Skíðasvæðið
Á Zugspitz Arena svæðinu má finna fjöldan allan af skíðagöngubrautum sem henta jafnt byrjendum sem og lengra komnum, en brautirnar eru þó aðallega bláar og rauðar. Frá Ehrwald til Heiterwang er að finna vandaðar skíðagöngubrautir og teljast svæðin Ehrwalder Alm, Ponöfen í Ehrwald og Bergwang sérlega snjóörugg. Gönguleiðakerfið er bæði einfalt og þægilegt og býður uppá bæði lengi og styttri leiðir. Frá Lermoos er t.d. hægt að skíða „Zugspitz-Loipe“ og er þá farið í gegnum Gris til Lähm, tekinn þar einn hringur á „Brändleloipe“ og farið svo til baka til Lermoos. Eins er hægt að fara til nærliggjandi svæða s.s. til Reutte og Lechtal á gönguskíðum og svo með strætó til baka en samanlagt eru skíðabrautir svæðanna þriggja um 300 km. 
 
Eftir góða skíðagöngu er upplagt að njóta stórkostlegs útsýnis frá Zugspitze með því að skella sér í ferð með kláfi frá Ehrwald. Á örfáum mínútum fer „Himmelstürmerin“, en svo nefnist kláfurinn, með ferðalanga upp í tæplega 3000 m og á leiðinni er hægt að skoða magnað landslag hins austurríska Tíróls sem og Bæjaralands í Þýskalandi. Þegar upp er komið er hægt að slaka á á Panoramaveröndinni og láta sólina kyssa kinnarnar. 
 
Heimasíða Zugspitz Arena er: www.zugspitzarena.com 
Heimasíða Lermoos er: www.lermoos.at        
Heimasíða Reutte er: http://www.reutte.com/
 
 
Hótelið
Í þessari ferð verður gist á 4* hótelinu Edelweiss í bænum Lermoos. Hótelið er á fallegum stað umlukið fjallgörðum Zugspitz Arena svæðisins í Tíról, Austurríki. Auðvelt er að komast frá hótelinu á gönguskíðasvæðið sem er sannkölluð vetrarparadís. Herbergin á hótelinu eru öll með sturtu/baði, gervihnattasjónvarpi, útvarpi, síma, öryggishólfi og hárblásara. Á hótelinu er að finna glæsilega heilsulind með sundlaug, ýmsum tegundum af gufuböðum, nuddpotti og fleira. Hægt er að panta nudd og aðrar heilsumeðferðir gegn gjaldi. Hótel Edelweiss er stærsta hótelið í Lermoos og því eru fleiri en einn veitingastaður á hótelinu. Skíðaherbergi er að sjálfsögðu einnig á hótelinu, þar sem búið er að biðja um sérstaka smuraðstöðu fyrir hópinn. Búið er að panta herbergi með svölum fyrir hópinn og baðslopp fyrir dvölina..
 
Heimasíða hótelsins: www.edelweiss.at
 
Flugið
Flogið verður með Icelandair til München og tekur flugið um 4 klst. Þaðan eru 150 km til Lermoos, en það má gera ráð fyrir að rútuferðin taki um 2,5 klst.
 
21.01.2012          Keflavík – München          FI 532          07:20 – 12:05
28.01.2012          München – Keflavík          FI 533          13:05 – 16:00

 

 
 
Verð: 182.400 kr. á mann í tvíbýli.         Mikið innifalið – athugið sérstaklega!
Aukagjald fyrir einbýli er 19.600 kr. 
  
 
Innifalið
• Flug með Icelandair til München og flugvallarskattar
• Ferðir á milli flugvallarins í München og hótelsins í Lermoos
• Gisting í tveggja manna herbergi með sturtu/baði á Hotel Edelweiss
• Glæsilegt morgunverðarhlaðborð
• Kvöldverður með valmatseðli ásamt forrétta-, salat- , osta- og eftirréttahlaðborði
• Aðgangur að heilsulind hótelsins sem býður m.a. upp á mismunandi gufuböð
• Baðsloppur fyrir dvölina
• Íslensk fararstjórn, þar sem fararstjórar verða með leiðbeiningar og hópnum innan handar.
 
 
Ekki innifalið
• Hádegisverðir
• Aukagjald fyrir skíði í flug, 3.900 kr./ € 28 á fluglegg
• Forfalla- og ferðatrygging