Jólaferð til Regensburg

30. nóvember – 3. desember 2017 (4 dagar)

Skemmtileg jólaferð til fornu borgarinnar Regensburg í Bæjaralandi.

Þessi dúlúðlega  miðaldaborg á sér meira en 2.000 ára sögu, allt frá tímum rómverja, enda hefur hún um árabil verið á heimsminjaskrá UNESCO. Aðventan er alveg einstakur tími í Þýskalandi, þegar ljúfan ilminn af jólaglögg og ristuðum möndlum leggur yfir borg og bæi og tendrar sanna jólastemningu í hjörtum fólks. Regensburg er þar engin undantekning og skartar sínu allra fegursta á aðventunni. Farið verður í áhugaverða skoðunarferð um borgina, gengið að gamla ráðhúsinu og Haidplatz torginu með gistihúsinu Goldene Kreuz frá 13. öld, en þar dvöldu konungar og keisarar fyrrum á ferðum sínum. Við lítum á gamlar miðaldabyggingar, nokkur af gömlu turnhúsum aðalsmannanna, sjáum Golíat húsið og steinbrúna frægu. Í Regensburg er að finna eitt af meistaraverkum gotneskrar byggingarlistar í Bæjaralandi, Dómkirkjuna, en þar er starfandi einn frægasti drengjakór landsins, Regensburger Domspatzen. Einnig verður farið í dagsferð til Nürnberg sem býður okkur velkomin á elsta jólamarkað Þýskalands.

Verð á mann í tvíbýli 109.900 kr.

Aukagjald fyrir einbýli 11.900 kr.


Innifalið

  • 4 daga ferð.
  • Flug með Icelandair og flugvallarskattar.
  • Ferðir milli flugvallar og hótels.
  • Gisting í 2ja manna herbergi með baði.
  • Morgunverðir.
  • Skoðunarferð um Regensburg.
  • Skoðunarferð til Nürnberg.
  • Íslensk fararstjórn.

Ekki innifalið

  • Aðgangseyrir inn á söfn, í hallir og kirkjur.
  • Hádegis- og kvöldverðir.
  • Þjórfé.
  • Forfalla- og ferðatryggingar.

Kort af ferðinni

Ferðalýsing

Prenta ferðalýsingu

30. nóvember | Flug til München & Regensburg

Brottför frá Keflavík kl. 7:20. Mæting í Leifsstöð síðasta lagi 2 klst. fyrir brottför. Lending í München kl. 12:05 að staðartíma. Ekið verður til Regensburg, en þessi gamla borg á sér stórmerkilega sögu allt frá tímum Rómverja fyrir um 2.000 árum og er á heimsminjaskrá UNESCO. Gist verður 3 nætur á hóteli í miðbæ borgarinnar. Upplagt er að skoða sig um í bænum og líta á töfrandi jólamarkaðinn sem er staðsettur rétt við hótelið.

1. desember | Skoðunarferð um Regensburg & frjáls tími

Dagurinn hefst á spennandi skoðunarferð um borgina þar sem gengið verður að gamla  ráðhúsinu og Haidplatz torginu með gistihúsinu Goldene Kreutz frá 13. öld. Hér gistu konungar og keisarar á ferðum sínum fyrr á tímum. Við lítum á gamlar miðaldabyggingar, nokkur af gömlu turnhúsum aðalsmannanna, sjáum Golíat húsið frá 13. öld og steinbrúna frægu. Við skoðum stórfenglegu Dómkirkjuna, sem er eitt af meistaraverkum gotneskrar bygginarlistar í Bæjaralandi, en þar er starfandi einn frægasti drengjakór landsins, Regensburger Domspatzen. Eftir skoðunarferðina er um að gera að kanna borgina nánar á eigin vegum, njóta góðra veitinga, kanna mannlífið, kíkja á jólamarkaðinn eða kanna vöruúrvalið hjá kaupmönnunum.

2. desember | Dagsferð til Nürnberg

Á dagskránni þennan dag er spennandi ferð til gömlu ríkis- og virkisborgarinnar Nürnberg,  en hún er önnur stærsta borg Bæjaralands. Það er ótrúlegt til þess að hugsa að 90% allra bygginga í borginni skemmdust í seinni heimsstyrjöldinni, en stór hluti þeirra var endurbyggður í upprunalegri mynd. Við förum í áhugaverða skoðunarferð um borgina, en svo gefst frjáls tími til að líta inn í einhverjar af fjölmörgum verslunum borgarinnar eða skoða elsta og frægasta jólamarkað Þýskalands betur. Upplagt er að hópurinn endi skoðunarferðina saman á jólamarkaðinum og ylji sér þar á jólaglöggi eða púns.

Opna allt

3. desember | Heimferð frá München

Eftir ljúfa ferð verður ekið til München. Brottför þaðan kl. 13:05 og er lending í Keflavík kl. 16:00 að staðartíma.

Fararstjóri getur fært dagskrárliði milli daga eftir því sem þörf þykir þegar komið er á staðinn.

Myndir úr ferðinni

Fararstjórn

Aðalsteinn Jónsson

Ég heiti Aðalsteinn Jónsson, kvæntur og þriggja sona faðir sem allir eru á kafi í fótbolta og fleiri íþróttum. Ég er lærður íþróttakennari og starfa við það í dag.

Ég starfaði í 10 ár sem fararstjóri, m.a. í Kempervennen Hollandi þar sem stílað var inn fjölbreytta afþreyingu fyrir barnafjölskyldur. Mikið var lagt upp úr alhliða hreyfingu - göngu- og hjólaferðir fyrir alla aldurshópa.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Opnunartími þjónustusíma:
Mán.-fös. 09:30-16:00

 

Tengdar ferðir