þjórfé.

Valfrjálst

  • Pilsen hjá Pilsen Urquelle bjórbrugghúsið og safn ca. € 10.
  • Aðgangur í gullgötuna og Hradčany kastalann ca. € 13.

Kort af ferðinni

Ferðalýsing

Prenta ferðalýsingu

2. desember | Flug til München & Pilsen

Brottför frá Keflavík kl. 7:20. Mæting í Leifsstöð um 2 klst. fyrir brottför. Lending í München kl.12:05 að staðartíma. Héðan verður ekin um 3 tíma leið til Pilsen í Tékklandi, þar sem gist verður í eina nótt. Borgin er ein af mikilvægustu viðskipta- og verslunarborgum landsins og var menningarborg Evrópu árið 2015. Borgin er heimsfræg fyrir bjórinn Pilsner Urquelle og Skoda verksmiðjurnar. Þar verður gist fyrstu nóttina á 4* hóteli í miðbænum. Tilvalið að rölta um huggulega miðbæinn, líta á jólaskreytingarnar og jafnvel fá sér jólabjór á aðventumarkaðinum. 

3. desember | Pilsen & Prag

Við höfum frjálsan tíma í borginni fram að hádegi. Síðan verður farið í skoðunarferð um verksmiðju Pilsner Urquelle bjórbrugghússins, sem býður upp á einn frægasta bjór landsins. Skoðunarferðinni lýkur með léttu hádegissnarli og ljúffengum svaladrykk að hætti hússins. Rúmlega klukkustundar keyrsla er áfram til hinar yndislegu borgar Prag, þar sem við gistum fjórar nætur á hóteli í hjarta borgarinnar.

4. desember | Skoðunarferð í Prag

Fyrri part dags verður farið í skoðunarferð um þessa heillandi höfuðborg Tékklands. Íbúar borgarinnar eru 1,2 milljón en Prag hefur verið ein helsta menningarmiðstöð Evrópu um aldir. Farið verður að Karlsbrúnni, ráðhúsinu með stjörnuklukkunni, í gyðingahverfið og Wenceslastorgið svo eitthvað sé nefnt. Upplagt að enda ferðina á aðventumarkaðinum við ráðhúsið. Hér er úrval ýmiskonar varnings sem hentar vel í jólapakkana, en einnig má fá innsýn í matarmenninguna á staðnum. Það fer enginn svangur eða þyrstur heim af jólamarkaðinum.

Opna allt

5. desember | Frjáls dagur

Við njótum dagsins í þessari fögru borg sem heillar alla. Upplagt að skoða sig betur um í borginni og kanna líf bæjarbúa á aðventunni. Um kvöldið er sameiginlegur kvöldverður á veitingastað frá 13. öld við ráðhústurninn, en hann prýðir ein af frægustu stjörnuklukkum veraldar.

6. desember | Hradcany kastalinn

Fyrri part dags verður farið í skoðunarferð um Hradcanykastala, sem hefur verið bústaður forseta lýðveldisins síðan árið 1918. Á 9. öld hófst þar uppbygging fursta- og biskupsdæmisins í Prag. Hallarsvæðið er einn merkilegasti og áhugaverðasti hluti Prag og þar má njóta glæsilegs útsýnis yfir borgina. Hér væri mjög gaman að borða saman í hádeginu en eftir það er frjáls tími.

7. desember | Prag & Nürnberg

Í dag kveðjum við Prag og förum til Nürnberg sem er önnur stærsta borg Bæjaralands. Þessi forna ríkis- og virkisborg kemur manni skemmtilega á óvart. Það er ótrúlegt til þess að hugsa að 90% allra bygginga í borginni hafi skemmst í Seinni heimsstyrjöldinni, en stór hluti þeirra var endurbyggður í upprunalegri mynd. Í Nürnberg gistum við 2 nætur í hjarta borgarinnar.

8. desember | Dagur í Nürnberg

Dagurinn hefst á skoðunarferð um borgina. Við höldum í göngu frá gamla kastalanum í gegnum elsta hluta borgarinnar, þar sem gömlu bindingsverkshúsin eru. Endum síðan skoðunarferðina á frægasta aðventumarkaði borgarinnar. Síðdegis gefst frjáls tími til þess að kanna borgina betur á eigin vegum. Margt er að skoða í borginni og mörg áhugaverð söfn, aðventumarkaðir og skemmtilegt verslunarhverfi.

9. desember | Heimferð

Eftir indæla og skemmtilega ferð verður ekið á flugvöll við München. Brottför þaðan kl.13:05 og lending í Keflavík kl.16:00 að staðartíma.

Fararstjóri getur fært dagskrárliði á milli daga eftir þörfum þegar komið er á staðinn.

Myndir úr ferðinni

Fararstjórn

Pavel Manásek

Pavel Manasek hóf píanónám sex ára gamall. Hann lagði stund á orgelleik í Konservatoríinu í Kromeris og síðan í Prag-akademíunni. Pavel starfaði sem organisti og söngstjóri við Háteigskirkju 1993-1999 og á árunum 1991-1993 sem organisti og skólastjóri Tónlistarskólans á Djúpavogi. Jafnframt var hann undirleikari og hjá leiklistardeild Listaháskóla Íslands. 

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 09:30-16:00

 

Tengdar ferðir