10. október Flug til Kaíró
Brottför frá Íslandi kl. 7.25 og lending í Frankfurt kl. 12.50 að staðartíma. Flug áfram til Kaíró kl. 15.10 og lending kl. 19.15. Þegar komið er til Kaíró verður haldið á hótelið þar sem gist verður eina nótt.
11. október Egypska safnið og flug til Lúxor
Fyrri hluta dags verður farið í Egypska safnið sem er þekktast fyrir að geyma fjársjóð Tútankamons (Tut Anch Amon), sem telur yfir 4000 einstaka hluti sem settir voru með honum í gröfina. Seinni part dags verður síðan flogið áfram til Lúxor og haldið beint í 5* skemmtiferðaskip á ánni Níl. Gist um borð í skipinu næstu 7 nætur. Kvöldverður um borð.
12. október Konungadalurinn – Esna - Edfu
Haldið að vesturbökkum Nílar til Þebu en í dag er komið að einum hápunkti ferðarinnar, Konungadalnum. Þarna eru meðal annars Memnonsstytturnar sem eru risavaxnar styttur af Amenhótep III konungi við Konungadalinn og hof Hatshepsút drottningar. Við fáum okkur hádegisverð á skipinu og höldum síðan eftir Níl fram hjá Esnu og gegnum flóðgáttina áfram til Edfu. Kvöldverður og gisting um borð við borgina.
13. október Hórusarhofið - Asúan
Hórusarhofið í Edfu verður skoðað en það er talið vera yfir 2000 ára gamalt og er nefnt eftir guðnum Hórus. Haldið aftur til skips og siglt upp Níl í átt til borgarinnar Asúan (Aswan). Á leiðinni verður siglt framhjá Kom-Ombo, fornri egypskri borg sem skoðuð verður seinna í ferðinni. Kvöldverður og gisting um borð við borgina Asúan.
14. október Asúan
Eftir morgunverð verður stíflan Sadd el-Ali skoðuð, en hún (111m há, 3,5 km löng og 1 km breið) var reist á árunum 1960-71 með aðstoð Sovétmanna. Uppistöðulónið, hið risastóra Nasservatn (560 km langt og um 4000 km²), nær langt inn í Súdan og getur rúmað 135-169 milljarða kúbikmetra af vatni. Á austurbakka Nílar má við þetta tækifæri sjá hálfkláraða 42 m háa broddsúlu (óbelísku). Síðan verður farið með litlum bátum að eyjunni Agilkíu og Fílæ-hofið (Philae) skoðað. Siglt á Felluca síðdegis á Níl. Kvöldverður og gisting um borð við borgina Asúan.
15. október Asúan – valfrjáls skoðunarferð til Abu Simbel
Snemma um morguninn er hægt að fara í skoðunarferð með flugi til Abu Simbel-hofanna fyrir þá sem vilja (ekki innifalin). Miklar umræður voru um Abu Simbel-hofin á sjöunda áratugnum þegar Sadd el-Ali við Asúan var byggð, þ a r sem talin var hætta á að vatn myndi flæða yfir og eyðileggja hofin. 1963-68 voru hofin því færð lengra inn í eyðimörkina. Þeir sem fara ekki með í skoðunarferðina geta slappað af um borð í skipinu. Síðdegis er siglt til Kitchener eyju og Núbíuþorpið heimsótt á vélbát.
16. október Kom Ombo
Nú verður siglt af stað og því tilvalið að slaka á og njóta hins fallega landslags meðfram Níl á leiðinni til hinnar fornu borgar Kom Ombo þar sem farið verður í stutta skoðunarferð. Hofið í Kom Ombo stendur á hól rétt við ströndina. Frá hofinu er fallegt útsýni yfir Níl og nærliggjandi svæði. Mannvirkið var reist í stjórnartíð Ptólemea og þar voru samtímis dýrkaðir krókódílaguðinn Sobek og Haroeris með fálkahöfuðið ásamt nokkrum öðrum guðum. Í litlum Hathor helgidómi, við inngang hofsins, eru sýndar krókódílamúmíur frá nærliggjandi dýrakirkjugarði. Hið sérstaka við Kom Ombo hofið er hið tvöfalda hlutverk þess. Mannvirkinu er skipt í tvo samsvarandi helminga, vinstri hlutinn fyrir Haroeris og sá hægri fyrir Sobek. Um kvöldið verður síðan siglt áfram til Edfu. Hádegisverður, kvöldverður og gisting um borð við Edfu.
17. október Sigling á Níl og afslöppun
Nú siglum við frá Edfu til borgarinnar Lúxor. Hádegisverður, kvöldverður og gisting um borð í Lúxor.
18. október Karnak – Lúxor
Í dag verða skoðuð ein flottustu musteri og hof Egyptalands:
Karnakhofið og Lúxorhofið, sem Amenophis II lét reisa. Hádegisverður um borð og síðan yfirgefum við skipið og förum beint á 5* hótel í Lúxor þar sem gist verður í 1 nótt. Kvöldverður á hótelinu. Um kvöldið er hægt að fara á „sound and light show“ í Karnakhofinu.
19. október Kaíró og Alexandría
Eftir morgunverð er farið með flugi frá Lúxor til Kaíró og þaðan haldið með rútu til hafnarborgarinnar Alexandríu, sem dregur nafn sitt af Alexander mikla. Þar verður Bókasafnið skoðað, áður en haldið er á 5* hótelið í Alexandríu. Kvöldverður og gisting í 2 nætur.
20. október Alexandría - Kaíró
Í dag verður farið í skoðunarferð um Alexandríu. Skoðum Pompey’s Pillar, Grísk-Rómverska safnið, Morsi Abu El Abbas moskuna, Quait Bay borgarvirkið og grafhvelfingar. Hádegisverður á veitingastað í borginni.
21. október Alexandría - Kaíró
Frjáls tími fyrir hádegi til að njóta alls þess sem Alexandría hefur uppá að bjóða. Um hádegisbilið er haldið til Kaíró með rútu. Gisting í tvær nætur á 5* hót
eli í Kaíró.
22. október Pýramídarnir í Giza
Nú er komið að rúsínunni í pylsuendanum, en í dag er farið á svæði pýramídanna í Giza. Þar er m.a. hinn frægi pýramídi, Keops, Keferan pýramídinn og hin fræga Sfinx. Hádegisverður verður snæddur á veitingastað í Kaíró. Eftir hádegisverð gefst tími til að fara á hinn þekkta Khan El Kahalili basar.
23. október Kaíró - Frankfurt
Eftir morgunverð er haldið út á flugvöll og flogið til Frankfurt. Gisting í eina nótt á 3*hóteli í Darmstadt áður en haldið er heim á leið.
24. október Heimferð
Hægt að slappa af næstum fram að hádegi en flugið heim fer kl. 13.40 og er lent í Keflavík kl. 16.15 að staðartíma.
Sjá allar upplýsingar um verð og innifalið á næsta flipa hér fyrir ofan.