Skíðasvæðið
Achensee er eitt af bestu gönguskíðasvæðum Austurríkis, enda eru skíðabrautir svæðisins 201 km langar, á öllum erfiðleikastigum, en aðallega þó bláar og rauðar brautir. Svæðið er í dalnum Achental sem er umlukinn tignarlegum fjöllum á nánast alla vegu og því koma margir hingað á hvaða árstíma sem er sökum náttúrufegurðar. Bæirnir við vatnið, sem er 6,8 km² að stærð, eru 5 og þó 3 þeirra séu með rúmlega 2.000 íbúa er það Pertisau sem er þekktastur fyrir bestu aðstöðuna til gönguskíðaiðkunar. Íbúar Pertisau eru ekki nema 596 en þar munum við einmitt gista á hóteli þar sem ein skíðabrautin er alveg við hótelið.
 
Brautirnar sem eru í 940 – 1.200 m hæð liggja almennt séð inn í dalina umhverfis vatnið og er tenging yfir til Maurach, eins stærri bæjanna. Skíðastrætóinn stoppar einnig beint fyrir utan hótelið og með gestakortinu sem er innifalið í gistingunni getum við tekið skíðastrætóinn yfir til Achenkirch og Steinberg, en gestakortið veitir okkur einnig frían aðgang að öllum brautum svæðisins. Það er að sjálfsögðu hægt að leigja gönguskíði í bænum Pertisau og þar eru jafnframt skíðaskólar sem bjóða upp á sérstök gönguskíðanámskeið og einkakennslu. Árlega eru haldnar skíðagöngukeppnir við Achensee, en til gamans má geta að eitt þekktasta fjallahlaup Austurríkis fer einnig fram á svæðinu á sumrin. 
 
Heimasíða Achensee svæðisins er: http://www.achensee.info/
 
Hótelið
Gist verður í 7 nætur á glæsilegu 4* Hotel Rieser Aktiv & Spa Resort í bænum Pertisau við Achensee. Öll herbergin eru útbúin sjónvarpi, útvarpi, síma, hárblásara og baðsloppi. Við fáum glæsilegt morgunverðarhlaðborð og fjögurra rétta kvöldverð, ásamt salathlaðborði. Hotel Rieser er frábærlega vel staðsett fyrir skíðagöngufólk, þar sem brautirnar liggja alveg við hótelið, en jafnframt stoppar skíðastrætóinn við hótelið. Heilsulindin býður upp á a.m.k. 5 gerðir af mismunandi gufuböðum (sauna), inni- og útisundlaug, slökunarsal og margt fleira. Þeir sem vilja geta keypt tíma í nudd eða hinar mismunandi heilsumeðferðir.
 
Heimasíða hótelsins er: www.hotel-rieser.com 
   
Flugið
Flogið verður með Icelandair til München og tekur flugið um 4 klst. Þaðan eru 143 km til Pertisau við Achensee, en það má gera ráð fyrir að rútuferðin taki um 2 ½ klst. 
 
21.01.2012         Keflavík – München         FI 532          07:20 – 12:05
28.01.2012         München – Keflavík         FI 533          13:05 – 16:00
 

 
 
Verð: 188.800 kr. á mann í tvíbýli.        Mikið innifalið – athugið sérstaklega!
Aukagjald fyrir einbýli er 19.600 kr. 
 
 
Innifalið
• Flug með Icelandair til München og flugvallarskattar
• Ferðir á milli flugvallarins í München og hótelsins í Pertisau við Achensee
• Gisting í tveggja manna herbergi með baði á 4* hóteli í Pertisau við Achensee
• Glæsilegt morgunverðarhlaðborð
• Fjögurra rétta kvöldverður ásamt salathlaðborði
• Aðgangur að sundlaug hótelsins
• Aðgangur að heilsulind hótelsins sem er m.a. með mismunandi gufuböð
• Íslensk fararstjórn, þar sem fararstjórar sem verða með leiðbeiningar og hópnum innan handar.
 
 
Ekki innifalið
• Hádegisverðir
• Aukagjald fyrir skíði í flug, 3.900 kr./ € 28 á fluglegg
• Forfalla- og ferðatrygging

Bændaferðir starfa samkvæmt Almennum alferðaskilmálum SAF.